حد يدلنى على موديل (ماركه) جنوط كويسه

**polla_fuerte** · 01-04-2010 09:45 PM

انا عمال اقرا كلامكو و بجد متعه على الاخر و انا جديد خالص فى الحوار ده .. انا معايا فيات فيورا 127 موديل 85 .. متركب فيها جنوطها الاصليه بتاعت بلدها و الطاسات و كده .. مقاس الكويتش اعتقد 170/55 المهم انا عايز اجيب طقم جنوط جديد و مش ناوى اغير المقاس بتاع الكاوتش علشان انا سمعت ان ده بيبوظ العفشه و بياثر مع الوقت فى الموتور ..

المهم انا عايز حد يدلنى على موديل (ماركه) جنوط كويسه و سعرها فى المتوسط يعنى مش عايز استرخص و كمان موديل كويس للكاوتش .. انا اشتريت فردتين هانكوك بولندى حلوين مش بطالين ..

شكرا و ارجو الافاده بالاسعار و المكان الكويس فى القاهره او الجيزه

**aymanmaly** · 02-04-2010 12:32 PM

بص انا جبت جنوط من على رضا و دة محل بجانب التامين الصحى بمدينة نصر و بجانب جنينة مول
ودول كانو الماني السعر كان كويس جدا
بس ماعرفش مقاس عربيتك عندة ولا لأ

**mada121977** · 02-04-2010 04:32 PM

فيه نوع اسمه gt جميل جداا كنت مركبه فى الشاهين وقعد معايا 4 سنين زى الفل وماشتكيتش منه خالص لغايه مابعت العربيه

**Elsayed** · 02-04-2010 05:49 PM

اعتقد ان تغيير الجنط بياثر على ثبات العربيه

**thegoodhacker** · 02-04-2010 06:09 PM

المشاركة الأصلية كتبت بواسطة polla_fuerte

مقاس الكويتش اعتقد 170/55 المهم انا عايز اجيب طقم جنوط جديد و مش ناوى اغير المقاس بتاع الكاوتش علشان انا سمعت ان ده بيبوظ العفشه و بياثر مع الوقت فى الموتور ..

المهم انا عايز حد يدلنى على موديل (ماركه) جنوط كويسه و سعرها فى المتوسط يعنى مش عايز استرخص و كمان موديل كويس للكاوتش ..

اخي معلش انا عندي تعليق علي كلامك بالنسبة لموضوع مقاس الكاوتش وتاثيره علي العفشة ان المقاس الصحيح لكاوتش العربيات ال127 عموما بيكون 135/80/13 ..... فياريت تتاكد من مقاس الكاويتش اللي عندك علشان ما ياثرش علي عفشة العربية.....
بالنسبة لنوع الكاويتش فيه نوع اسمه gt صناعة اندونيسي محترم جدا و مش غالي الفردة مقاس 135/80/13 بتعمل حوالي 180 جنيه ...