اي حد عندة استفسار في ستروين انا في الخدمة

**ahmadmounir** · 28-08-2011 04:15 AM

سلام عليكم
عايز استفسر عن سعر زيت فتيس اكسارا 1 مانوال ... و سعر الفتيس المانوال نفسه للاكسارا 1 .. لأنه حاسس ان عندى مشكله فى التروس بتطلع صوت غريب على سرعات عاليه

**fepsceasar** · 29-08-2011 11:08 AM

المشاركة الأصلية كتبت بواسطة fepsceasar

أنا عندى المكان بتاع زراير الزجاج الكهربا اللى فى التابلوه ده اتكسر ، وروحت لابراهيم الكهربائي فى عين الصيرة قالى ده كان مكسور قبل كده هات استيراد وركبهم اى حاجة كده على ما اجيب الجديد، سالت عند مؤمن فى الحرفيين لاقيته 450 جنيه اجيبوا وخلاص ولا حد يعرف واحد بيبع ارخص او فى اى اقتراحات، بس انا المشكلة نفسيا ما بحبش امشى والعربية متبهدلة
وفى حاجة كمان انا عايز اكشف على التكييف هو كويس بش عايز اعمله صيانة واشوف الفلتر والشحن لانى اول ما جبت العربية كان احسن اروح فين، هل امير وجوزيف ينفع فى الموضوع ده، خاصة لو هغير الفلتر
آخر حاجة بقى: لو عايز اعمل سمكرة تنصحونى بمكان معين زى: التوكيل ، امير وجوزيف، مركز محترم، ورشة حد اتعامل معاها ....؟ بس زي ما قولتلكوا بخاف من البهدلة فى العربية :y_hi_3[1]:

ما ردتش عليا يا باشمهندس
اتمنى اسمع رايك

**Mohab.Nabil** · 29-08-2011 09:41 PM

بشمهندس رامى

كنت عايز اسأل على اللمض بتاعت الفانوس بتاع الـ c4 نوعها h كام ؟

انا عربيتى 2006 خليجى

و هل تنصح ان يتركبلها زينون و لا ممكن يعمل مشاكل ؟

**Romeo26222** · 30-08-2011 11:55 PM

المشاركة الأصلية كتبت بواسطة ahmadmounir

سلام عليكم
عايز استفسر عن سعر زيت فتيس اكسارا 1 مانوال ... و سعر الفتيس المانوال نفسه للاكسارا 1 .. لأنه حاسس ان عندى مشكله فى التروس بتطلع صوت غريب على سرعات عاليه

سعر الزيت اللتر ب 35 جنية
total bv 75w80
سعر الفتيس دا ممكن تسأل في الحرفيين استيراد

**Romeo26222** · 31-08-2011 12:01 AM

المشاركة الأصلية كتبت بواسطة rs12

بشمهندس رامى

كنت عايز اسأل على اللمض بتاعت الفانوس بتاع الـ c4 نوعها h كام ؟

انا عربيتى 2006 خليجى

و هل تنصح ان يتركبلها زينون و لا ممكن يعمل مشاكل ؟

لا ينصح بتركيب زينون علشان بيأثر علي كومبيوتر العربية
اللمبات في السي 4
H1 and H7 lamps

**Romeo26222** · 31-08-2011 12:08 AM

المشاركة الأصلية كتبت بواسطة fepsceasar

ما ردتش عليا يا باشمهندس
اتمنى اسمع رايك

صيانة التكييف والسمكرة ممكن يتعملوا في التوكيل "عز العرب او امير وجوزيف"

**ahmadmounir** · 02-09-2011 02:24 PM

المشاركة الأصلية كتبت بواسطة Romeo26222

سعر الزيت اللتر ب 35 جنية
total bv 75w80
سعر الفتيس دا ممكن تسأل في الحرفيين استيراد

شكراً للافاده

**filex17** · 12-09-2011 02:32 PM

بعد اذنك يا بشمهندس
التكييف كان شغال كويس و انا بغير فيوزات في علبه الفيوزات الي تحت الدركسيون عشان كان في فيوزات مشعره و بعد الانتهاء لقيت مروحه التكييف مش شغاله علي اي سرعه و زرار التكييف شغال و منور لكن سرعات المروحه مش شغاله ارجو من حضرتك الافاده

**mke10** · 26-09-2011 02:08 AM

استاذنا العزيز
انا روحت معرض اوتوماك وكانت ال سي 5 تحفه من الداخل والخارج ايه رايك فيها وهل قطع غيارها متوافره عند عز العرب ولا ابعد عن الموديلات الجديده واجيب المضمون الاقل امكانيات زي ال بي ام 116 بنفس السعر تقريبا
اقصد في نهايه كلامي الستروين متعبه في الصيانه وهل بتعيش ولا مكوناتها ضعيفه ومحتاجه تغير وتعب وهل عز العرب مريح في التعامل ؟
شكرا

**MrMustang** · 26-09-2011 11:28 AM

عندي مشكله في شاشه عداد الكيلومتر اللي في الاكسارا-1
الشاشه فاصله بس جايبه شُرط كده...ولما روحت لكهربائي وبعد ما فك العدادات قالي ان العيب في الشريط البلاستيك اللي واصل من الشاشه والبورده لانه كان مش ثابت في مكانه فعلا....بس قالي انو مش هيعرف يعمله...روحت لواحد بيصلح تساجيل بردو معرفش...فايه الحل؟؟
مين ممكن يعمله وهل الشريط ده بيتباع لوحده ..ومين اللي يركبه؟؟

الف شكر