اي حد عندة استفسار في ستروين انا في الخدمة

**zecapet** · 26-09-2011 11:38 AM

لو سمحت يا مهندس رامى
سيارتى c4عداد السرعة بيدى شرط و مش بيقرى ارقام
عوامة البنزين تعطى اشارة كاذبة
ريموت العربية لا يعمل
شاشة المعلومات الصغيرة محروقة عايزة تتغير بكام و منين
عداد التروس (ستبترونيك) لمل بشغله على المانيوال يقرا من 1 ال 3 مباشرة ال 4
والعكس يقرا 4 ثم 3 ثم 2 ثم 1
ما حل هذه المشاكل و اسعارها قدر الامكان للاهمية؟
معلش متقل عليك
جزاك الله خير

**MarwaShehata** · 26-09-2011 07:11 PM

رجاء مساعدتى أنا أول مرة أشترى فيها عربية و قدامى عربية ستروين C3 2006

مواصفاتها:

tkyeef+ power+ center+ 2 airbags+ zogag kahraba+ msbt sor3a+ controled lights+ fog light front and rear+ all fabric + excellent sallon condition in factory case+ new belts and tires+ original sony sound system( casset + 6 speakers )

سعرها
48000

أنا بس عايزه أعرف السعر كده مناسب و لا لأه
و يا ترى قطع غيارها غاليه جدا زى ما البعض بيقول

أرجو الرد و لكم جزيل الشكر

**MrMustang** · 28-09-2011 11:13 AM

المشاركة الأصلية كتبت بواسطة mrmustang

عندي مشكله في شاشه عداد الكيلومتر اللي في الاكسارا-1
الشاشه فاصله بس جايبه شُرط كده...ولما روحت لكهربائي وبعد ما فك العدادات قالي ان العيب في الشريط البلاستيك اللي واصل من الشاشه والبورده لانه كان مش ثابت في مكانه فعلا....بس قالي انو مش هيعرف يعمله...روحت لواحد بيصلح تساجيل بردو معرفش...فايه الحل؟؟
مين ممكن يعمله وهل الشريط ده بيتباع لوحده ..ومين اللي يركبه؟؟

الف شكر

في انتظار الرد...الف شكر

**filex17** · 29-09-2011 01:47 PM

ارجو المساعده
اشتريت اكسارا 1 و عندي مشاكل
1-عداد الكيلومترات كاتب 999999 هل ليه اصلاح ولا اجيب مستعمل ولو لصلاح اصلحه فين و بكام و لو هشتريه استعمال سعره كام

2-ارجو ان يصور احد علبه الفيوزات الي تحت الدركسيون عشان اعرف ترتيب الفيوزات و الوانها عشان عندي في كهربائي لخبطهملي

3-لمبه الزيت عندي بتشتغل لما برفع الهاند برييك فهل ليها حل ام لا

ارجو الرد للاهميه

**haythem255** · 25-10-2011 02:52 AM

السلام عليكم يا باشمهندس
انا محتاج عربية axموديل 95 وهناك شخص عرض عليا واحدة ب 15 الف جنيه وبيقول اركب وماتصرفش خالص انا ماشوفتهاش وعشان اشوفها هسافر من دمياط للقاهرة انت ايه رأيك اروح ولا دي اشتغالة مع ان انا سألت ناس قالوا ده سرها الشرعي اليومين دول

**tetofisherman** · 29-10-2011 07:32 PM

قدامى عربيه c3 خليجى بانوراما موديل 2003 1400cc اوتوماتك عامله 70000 كيلو متر
أرجوا المساعده هل الماتور ده بتاعها ولا متغير و هل فعلا فى c3 بانوراما و أتوماتك كمان و السعر المناسب للعربيه يبقى كام تقريبا ويا ترى هلاقى قطع غيار و لا ايه و متوفره و أسعارها مناسبه و لا لأ

**hemaah48** · 02-11-2011 04:54 PM

السلام عليكم ورحمة الله وبركاته
بشمهندس رامى لى استفسار صغير انا معايا سى4 موديل 2006 كامله اتوماتيك وعندى لمبة التشيك نورة ورساله بتقول antipollution faulty المهم رحت التوكيل قالوا ان علبة البيئه عايزه تتغير المهم جيبت واحد استعمال وركبتها ورحت عند احدى المراكز عندنا فى اسكندريه علشان يلغى الخطأ من على الكمبيوتر ولكن ايضا اللمبه نورة ولما مهندس المركز دخل تانى على الجهاز قال ان المشكله عندى فى سينسور البيئه الازرق الدون استريم المهم جيبت واحد ايضا استعمال وبرده نفس المشكله موجوده رحت لمركز تانى وبرده الجهاز عنده مسجل ان المشكله فى السينسور (عكس التوكيل اللى قال علبة البيئه) قولت لمهندس المركز عجيب سينسور تانى بس جديد اضمن قال ثوانى عتصل بأحد المتخصصين فى كهرباء السيتروين وبعدها قالى خالى بالك ممكن يكون العيب فى الكرته مش فى السينسور وانا الان فى حيره ومش عارف المشكله فين بالظبط على فكره العربيه على الn او p بيبى فيها رعشه بسيطه ارجو مساعدتى لانى هنجت وشكرا

**hemaah48** · 16-11-2011 02:06 PM

ايه يا جماعه انا من قبل العيد ومش شايف اى تعليق واين البشمهدس رامى لعلى المانع خير

**wehdo** · 27-11-2011 06:08 PM

سؤال فى الحراره للاكسارا 1.. عندى بتزيد عن ال 90 بحاجه بسيطه و ترجع تانى، فهل ده طبيعى؟ و كمان استهلاك البنزىن حوالى 360 كيلو ب 38 لتر و معظم مشى على الدائرى
ارجو الافاده

**aboadam** · 11-12-2011 07:07 PM

انا ناوى اشترى بيكاسو 2006 عاملة 180000 كم بتاعه واحد صحبى بيحسس على العربية فبريكا بره جوه
انا شريها عشان اروح بيها الشغل بس هو عارض 52000 و تم الاتفاق على 48500 عاوز رايك يا بشمهندس