اللانسر السبورت بقت ب141000جم بدل 150000جم للنسخه الاسبورت
الفاضيه مانيوال 117500 جم
الاسعار دي للخليجي,اخيرا العربيه بقي سعرها منطقي و منافس في ظل انخفاض اسعار منافستها اللدود المازدا 3 و منافستهم من بعيد شويه الهوندا سيفيك.
عرض للطباعة
اللانسر السبورت بقت ب141000جم بدل 150000جم للنسخه الاسبورت
الفاضيه مانيوال 117500 جم
الاسعار دي للخليجي,اخيرا العربيه بقي سعرها منطقي و منافس في ظل انخفاض اسعار منافستها اللدود المازدا 3 و منافستهم من بعيد شويه الهوندا سيفيك.
t2sowd eah b en el civic mownafsthowm men b3eeed
t2sowd enha 2a2al wala 23laa
من بعيد اقل خصوصا من ناحيه الكماليات و الكيت الرياضي في العربيتين دول(فتحه و حساسات ضوء و مطر و فول سبويلر و زينون و جنوط)
طيب سعر المازدا كام دلوقتي الخليجي
ya raagel el CIVC mownafst el LANCER OW EL MAZDA3 men b3eed
EL CIVIC aslan a3la men el atneen bkteeer
شكرا على الخبر الحلو ده أ novo
وشكلها بداية نزول فى الاسعار اعتقد انها هتكرر مسار العام الماضى
بالنسبه الاسعار المازدا في لينك في منتدي مازدا موضحها.
اما بالنسبه للمقارنه ما بين التلات عربيات فاانا مسوقتش اي واحده فيهم علشان اقول مين احسن,بس انا بتكلم علي قيمه مقابل فلوس(انتا بتاخد ايه مقابل اللي انتا بتدفعه),اعتقد بالمعيار ده يبقوا اعلي من الهوندا.(جرب و اركب التلاته في اي معرض هتحس ان الهوندا فقيره بالنسبلهم)
علي فكره ان بتكلم علي النسخ السبورت من الاتنين.
ولا رخصت ولا حاجة
زي ما هي
أنا لسا سائل النهاردة عند طوب الأرض
يا ريت تقوللنا
ولا رخصت ولا حاجة
زي ما هي
أنا لسا سائل النهاردة عند طوب الأرض
يا ريت تقوللنا الأسعار دي عند مين
اسئل في سيارات الطيران في شارع الطيران,و سمير ريان.....عندهم الاسعار الجديده
او بص علي سعرها في ملاحق السيارات بتاعت الاسبوع اللي فات.
دا خبر جامد
بس ياريت تقولولى فى فرق بين الخليجى والمصرى؟
وهل الخليجى متوفر ولا لا؟
الفرق الابرز الزينون(المصري مافيهاش),اما عن توافر الخليجي,فانا شوفت بتاع 10 عربيات كلهم خليجي....سيارات الطيران بيبعها بضمان 20000او سنه
الزينون دا موجود فى الكاملة بس ؟
الموديل 1.5 f/o a/tالى ب 132000 الخليجى منو بكام ؟
وشكرا على الرد
الزينون في السبورت بس,التانيه بيسموها هاف سبورت ب 130000جم.
طب الوكيل هاينزل السعر على كده و للا ايه ؟؟؟؟
الهوندا سيفيك لايمكن تقارن بلانسر ابدا وده باعتراف اصحاب اللانسر اللى خدت رايهم لما جيت اشترى قلتلهم لانسر ولا هوندا قالولى ياعم انت بتتكلم فى ايه هوندا طبعا واسالو الاستاذ اسلام شاهين قاللى ايه
من ناحية السعر والكماليات المقارنه لن تكون صحيحه يعنى انت لو حبيت تجيب بى ام ولا مرسيدس بسعر اللانسر هاتون دركسيون واربع كاوتشات بس
شوف حضرتك الاوبل فكترا اغلى من اللانسر ومن الهوندا ومن المازدا وكمالياتها فقيره جدا بالنسبالهم
يبقى المقارنه من وجهة نظر حضرتك غلط
ممكن المازدا والهوندا ماشى بس اللانسر بعيده شويه
مع احترامى لكل مالكى اللانسر بس انا حبيت اوضح بموضوعيه
ثمن اللانسر الجديدة لم يتغير للأسف
أنا سألت صلاح فهمي النهاردة (و ده من كبار المستوردين اللي بيوزعوا للكل)
و قاللي ان سعر ال GLS Sport ب 152000 و ممكن ب 151000 لأنه نص معرفه يعني .
بس العربية احتمال كتير ترخص خلال الشهور القادمة بس لما التويوتا تسمع شويه
ثمن اللانسر الجديدة لم يتغير للأسف
أنا سألت صلاح فهمي النهاردة (و ده من كبار المستوردين اللي بيوزعوا للكل)
و قاللي ان سعر ال GLS Sport ب 152000 و ممكن ب 151000 لأنه نص معرفه يعني .
بس العربية احتمال كبير ترخص خلال الشهور القادمة بس لما التويوتا تسمع شويه
بس النزول مش هايعدي ال 10000 جنيه
no news about reduction in car prices in this year generally
or it will be the same
استاذ احمد,انا كنت وضحت المصادر اللي انا جبت منها المعلومه فلو حضرتك رجعتلهم و حد قالك كلام مختلف يبقي وضحلي ,وعلي فكره السعر كان متغير في ملحق الاهرام و الاخبار عند غالبيه التجار.
ممكن تسمع نفس السعر القديم من بعض التجار لانهم غالبا بيكون عندهم مخزون و بيحاولوا علي قد ما يقدر ما يخسرش فيه.
علي العموم اللانسر طول عمرها عربييه ب100سعر.
بالنسبه للاستاذ MiMo فاولا مبروك على العربيه ولونها جت متأخره.
علي فكره انا بتكلم علي اللنسر الexالسبورت مبدئيا
العربيه فعلا اعلي من الهوندا من ناحيه التجهيز و دي نقطه اعتقد مش هنختلف عليها,و هي صناعه اليابان زيها زي الهونداو الفرق الوحيد في الموتور اللي طبعا لصالح هوندا و متعه السواقه و دي نقطه انا معرفهاش لاني مسوقتش الاتنين,ولا حضرتك من كلامك ممكن تدي فيها حكم نهائي لانك ما سوقتش غير واحده بس منهم,و متعه السواقه بتحتل جزء كبير عند بعض الناس عند شراء أي عربيه.
انا راي ان العربيتين منافسين لبعض و المنافسه في نقطه القيمه مقابل السعر في صالح اللنسر بوضوح, ولو انا بس هفكر ان انا عايز عربيه موتورها احصنته عاليه,هاخد الالنترا و هوفر 30000 و بكماليات مقاربه للهوندا بس اقل كتير من اللنسر و المازدا.
علي فكره انا ليا واحد صاحبي في الكويت معاه الهوندا 1600 بس الكامله(كماليات زي اللنسر السبورت),و لما ركب اللنسر عجبته اكتر.
بدون زعل انا راىى ان اللانسر السبورت احلى من الهوندا سيفيك
مشكلة الهوندا سيفيك الى نازلة هنا مفيهاش اى كماليات دا حتى مفيهاش جنوط
لكن الميتسوبيشى لانسر عربية يابانى بردة زى السيفيك وبعدين ميتسوبيشى متفرقش كتيرر عن هوندا
اللانسر فيها
http://www.mitsubishi-motors.com.eg/...ncer-EX-12.jpg
- Automatic Air Condition
- Power steering
- Central Lock with remote control
- Immobilizer
- Keyless Operation System (Engine operation)
- Electric windows
- Electric mirrors
- Heavy duty and high ground suspensions
- ABS & EBD brake systems
- Wide alloy wheels 205/60 R16
- Driver Airbag + front passenger Airbag
- Radio Am/Fm + CD + 6 speakers + roof antenna
- Audio control in the steering wheel
- Leather steering wheel
- Silence grade up system
- Engine cover
- Theft protection (Alarm system)
- Side air dam
- Front air dam
- Rear spoiler
- Sun roof
- Front Fog lamps
- Privacy glass (dark glass)
- UV cut glass (Ultra Violet)
- Refrigerated glove box
شوف شكلها
بس فى الاخر اختلاف الراى لا يفسد للود قضية
وعلى فكرة موتور السيفيك احسن من اللانسر
السلام عليكم ورحمة الله وبركاته
اولا انا احترم اراء الناس اللى بتفضل اللانسر على السيفيك بس اختلف معهم لكام سبب:
اولا سعر اللانسر سبورت اغلى من الهوندا ب10 الاف جنيه يعنى بالسعر ده ممكن تركب جنوط وفوجات اصلية من التوكيل نفسه 8500+2200 =10700 يعنى قربت من اللانسر فى الكماليات بس برده لا يزال التفوق للانسر فى الناحية دى
تانى حاجة وده الاهم هوة ان زى ماالانسر مليانة اوبشنز جوة العربية فهى تفتقد الاوبشنز اللى جوة المحرك زى مثلا انها 1500 109 حصان فقط الجيربوكس مفهوش CVT ودى حاجة مهمة جدا يعنى لوحاولت تقدر الحاجات دى بسعر حتلاقيها مبلغ محترم مع ملاحظة ان الحاجات دى صعب اوى تتركب وفى نفس الوقت تفرق كل الفرق فى مستوى اداء العربية
الهوندا اوسع من اللانسر من جوة بكتير جدا سواء فى الكنبة الخلفية الضخمة او الشنطة اللى مش بطالة
بالنسبة للتابلوه فدى اراء بس بيعجبنى الهوندا انما فى الشكل الخارجى بصراحة بتعجبنى اللانسر اكتر بس مش فرق كبير
وبرده حاجة مهمة هى ان الهوندا طول عمرها واخدة درجات احسن من اللانسر فى الجودة.
بالنسبة لرد الاخ novo فانا معرفش ازاى فى سيفيك 1600 فى الكويت انا اللى اعرفه انها على طول 1800 هناك وده اللى شفته فى الموقع بتاع الكويت فلو فى فعلا سيفيك 1600 فى الكويت يبقى لازم التجار يستوردوها وينافسو التوكيل وكمان هل اللانسر اللى حضرتك بتتكلم عليها فى الكويت كانت 1500 برده ولا 2000 سىسى
اخيرا احب اقول ان اختلاف الرأى لا يفسد للود قضية وانا لما ابقى ماشى بالسيفيك بيجذبنى اوى شكل اللانسر وهى معدية بس ببقى عارف انه لو حب يشد حيزعل بس طبعا انا مبشدش خالص.
المفروض تقل كمان شويه....
استاذomar_megane,الفرق ال10تلاف دول المفروض انهم مبقوش موجودين وده بالتأكيد هيغير رأيك شويه في نقطه السعر و ان كان الفرق مش بس جنوط و فوج,ده فيه زينون(قول 5000 الاصلي و فتحه سقف..قول كمان5000)كده الفرق وسع حبتين.
اللنسر فعلا فيها مشكله في نقطه وسع الشنطه و الديذاين بتاعها وهو غبي جدا ولا يقارن بالهوندا و ان كان الوسع الداخلي تقريبا واحد.
من جوه فعلا الهوندا فيها ابتكار و شغل حلو و ان كانت نوعيه المواد تقريبا واحده في الاتنين.من بره انا ما بيعجنيش شكل الهوندا ودي مسأله اذواق بس اللنسر فيه شبه اتفاق ان شكلها جامد(الكيت اللي عليها يحسسك انها ايفو).
برضه بتفق مع حضرتك ان جوده الهوندا طول عمرها احسن من المتسوبيشي بس النقطه دي بتتعوض اوي في مصر بالفرق الكبير جدا في اسعار قطع الغيار و توفرها اللي اكيد في صالح اللنسر لانتشارها.
اخيرا انا شايف ان سعر الهوندا في مصر غير عادل.اما اللنسر فبقى سعرها عادل وان كنت اعتقد ان لسه فيها الفين تلاته بالكتير.
سعر الهوندا فى مصر غير عادل؟؟؟؟ وسعر اللانسر بقى عادل؟؟؟؟؟:eek::confused::eek::confused::e ek::confused::eek:
على العموم انا انسحب بهدوء من هذه المناقشه
السلام عليكم ورحمة الله وبركاته
اولا شكرا للاخ novo على الرد
ثانيا انا مش متأكد من موضوع ان اللانسر سبورت بقت ب140 ولا لأ علشان ساعات كتير بسمع انها لسه ب150 عند التوكيل مش خليجى
ولو بقت ب140 يبقى سعرها بدأ يتحسن بس برده لسة مبالغ فيه
حضرتك مخدتش بالك من اللى انا قلته بخصوص ان الميتسوبيشى مفيهاش حاجات مهمة فى الموتور والجيربوكس ودول زى ماقلت لو اتقدروا حيبقوا اغلى من كل الكماليات اللى قلنا عليها يعنى حضرتك تخيل لو اللانسر نزلت بموتور 1600 mivec و CVt والحاجات دى حيبقى سعرها كام انا فى رأيى اكيد فوق 160 .
وفى نقطة مهمة هى ان الهوندا طول عمرها اغلى اليابانى يعنى بره السيفيك ال1800 فى امريكا بتبتدى من 15000 دولار فى حين ان اللانسر ال2000 بتبتدى ب13000 دولار فاكيد الفرق ده ليه اسباب وكتير من الناس فى امريكا بيجيبوا السيفيك بالرغم من سعرها فبالتالى السيفيك هنا لما سعرها يبقى قريب جدا من اللانسر وفرق 10 الاف يبقى اللانسر هية اللى مبالغ فيها مش السيفيك
الوسع الداخلى اختلف معاك لأن السيفيك من ورا من اوسع العربيات اللى شوفتها مع احترامى الشديد للانسر
انا نفسى حضرتك تجرب تسوق اللانسر السبورت والسيفيك الفاضية اللى هنا وحتعرف الفرق الحقيقى
اخيرا انا الاسعار اللى قلتها على الكماليات دى بتاعت الوكيل يعنى لو جبت الاصلى من بره بورسعيد مثلا حتلاقيهم اقل يعنى الزينون بالفوانيس واللنس حتلاقيه فى حدود 3او4 الاف ونفس السعر للجنوط والفوجات ارخص بس فتحة السقف والتكيف الاوتوماتيك دول صعب شوية واكيد اى حاجة حتتركب مش حتبقى بجودة المصنع
بالنسبة لقطع الغيار معتقدش فى فرق كبير لأن بصراحة فى الاسكندرية هنا بحس ان السيفيك منتشرة زى اللانسر الجديدة ده ان مكانتش اكتر بس معرفش ايه نظام القاهرة فى الحتة دى وتوكيل هوندا كويس وبرده يجب احترام انه مستغلش الطلب عليه بأنه يزود السعر (السيفيك كانت بتتباع عند التجار ب150 وبتتبااع)
+111111111111 I have been in the united state since 3 months and the most popular car in this category is Honda and corolla by the way corolla here for 2007 and older model is different in design but the one we have in egypt is much better looking and there is alot of advertisement fro the new lancer I think it needs little bit more time
ميزة إضافية للانسر انك ما بتضطر تفك أي برغي في السيارة لأنها كاملة المواصفات و طبعا بالنسبة لشخص لح يجيب السيارة و دافع تعب سنين لازم يستمتع بشوية كماليات على الأقل و الله فتحة السقف أو نظام الصوت الروعة بيضل حسرة هاد غير التكييف الاوتو اللي لا يركب و طبعا التركيب حتى لو في الوكلاة غير انو يجي من اليابان و ما بظن ان الجنوط خارج الوكالة مضمونة .....وتطول الميزات , أنا كنت محتار بنفس الشي بين السيفيك و اللانسر , صح ان سمعة و ( أؤكد على هي الكلمة ) أفضل
بس بالاصدار الجديد للانسر التوقعات توحي بمنافسة شديدة , و طبعا القرار بيرجع بالنهاية لقناعات الشخص
نظريا سحب الهوندا أفضل ( حسب الأرقام اللي بتقول انها 125 حصان و لا تنسى على كام لفة 6500 !!!) بس على أرض الواقع ممكن يكون شي تاني فهوندا صرحت عن 12.5 للتسارع من 0-100 و اللانسر ( الجديدة ) حوالي ال 12 و بعد ال 100 بظن إن السحب لصالح الهوندا بس بفرق بسيط طبعا ما لح احكم غير بعد تجربة , و طبعا في ظروف قيادة عادية أنا لقيت اللانسر أنعم و أكثر فخامة
و شركة كشركة ميتسوبيشي اللي تنتج سيارة كالإيفو قادرة تصنع سيارة تنافس السيفيك لمل تنوي و تقرر و الحمدالله بظن ان هالشي بيحصل هالإيام
و الاختلاف بالرأي لايفسد في الود قضية
+ نسيت قول ان فرامل اللانسر أقراص أكبر +
EBD , Breaking assistance
+ و عن تجربة ففرامل الهوندا سيفيك قريبي كان يحتاج يغير الكوليات ( الفحمات ) كل سنة و طبعا كان معه موديل 2004 و الجديدة ما بظن انه في فرق كبير , بالمقارنة مع رفيقي اللي معة مازدا 3 و جابها بنفس السنة السيارة عاملة 40000 و سواقة عنيفة و بمدينة مزدحمة و حد هاليوم ما غير شي
مساء الخير لكل الشباب
مبدئيا بالنسبه لموضوع السعر اللي الناس كلها شكه فيه,والله يا جماعه انا ذكرت المصادر اللي انا جبت منها السعر الجديد,فلو اي حد و سأل و لقي غير كده يوضح.
النقطه التانيه اللي ذكرها الاخ العزيزomar_megane ان الميتسوبيشي ما فيهاش حاجات مهمه في الجير ولا الموتور ,فانا اوافق في نقطه و اختلف في التانيه.
بالنسبه للجير فانا اوافق علي انه مش cvt و الاخطر في رايي انه ما فيهوش S(انا سوقت القديمه السبورت و ميزه الs في اي عربيه انه بيعمل استعداد كامل في كل العربيه لتحسين الاداْء فتلاقي الفرامل بقت حساسه اكتر و دواسه البنزين نفس الكلام).بس الموتور اختلف معاك فموتور المايفك و رغم انه اقل في السعه اللتريه من الهوندا الا ان ارقام اداءه جيده جدا.
نيجي بقي لموضوع الفروق السعريه,فانا اختلف مع حضرتك ان الفروق قليله اوي كده,فزي ما وضح استاذsamo_1983ان انتا علشان تجييب الاصلي من اي حاجه صعب قوي(الزينون مش بس الموديول دا كمان في عدسات اوريجنال)و الطاره الملتي فنكشن و العتب و الجناح و السوند سستم و فتحه السقف و الجنوط ال16 كل ده معدي ال20000 مستريح,و معتقدش ان الفرق في الموتور و الوسع ممكن يبرر كل الفرق ده في القيمه.
+ من أجل موضوع ال sport mode فعلى السرعات المخفضة لا حاجة فموتور المايفك نشط بشكل كافي و بعد سرعة ال 100 ممكن بكل بساطة تحط على ال overRide أي على 3 و بتعطيك أداء ال s نفسه فعمليا ال S هي عملية تنقيل أوتوماتيكي ل L ,2 3 و و يسمى أحيانا ب automatic overRide , و ملاحظة صغيرة ان الفرامل مالها علاقة بال S بس الإحساس بفرملة أفضل ناتج عن كبح المحرك لأن وضع S يأخذ غيار منخفض و اللي منقددر نعمله ب أوضاع ال OverRide في سيارة مافيها S .
بيجو الي الابد
انا شايف ان الانسر سعرها كويس بالنسبة للسيفيك وزى ما قال ا.نوفو
ان الكماليات الى فيها تعملها 20000 او اكتر برغم ان سعر الانسر اغلى من السيفيك
ب10000 ...................لا نسيت اقول ان هيا ب150000 تسليم فورى
احنا لو عايزين نقارن الانسر بالسيفيك يبقى نقارن السيفيك بالموديل الى ب132000
الى بطاسات وكدا
بس بردة الى اشترى سيفيك مايزعلش دا معاة عربية جامدة بردة يعنى
وفى الاخر اختلاف الراى لا يفسد للود قضية
السلام عليكم ورحمة الله وبركاته
اولا مبروك للاستاذ samo على اللانسر
وعلى فكرة موتور اللانسر 109 حصان عند 6000 لفة فى حين موتور السيفيك القديم ال1.5 كان 115 حصان عند 6500 لفة
ولو حنتكلم على اللانسر evo يبقى فى الناحية التانية ال type R او حتى هوندا فى الformula 1
نيجى لموضوعنا انا فى رأيى العربية مش اوبشنز وبس انما دى عبارة عن عامل مؤثر والا كان الواحد يجيب ميجان بانوراما وبلاش ولا سيفيك ولا لانسر وكانت الاوكتافيا والفكترا قفلوا هنا
ثانيا والمهم ان طول عمر هوندا وتويوتا فى كفة وباقى اليابانى فى كفة تانية فمينفعش تقارن بين السيفيك والكورولا مع اللانسر وده السبب ان اللانسر طول عمرها بتنافس فى الشريحة السعرية الاقل والموضوع ده يبان اكتر فى العربيات الالمانى لما فولكس فاجن حاولت تنافس مرسيدس s-class وبى ام 7 series بطرازها phaeton ففشلت واضطرت توقف انتاج الموديل ده فى امريكا وده اللى اتوقعه للانسر الشكل الجديد عل الاقل فى مصر مش حتنتشر زى الموديل السابق
فأنا اكتفى بأنى اقول لحضرتك دور فى التقييمات العالمية وشوف ايه موقع ميتسوبيشى من هوندا او تويوتا حتلاقى زى ماعمر مالgalant ماحتنافس الcamry او civic برده عمر ما الانسر ماحتننافس السيفيك او الكورولا ودى حقيقة متفق عليها فى العالم كله
علشان اللانسر تقدر تنافس لازم يبقى سعر الsport حوالى 130 بالكتير وبرده فى الحالة دى كنت حاجيب السيفيك
بالنسبة لرد الاستاذ sa3dawy فأنا عندى السيفيك ومش زعلان ومعرفش اى حد عنده سيفيك وزعلان فالصح انو اللى معاه نيولانسر هوه اللى ميزعلش اهو معاه عربية شكلها حلو وفيها اوبشنز
واخيرا الاختلاف فى الرأى لا يفسد للود قضية
انا اسف كنت اقصد الcamry وال accord
الطريقة مش موضوعية خالص و بالذات الحته بتاعة (عمر ماللانسر تنافس السيفيك أو الكورولا) !!
ليه ؟ مش عربية زيها زيهم و كانت أقل جودة و خدت تقييمات أقل ....بس لو جودتها اتحسنت ممكن تاخد تقييمات أعلى و تنافس كمان و بقوة .
موضوع الفيتون ده علشان السيارات الفارهة هي ملعب BMW و مرسيدس لدرجة ان الماركتين أصبحوا رمز لهذة الفئة . و طول عمر الفولكس مشهوره بسياراتها الصغيرة التي حققت لها الاسم و الشهرة _بيتل و جولف_ و هو نفس المجال الذي هزمت فيه مرسيدس و BMW بسيارتيهما عديمي الانتشار سيئتى السمعة _الفئة الأولى و الA-class_ .
أما المقارنة بين الكورولا و الانسر بالذات فهي عادية ...و لكنني مازلت أوؤمن أن الهوندا تبقى على متربعة على قمة المحركات و التعليق الياباني .
القضيه دى محسومه من زمان هوندا هوندا هوندا.....سيفيك سيفيك سيفيك
السلام عليكم ورحمة الله وبركاته
اولا زى ماقال الاستاذ Mimo القضية طبعا محسومة للهوندا على الاقل فى رأيى
بالنسبة لرأى الاستاذ ahmed
ففى حاجات معروفة عالميا وحضرتك اسأل اى خبير سيارات حيقولك ان هوندا دى تكنولوجى وجودة تتفوق على ميتسوبيشى بكذة سنة وده السبب اللى خلا ميتسوبيشى تحاول تعوض الفرق ده بالاوبشنز اللى هنا وفى امريكا بتعوضوا بسعر اقل وموتور سعته اكبر ومع ذلك مازال الناس بيفضلوا هوندا وتويوتا
ثانيا وده الاهم ان تعليق حضرتك على موضوع السيرات الالمانى ده بيأكد كلامى اللى هوة ان زى مافولكس فاجن بتحقق نجاح فى الفئة الصغيرة او الفئة السعرية الاقل زى ماالانسر حققت نجاح هنا فى الموديل السابق اللى كان سعره اقل بكتير من السعر الحالى انما لما تحاول تنافس الفئة السعرية الاعلى فمصيرها زى مصير الphaeton وهوة انها مش حتنجح زى الموديل القديم
واخيرا فأنا احترم شركة ميتسوبيشى وبرضه معجب بللانسر الجديدة انما بحس انها من برة هللا هللا(الشكل) ومن جوة يفتح الله (الموتور)
عفوا يا شباب بس واضح ان ميتسوبيشي مالها حظ حلو في مصر
من ناحية الجودة بحس انكون تقارنوا ميتسوبيشي بسيارة مرسيدس , لا أنا معك أن الهوندا سمعتها أفضل
و ممكن تكون أفضل , بس مثال صغير , إذا عرض عليك بنفس السعر سيارة أودي A8 كاملة المواصفات ( طبعا أودي مملوكة من VW ) مقابل سيارة مرسيدس V8 بس بلا مواصفات تختار أي وحدة تانيا انتوا بتقارنوا السيفيك الجديدة اللي الكل مجربها مقابل اللانسر الجديدة اللي ما بظن حدا ركبها
أنا كنت بنفس الاحتيار , بس بالنهاية اخترت اللانسر لأسباب هي :
1- ممكن تحس فرق بالسحب , بس هيكون بسيط لأننا نقارن بفئة عمرها ما كانت فئة للسحب و ما بظن ان فرق ثانية أو سرعة قصوى 10 km /h هيساوي فرق كبير
2-الجودة ما بظن تختلف كتير لأن شهادات الأيزو المعتمدة باليابان هي نفسها لكل الفئات و إذا كان في فرق بالجودة ف هيبان بعد 5 أو 6 سنين إذا كانت السواقة مو تمام , أنا كانت عندي لانسر 1993 1.5 و بعتها السنة و لم تعمل أي مشكلة كبيرة و لو اني نا أحب الجديد ما بغيرها و بعد هالزمن لكل حادث حديث و احنا ما منشتري سيارة تبقى للأبد و بها السنين بكون استمتعت بالمواصفات الحلوة بما يعادل سعر الجودة اللي ممكن حس بيها بفرق و أكتر كمان
3- كل شركة سيارات تنزل إصدار من موديلاتها لاستعادة سمعتها ( لم تصنع الانسر لتخدل فئة أكبر من فئتها لا فهي بتنافس بفئة خبيرة فيها لا بل وأقدم من هوندا بهي الفئة اذا ما خاب ظني ) مثل عودة مازدا بشعار زووم زووم و اللي رجعها لمنافسة بقية الياباني و اللانسر الجديدة جاءت بعد أبحاث 3 سنين مطولة و ما هي غير شغلة وقت حتى تصدقوا كلامي .
4- أنا مو مستعد اشتري سيارة جديدة , و يتقطع قلبي و شوف التابلو بينفك أو شرايط كهربا تتقطع أو جنوط تنشال و السيارة بعدها جديدة ++ التركيب مو متل الأساسي و اللي بيتكلم على الجودة فجودة البضاعة الصينية اللي تتركب على السيفيك الفاضية أكيد مو متل جودة الياباني الأساسي بالسيارة يعني بعد سنة احتمال يكسر معاك الجنط أو تتعطل المسجلة الجديدة أو أو يحترق الضوء +مكيف أوتو لا يمكن تركيبه متل ما بظن .........+ احنما ما منقارن اللانسر مع سيارات أعلى منها بمراحل لا بل قريبة , و لو تحبوا تقارنوا اللانسر الشكل القديم قارنوها مع السيفيك موديل 2002 لأن السيارتين صنعوا نفس السنة لأن الشكل القديم تقنية 2002 بس جرى تغيير شكله و بظن المقارنة لصالح اللانسر و انتوا بتقارنوا على أساس معرفتكن للشكل القديم و ما بقول غير انتظروا اتشار الشكل الجديد و تجريبه و بعدين المقارنة أقبل بيها .
+ من يقول أن هوندا متفوقة بسنوات على ميتسوبيشي بس بسألك مين أخد تقنية الCVT من التاني سنة 2004 و بس .
بالنهاية يا شباب اسف على الإطالة , و كل مننا اله رأيه بالسيارة , و بالنهاية اختار اللي بيرتاح له قلبك و لا كتير تتأثر بكلام الناس
في حاجة مهمة جدا لازم تاخدوا بالكوا منها
إن السيفيك الحالية نازلة من سنة 2006 في الخليج
يعني دي السنه التالته ليها يعني اما نيجي نقارن بين السيفيك الحالية
يبأ تتقارن باللانسر الشكل القديم انما اللانسرالجديدة بدايتها 2008
يبأ المفروض تتقارن بالجيل الجديد اللي هينزل بعد كده من السيفيك
اللي بالتأكيد هيكون اسطورة.
طيب اما نيجي نقارن السيفيك الحالية باللانسر 2008 هنلاقي
السيفيك افضل من اللانسر من حيث الماتور 1600 اللي 122 حصان والفتيس
اللييييييييييييييييي خمس نقلات لكن اللانسر 4 نقلات والماتور109 حصان
لكن الانسر 2008 افضل بكتير من السفيك من حيث الاوبشن .مع مراعات ان
السيفيك تعتبر جيل اقدم اللانسر الحالية.
http://www3.0zz0.com/2007/08/05/14/82924690.jpg
_______________________
محمد عبدالله