الموضوع: ماهى الاشياء التى يجب أن أشيك عليها وأجربها وأنا بستلم ( معلش التكرار يعلم الشطار )

المشاركة الأصلية كتبت بواسطة aiman0173

يعني زي ما الأخ أمير قال إن شاء الله العربية تكون زي الفل فمتقلقش نفسك لكن بصفتي لسه مستلم أمس فهاقولك :
1- بص علي العربية كويس من بره واتأكد ان مفيش خدوش اوصدمات
2- كذلك أنصح انك تشيل المشمع الابيض ولا تتركة حتى تستطيع ان تنظر تحته
3- ولما تيجي تمشي بالعربية بص على عداد السرعة وشوفه شغال ولا لأ لأن اللي حصل معي انه مكنش شغال ورجعتلهم وصلوا السلك بتاعة
4- ومتنساش تاخد الكتالوج وضمان الكاسيت والبطارية اما ضمان السيارة فهيقولك بعد الترخيص
5- واتأكد انهم يركبولك طاسات العجل
6- وشيك على الاستبن والكوريك وشنطة العدة (حاجة متستهالش)
7- وراجع الورق بتاعك وان أرقام الشاسية والموتور واللون اللي في المبايعة بتاعتك تكون مطابقة للورقة اللي جاية من المصنع
8- أما بالنسبة لعداد ال rpm فأول مدور السيارة هيكون على 1.2 تقريبا وهيكون صوت العربية ملحوظ دا ان كانت العربية مش سخنة وبعد حوالي نصف دقيقة نزل العداد على 1 وممكن بردة رجالة نيسان يأكدوا على المعلومة دي

وقبل دا كله تسمي الله وتدعي ربنا يرزقك خيرها ويكفيك شرها وتكون عونا لك على طاعته بإذن الله

الله ينور يا باشا و هو ده المطلوب و بالتوفيق