لو حضرتك عاوز تبدل عربيتك الأفيو ب128 أو شاهين - مع دفع الفرق طبعا- انا ليا أصحابى جاهزين ..و لو عايز تبيعها خالص أبقى قولى لأن ليا أصحابى عايزين أفيو مستعملة..
عرض للطباعة
موضع فعلا جميل جزاك الله خيرا عنه
انا معايا افيو 2007 وحاليا عامل حوالى 80 الف
اغلب المشاكل اللى حضرتك كتبتها مش موجودة عندى
اللى عندى فعلا مشكلتين
المشكلة الاولة صوت الصفير من الجانب الايمن على السرعة اعلى من 145
المشكلة الثانية صوت فى العافشة قدام يمين وده بيظهر مع المطبات العالية لما مبلمش العربية قبلها
اما الباقى بصراحة مظهرش عندى حاجه منهم
لكن سحب العربية مبقاش زى الاول
وده ظهر بعد صيانة 65 الف لما غيرو سير التقسيمة
كانت العربية بتوصل معايا 175
حاليا مش بتوصل غير ل 160
ولو عايز اعلى بيها بيكون بصعوبة وبحس انى ضاغط على العربية
ووقتها بتوصل لل 170 او 172 تقريبا
الله ينور عليك
و الله راجل محترم جدا وجزاه الله خير
شكرا يا اخواني على بذل الجهد في الردود و خاصة آسوما و أنا لا أنكر أنه هنالك محظوظون - و هو منهم- قاموا بشراء السيارة و لم يشكوا منها و هذا لا يعني أنها خالية من العيوب. بل قد يعني أنهم لا تزعجهم عيوبها و كذلك لا يمكن انكار تلك العيوب العامة التي ظهرت في كل السيارات و كونه لم يتعرض لها أو على الأرجح لم يشعر بها لهي نعمة من الله كنت أتمناها و لكن قضى الله ألا أحصل عليها. و الأكيد أن شركة جينيرال موتورز و المنصور قاموا بصنع السيارة باستخدام مكونات إما منخفضة الجودة أو منخفضة الدرجة و سواء تم هذا عن قصد أو عن جهل فالمحصلة واحدة. جرب يا أخ أسوما أن تكون سيارتك أنت بالذات معيبة و لا تستطيع التمتع بها بل جرب أن يكون دورك قاصرا على تغذية البنك بالأقساط و قل لي ما هو شعورك و حدثني ساعتها عن أنها عيوب بسيطة و أن كل سيارة لابد أن يكون بها عيوب وكل هذا الكلام الذي قلته, أراهن على أنك ستملأ الدنيا شكوى و ستفعل قدر ما فعلت و أكثر. الأهم يا أخي ألا تلوم من يشكو أبدا إلا لو تحققت من كيدية شكواه و لا تفترض أن التعساء مذنبون لمجرد أنك أنت بالذات سعيد و أيضا أنا لم أكتب هذا الموضوع للتشهير بمنصور و لكن لتحذير أولئك الطيبون الذين سيدفعون شقاء عمرهم و يستدينون من البنوك ليشتروا منتجا معيبا, و لا تقل لي لو سمحت أن زبائن الآفيو هم أناس شديدي اليسار يمكنهم التغاضي عن احتجاز أربعة أو ثمانية و سبعين ألفا من مالهم في سلعة معيبة.
اولا : يا أخ nadenono أنا مش معترض على عرض العيوب لانى كما قلت مفيش عربية بدون عيوب .... و مش معنى ظهور عيوب فى 10% او 20% أو حتى 30% أن كل العربيات معيوبة ..(رغم أنى معرفش حضرتك حسبت نسب أنتشار العيوب اللى انت كتبها أزاى ؟؟ هل عملت استفتاء لملاك العربية و لا مجرد توقع من حضرتك؟؟ :11:)
ثانيا : طبعا أنا مقدر زعل الناس اللى عربياتهم فيها عيوب و مشاكل كتيرة و دفعوا شقا عمرهم فيها .. لكن لو دخلت فى قسم فى المنتدى (هيونداى أو رينو أو كيا او...) هتلاقى الناس عندهم مشاكل و عيوب برده .. منها العيوب الفردية و منها الجماعية .. لكن ماحدش بيهاجم العربية زى ما بيحصل مع الأفيو :brn: و ماحدش من اللى بيشتكوا طلب من ملاك العربية انهم يبيعوها علشان يتخلصوا منها ..
ثالثا : الهجوم على الأفيو فى المنتدى يتحول أحيانا الى هجوم على اصحابها و افتكر مداخلة احد الاعضاء (ملاك العربية اما ستات أو ناس مابتعرفش تسوق و ماعندهمش خبرة لأكتشاف العيوب) و انا ماسمعتش الكلام ده بيتقال على أصحاب اى عربية قبل كده :mad2:
رابعا : مبيعات الأفيو مستمرة بقوة .. و لما أستلمت العربية من التوكيل لقيت فى ناس كتير بتحجز و ناس بتستلم... ده حتى انا لسه ماستلمتش الكتالوج لحد دلوقتى و كل ما أسئلهم فى منصور يقولولى ان كان عندهم ضغط زيادة فترة العرض و الكاتلوجات خلصت...ومش معقولة العربية تكون بتتباع لحد دلوقتى و هى مليانة عيوب.... أو الناس دى كلها معاهم فلوس و عايزين يرموها:F_eyeb1[1]:..
و أخيرا أشكر حضرتك على مجهودك فى التقرير وأن كنت اتمنى ان يكون تقييم شامل تقول فيه المميزات برده ..و لأهى كمان مافيهاش مميزات :11:
مع احترامى لراى حضرتك بس العيوب ظهرت فى اكتر من النسب الى حضرتك بتقولها - و اعتقد على ما اتزكر انك عملت استفتاء لملاك العربية و انا فاكر ان فية ناس كتير جدا ذكرولك عيوب و نصحوك بعدم شراها و انا منهم
مشاكل الافيو مش مشاكل فردية بدليل الموضوعات الى منتشرة هنا فى قسم شيفرولية عن الافيو و انتشار المشكلة الواحدة بيين الناس
مش معنى ان البية بتاع الوكيل قالك ان الكاتالوج خلص من الضغط - ان دة صحيح
الباشاوات دول محترفى كذب
و على فكرة مبيعات الافيو فى النازل كل يوم
الله يخرب بيتك يا منصور فضحنا فى كل حتة
بصراحه انا بزعل علي الناس اللي بتشتري افيو جديده
ياجماعة أنا كنت ناوى أشترى عربية جديدة وبدأت أعمل دراسه حوالى 4 شهور مابين سمعة التوكيلات وسعر العربيات وقطع الغيار وخدمة مابعد البيع ونظام شوارعنا الى السواقة فيها بالدراع والمطبات فيها مبترحمش وأجبها منوال ولا أتوماتيك وغييره---المهم مطولش عليكم مالقيتش حاجة متفقة مع التانية قلت لنفسى خلاص مش جايب عربية وبلاش وجع دماغ وهستنى شوية يمكن الحال يتحسن ونبقى كدة زى أوروبا الواحد يجيب العربية اللى فى بالة ويفرح بها
نسيت ان التكييف ضعييييييييييييييييييييييي ييييييييييييييييييييييييي ييييف
العربيه دى كنت بحب شكلها جدا ايام زمان ولما جيت اشترى عربيه فكرت فيها رقم واحد وسمعت فعلا من كل ملاكها 90% من العيوب اللى قلتها دى وكنت مفكر انه واحد مضايق من العربيه لكنى لقيت كل ملاكها بلا استثناء بينصحونى مجبهاش للعيوب دى
العربيه قلت فى نظرى جدا وجبت وقتها لانسر احسن
فعلا الافيو دى عربيه شوربه وسعرها عالى فى الفاضى
منصور طول عمره كدا حتى مع الأوبل كمان
لو جينا للكورسا مش موديل 2010 و منزلها على إنها 2010
و الأسترا فى إشاعات قوية بتقول إنه مستوردها من المصنع بتاع جى إم فى الصين
دا غير الحلاقين الى شغالين فى التوكيل بصفة مهندس مع الإعتذار للحلاقين
و أسعار قطع الغيار الغبية
سير كاتينة مصرى ب 100 فى التوكيل و ما فيش غيره
و برة التوكيل الإيطالى أو الإنجليزى ب 75 جنيه
السلام عليكم و رحمه الله و بركاته .... معظم العيوب اللى ذكرها كاتب المقال متعلقه بنسبه 95 % بالتقفيل المصرى الرهيب و احنا فشلنا اننا نجمع عربيه زى بلدها حتى البى ام و المرسيدس يعنى منصور يجمع العربيه فى مصر و يبعها بنفس تمنها و هى مستورده و قولنا ماشى انما كمان العيوب الفظيعه ده .... حسبى الله ونعم الوكيل و علشان مش عارفين نجمع عربيه لحد دلوقتى زى بقيه الدول ( تجميع كويس) عمرنا ما هنصنع عربيه مصريه شوفوا المكسيك مجمعه الجيتا ازاى ولا التجميع الجنوب افريقى للكورولا ( كل مشاكل الكورولا ملهاش دعوه بالتقفيل خالص) و حتى تايلاند و هى بتقفل الديماكس و الهاى لكس تحفه انما احنا خلينا كده
ربنا يوفقك
والله العظيم اللى يشترى اى حاجة من منصور شيفروليه يبقا ربنا يعوض عليه
انا لسه مشترى لانوس 2010 والله ما دوقت الراحه لغاية دلوقتى من ساعتها وانا كل اسبوع فى التوكيل بيلاقو عيوب صناعه
غيرو ربع العربيه لغاية دلوقتى ربنا ينتقم منهم ياااااااااااااااااااااااا ااااااااااااااااارب
شكرا للمعلومات الرائعة عن الأفيو و ربنا يكرمك بسيارة أحسن منها
:hlopaet_prv:هذا للدراسة الجميلة :dontudear: وهذا للسيارة الشوربة
و شكرا
- ان مالكي الأفيو عديمي الخبرة الميكانيكية و القيادية فا ده مش مقبول...الناس دي اكيد اقتنعت بحاجة.
- ممكن الزباين المشترين يكونوا ضحايا مندوبي مبيعات من محترفي الكذب, زي ما واحد منهم قال لعميل بيشتري كروز "انهم ممكن يبدلو العربية بعربية جديدة خلال 24 ساعة لو فيها عيب خطير و جوهري في الصناعة......حلوة
- الفيو كانت من بدايات اختياراتي المستبعدة: عدم ثبات ظاهري-قدرة-منصور(حكومة)
- الشكل و اللوان مش عاجبني
- فلوس +وزارة+حكومة+توكيل سيارات=بلطجة+محسوبيات+واسط +معاك كام و تساوي كام؟
- إحترام التوكيل لصاحب العربية, التوكيل لازم يغير نظرته لعملاءه...احنا مش واقفين في طابور عيش ولا ببيع قطع من عربيتي علشان افك زنقتي و اجي بعد كده ارمي بلايا عليه...العميل اللي مشتري سيارتك ده واجهة ليك,لازم تدلعه و ماتبينوش طافح الكوتة في العربية بتاعتك. هو مشبيع و خلاص يااخواننا
- و كنت اعرف ان الأوبل أحسن مع إخوان مقار.
موضوع ممتاز ... وصاحب الموضوع يستحق كل تقدير لايجابيته
بالنسبه لاصحاب العربيات التى ظهر فيها مشاكل ... كل الى اقدر اقوله : خليك ايجابى عشانك وعشان غيرك (قريبك - جارك - ابن بلدك) عشان ما يعانوش من نفس مشكلتك، وانت كمان دافع فلوس مش زلط.
الى بيحصلك فى التوكيل دا ليك دور فيه ... لأنك لم تعترض.
اناشد كل مالك سياره (شيفورليه أو غير شيفورليه) ... لو عندك مشكله مزمنه (واكيد موجوده عند غيرك من مالكى نفس الفئة)، والتوكيل فشل فى حلها أو منحك حلول مؤقته قصيره الاجل: اكتب مشكلتك بشكل تقنى وافى بالمعلومات (وتسلسل الاحداث) وارسلها بشكل شكوى للشركة الصانعة، واطلب منهم حضور خبير لفحص السياره ، أو سفر السياره لفحصها (على أن يتحملوا مصاريف السفر وبولوصية التأمين والتخليص الجمركى)، ونوه فى أخر الخطاب انك فخور بسيارتك وانك متأكد ان مشاكل سيارتك ما هى الا خطأ غير مقصود يجب تصحيحه، وأنك تقدرهم وتحترم صناعتهم ومتأكد من تفهم لمشكلة سيارتك وقدرتهم على حلها (بعد فشل توكيلهم فى بلدك على حلها)، وتقدريك وأحترامك لصناعتهم هو ما دفعك لمراسلتهم بدلاً من مقاضاتهم ونشر مشكلتك.
هذه الشركات (الشركات الاوربيه واليابانيه والامريكيه) تعتمد على سمعتها (كلنا سمعنا عن ما فعلته تويوتا للحفاظ على اسمها)
فعند زياده عدد الشكاوى الناتجه من سيارات انتاج مصنع محدد أو مشاكل نتيجه وكيل محدد ... سيكون لهم رد فعل ايجابى، اكيد فى صالح الزبون
اتذكر احد المعارف (استاذ جامعى) اشترى سياره بيجو ، وبعد شهرين تأكد أن فيها عيب تصنيع ، رجع للتوكيل ، وكان موقفه محدد (السياره فيها عيب تصنيع ويجب استبدالها، وليس حلول مؤقتة) ، رفض التوكيل (أخبط دماغك فى الحيط) حتى لا يتكلف مصاريف الاستبدال ، ما كان منه الا ان قام بمراسله الشركه المصنعة ، بعدها صاحب التوكيل اتصل عليه وقاله سيارتك الجديده جاهزه ، شرفنا حضرتك بالسياره المعيبه واستلم الجديده ، وقد كان.
اقترح فتح موضوع ، يتفضل فيه احد الاعضاء اللغوين التقنين المحترفين بكتابتة نموذج شكوى يصلح لجميع الاغراض، وبعد الاتفاق على النموذج ، يتم ترجمته الى الانجليزيه ، مع ترجمة بعض الجمل لوصف مشاكل منشره او مشهورة ، ويشمل الموضوع ايضاً ايميلات الشكوى للشركات (gm ، ford ، hyundai ، peugeot ، kia ، ... الخ)
شكراً ... واتمنى ان تنول الفكره قبولكم
ماشاء الله الفكرة طبعا حلوة بس ممكن متمتش هنا لان العربيات الافيو بتاعتنا كتير منها مش موديل السنه ولو كان موديل السنه معتقدش ان الاعضاء ممكن يعملوا كده ولو عملوا كده يااااااااااااااااااااارب حد يستجيب على الاقل يصلح العيب ببلاش احنا مش عايزين نغير ولا حاجه
ولو سمحتى ياريت تعملى الراى ده فى موضوع جديد عشان الناس كلها تاخد حق المشاهده والرد مع انى متاكد من عدد الردود وابقى اسالى ابو اسر بس ان شاء الله خير لان الموضوع ده قديم ومش كتير بيدخلوا عليه وده رايى الشخصى
بس الفكرة ممتاااااااااااااااااااااا ااااااااااااااااااااااااا ااااااااااااااااااااااااا اااااااازة بس برة مصر
شكراً على اقتراحك بعمل موضوع جديد ... أنت فعلاً على حق :Ta_clap[1]:
الموضوع الجديد: http://www.nilemotors.net/Nile/155278-a.html
طيب من فضلكم حد يقولى اللا نوس أخبارها إيه
مجهود هايل منك والله
وربنا يوفقك..واحد صاحبي كانت عاجباه الافيو أوي(على أد فلوسه يعني)....
كده يفكه منها خالص
كل كلمة قلتها عن السيارة وعن منصور صح 100 % كفيت ووفيت
معلش ياباشا بس اللي بيشتري لانوس بيشتريها علشان يريح دماغه من التوكيل و حاجات تانية كتيير....العربية زي الفل و كل ميكانيكية المحروسة ايديهم فيها و قطع غيارها متوفرة و رخيصة...التوكيل بالنسبة للانوس في رأيي سكة خسرانة و احسنلك تصينها برره
انما لو عيوب صناعة فحسبي الله و نعم الوكيل هي يعني فيها ايه علشان تستحمل كمان عيوب صناعة المفروض ان دي اكتر عربية اتباعي في مصر!!!
لسة مافيش أي حلول قاطعة لمشاكل الافيو المزمنة... ادعوا معايا
المشكلة ان لما حد بيسال عن العربية و الناس بتقولو بلاش بتنصحو بعربية اغلى منها
بس الافيو فعلا على فلوسها وحشه جدا لان العربيه تعتبر غاليه على كل العيوب دى
دا الفيرنا احسن منها كتير وتمنها ارخص كتير منها يبقى الافيو فعلا معيوبه ومش على اد فلوسها ولا حاجه زى منتو بتقولوا
فعلا تأكدت من الكلام والعيوب بتاعت الافيو دى من اكتر من واحد معاه العربيه وبرضه نفسه يتخلص منها كانها وباء دنا مشوفتش حد عنده فيات 128 عايز يتخلص منها زى اللى عنده افيو
للعلم انا كنت من اشد المعجبين بالافيو جدا على اساس الشكل بتعها وكدا انما لما عرفت مشاكلها وعيوبها طلعتها من دماغى من زمااان