الموضوع: الشامل في عيوب الآفيو المتكررة

بصراحة تقييم عاااااااااااااالي جدااااااااااا
الف شكر لحضرتك

المشاركة الأصلية كتبت بواسطة aymaneid

انا قرات كل كلمة الزميل كتبها .... انا شارى اقيو 2009 هى فيها حاجات صغيرة اه بس مش بالشكل الفظيع ده وى كمان اخويا معاه نفس العربية وى كان عنده مشكلة rpm وى ارتفاع الصوت وى راح التوكيل وى استقبلوه كويس اوى وى غيروله قطعة وى العربية بقالها اكتر من 6 شهور زى الفل
انا روحت التوكيل بتاع رابعة وى كان عندى مشكلة دبدبة وى هزة فى الدريكسيون وى الناس استقبلونى كويس اوى وى غيرت تيل وى طلعوا جربوا معايا العربية حوالى 2 ساعاتان وى كانوا اتنين مش واحد بس وى اتكدوا ان الدنيا كويسة وعلى الرغم من ده قالولى معاك اسبوع جر ب العربية مرة وى اتنين وى مليون وى لو فى حاجة هنغير الطنابير من خلال الضمان عادى وى لو حاسيس فى حاجة ماشوفنهاش مافيش مشكلة
وطلع مرة ثالثة واحد معايا وى جبنا 150 بالعربية وى ضربنا فرامل لما قولنا يا بس العربية زى الفل وى كان نفسنا حاجة تحصل عشان نشوف فى مشكلة وى نحلها وى الرجل هناك ماشاء الله ادانى تليفونه وى متابع معايا لو فى اى حاجة مش عجبانى فى العربية
انا صراحة لى حد دلوقتى العربية مش وحشة لدرجة انى افكر ابيعها بالعكس .....
الحاجة الوحيدة بجد اللى وحشة تعامل مركز كيلو 4.5 من الاخير
وقفين فى بقالة
بس كدة ....... يكفى العربية مش بتحك فى كل مطب زى الاوبترا ولا الانوس مثلا .......

ريح دماغك يا عم .. مهما قولت ان العربية دى كويسة ...فى ناس مش هتصدقك لدرجة أن فى ناس معتبراها عربية كارو بس ناقصها حمار يجرها...
و فاكرين ان مادام عربياتهم طلع فيها بعض العيوب يبقى لآزم كل العربيات الأفيو اللى فى جمهورية مصر العربية كلها فيها كل العيوب...رغم ان فى ناس ماشتكتش من حاجة خالص ... و فى ناس أشتكوا من بعض المشاكل و التوكيل حلها على طول (زى ما حصل مع حضرتك)...

ده حتى فى ناس مجربتش العربية و لا ركبتها و الاقيهم بيشتموا فيها لمجرد انهم سمعوا انها وحشة
بل ووصل الموضوع الى مطالبة مالكى الأفيو ببيعها و التخلص منها فى أقرب فرصة..

و الدليل على صدق كلامى ان نسبة مبيعاتها مرتفعة حتى الأن و لو كانت كل العربيات الأفيو فيها كل العيوب دى ماكنش هيتباع منها 10 - 20 عربية و توقف بعد كده لآن الناس مش عبيطة و كل واحد قبل مابيشترى و يحط شقا عمره فى عربية بيسأل كويس جدا..

و مع ان فى عربيات مليانة بلاوى باعتراف اصحابها و رغم كده مفيش عليها الهجوم الرهيب ده..

و مثال بسيط على كده ، لو دخلت على قسم هيونداى هتلأقى أحد الزملاء بيقول أنه اتنصب عليه فى عربية نيو اكسنت موتورها بايز .. و لو دخلت على اسبيرانزا هتعرف أن فى 5 من أصحاب التاكسى 516 لموا بعضهم و اخدوا حكم من حماية المستهلك بتصليح عربياتهم مجانا فى التوكيل بسبب وجود عيوب و اكيد فى غيرهم كتير..

و أنا عن نفسى شارى العربية عن أقتناع كامل و بعد تجربة عملية اكتر من مرة..
و الحمد لله مافيش مشاكل ..

و أن شاء الله هاعمل تقرير مفصل بالصور لكن لما اعدى ال10000 علشان ماحدش يقول انها لسه جديدة معايا و أن المشاكل هتظهر بعدين ..

و اسف على الأطالة

المشاركة الأصلية كتبت بواسطة أبـو آســـــر

هو حضرتك لسة ما عدتش الـ 10000
طيب ياريت تقرأ الموضوع ده علشان في الخلاصة
http://www.nilemotors.net/Nile/140980-a.html

ربنا يباركلك في عربيتك و يبعد عنها المشاكل

التقرير اللى مكتوب ده معمول فى امريكا و طبعا هناك فى مواصفات تانية للعربيات غير اللى بتجيلنا هنا فى مصر.

اللى عمل التقرير ده لو شاف العربيات اللى بتنزل مصر هيغير أسم الموضوع الى
the worst cars in the world

يا باشا مافيش وجه للمقارنة بيننا و بين أمريكا
الناس دول سبقونا ب100 سنة ضوئية..

المشاركة الأصلية كتبت بواسطة أبـو آســـــر

ممكن بردو
بس ده ما يمنعش انها أسوأ عربية موجودة في مصر

اسوء عربية ؟؟ امال اللانوس و الفيرنا و الاسبيرانزا و الجيلى و اللادا و ال128 و الشاهين يبقوا ايه؟ مع الأعتزار لأصحابها
لله الأمر من قبل و من بعد