بجد انا اتقرفت من العربيه دي ... اصلها ناقصه

العربيه دايو جوليت 99 مانيوال عامله 137000 كيلو ( انا حاسس انهم كتير اوي )

قولت النهارده نزل امشي بالعربيه شويه لاني ممشتش بيها بقالي اسبوع
المهم بدور الحمد لله دارت من اول مره بس طولت ( قولت عادي من الركنه )
اخدت وقت طويل شويه عشان تسخن ( برضه عادي كبر دماغك يا عم احمد )
بدأت اتحرك اتلاقي ان السحب بقي مش تمام و صوت المكنه بيعلي اول ما اخش علي 2000 ار بي ام ( من ايه ده بقي ؟ ) و كمان الفتيس شويه يبقي ناعم و شويه يبقي فيه عضه ( يا مساء الاشتغالات ) العجيب بقي بجد ان العربيه مبترضاش تاخد الغيار الاول الا لما تقف تقريبا اتلاقيتها بتاخد الغيار الاول عادي زي بقيه العربيات الطبيعيه و بسمع صوت حديد بيحك في بعضه ( كبر دماغك و عدي الليله يا عم احمد ) و برضه لسه السحب مش تمام ( في الاول اول ما اهمس الدواسه تبتدي تشد دلوقتي لا لازم اتقل رجلي سنه علي الدواسه عشان تبتدي تشد معايا ) و كمان اول ما ادوس علي الدواسه اتلاقي رجرجه كده كأن بيض الطرف فيه خشونه ( مجرب انا الموضوع ده ) مع انه لسه مكملش 3000 كيلو في العربيه ( اعمل ايه يا ناس ؟ ) و كمان ساعات اول ما ادوس علي الدواسه اتلاقي كده سنتي ملوش تأثير و كأن العربيه مموره ده غير احلي كركره عشان البوجيهات عايزه تتحرق بجاز لان الاري بي ام بينزل بسرعه ( و الله ما كملوا شهرين في العربيه ) لما جيت اركن اتلاقي ان المارشدير في عضه كده مش و لا بد ( بجد بقت حاجه تقرف ) المهم ركنت بعون الله و طفيت العربيه قلت اجرب احرك الفتيس كده و العربيه مطفيه اتلاقاه بيعصلج قمت دايس دبرياج فاسمع صوت حديد بيحك في بعضه ( تقريبا في اي بس اس بس بيشتغل و هي واقفه ههههههههه )

حاله العربيه العامه :
السيور مكملتش 3000 كيلو
الفلاتر متنضفه و برضه مكمتلش 3000 كيلو
زيت المكنه مكملش 300 كيلو بس
فلتر الزيت متغيرش مع انه محتاج يتغير
زيت الفتيس تمام من اخر كشف عليه من حوالي شهرين كده
العفشه لسه متربطه برضه من 300 كيلو و معمول ظبط زوايا

قولولي بالله عليكوا اعمل ايه عشان خلاص انا اتخنقت و بفكر جديا اني ابيعها

:shyy:


مش عارف يارميو

أنت كاتب الموضوع متداخل مع بعضه

وحاسس أنه عامل زى طبق الكشرى

فحاول تفصلنا كل نوع من أنواع الحبوب عن التانى

يعنى خللى المكرونه لوحدها

والعدس لوحده وهكذا بالنسبه لباقى أنواع الحبوب التى يتكون منها طبق الكشرى

علشان الواحد يعرف يفرق بين الحبوب كويس

أصلى حاسس أنى تايه فى صلصة الكشرى

اقتباس:

---

قولولي بالله عليكوا اعمل ايه عشان خلاص انا اتخنقت و بفكر جديا اني ابيعها

---

وخليك طويل البال
فكل حاجه وليها حل

بس أنت رتب الحبوب كل حاجه لوحدها

وأوعدك ....حظبطلك الطبق تمام

اقتباس:

---

حاسس أنه عامل زى طبق الكشرى
اصلى حاسس أنى تايه فى صلصة الكشرى

---

ههههههههههههههههههه حرام عليك موتني من الضحك

بص يا هندسه المشاكل كالتالي :
السحب مش كويس خالص
الفتيس تقيل علي جميع الغيارات
صوت المكنه عالي
رجرجه من العفشه في بدايه الدوسه علي دواسه البنزين
مع حركه الفتيس في صوت حديد بيحك في بعضه

حاله العربيه
فلتر البنزين و الهواء متنضفين من شهر كده و مكملوش 3000 كيلو
فلتر الزيت المفروض احس علي دمي و اغيره
السيور جديده لسه بشوكها و راكبين مع الفلاتر
البوجيهات المفروض تتغير عشان مرطبه
زيت المكنه جديد و لسه مكملش 300 كيلو
زيت الفتيس تمام و اطمنت عليه ساعه ما غيرت زيت المكنه

اقتباس:

---

بص يا هندسه المشاكل كالتالي :
السحب مش كويس خالص
الفتيس تقيل علي جميع الغيارات
صوت المكنه عالي
رجرجه من العفشه في بدايه الدوسه علي دواسه البنزين
مع حركه الفتيس في صوت حديد بيحك في بعضه

---

أيه نظام العربيه معاك

منطقه حره طبعا

فهل شاريها من بره الجمرك (باب عشرين )

ولا من جوه باب عشرين .........؟

وعامله كام كيلو للآن ..........؟

لأننى رايحين فى سكة عمرة دبرياج تقريبا

بس خلينا ماشيين فى السكه
أما نشوف الطريق حيوصلنا لفين

عمرة دبرياج ..........ولا حاجه تانيه

اقتباس:

---

منطقه حره طبعا

---

منطقه حره ان شاء الله

اقتباس:

---

عامله كام كيلو للآن ..........؟

---

137000 كيلو و انا عارف انهم كتير جدا جدا

اقتباس:

---

لأننى رايحين فى سكة عمرة دبرياج تقريبا

---

يا نهار اسود ... طب طقم الدبرياج بكام ؟

انا تاني ايد و صاحبها شاريها تقريبا استثمار بس مش متأكد بس هي استيراد طبعا ... بس ده هيفرق في حاجه ؟

اقتباس:

---

يا نهار اسود .

---

ليه كده ياروميو

دا روميو صبر كتير علشان كان بيحب جولييت

( وأنا كده عرفت أنت ليه مسمى نفسك روميو )

فحتفرط فى جولييت ( علشان طقم دبرياج )

فمهما يحدث للأنسان من أحداث قد لاتوافق هواه

فثق تماما بأن هذا خير من عند الله

وهو أنت عاوز تركب عربيه ومتصرفش عليها مثلا............؟

أنت خلتنى زعلت منك من الكلمه دى

وتفكيرى تجمد خلاص معاك فى أى نقاش آخر ( حول هذا الموضوع )

اقتباس:

---

المشاركة الأصلية كتبت بواسطة samirayad

ليه كده ياروميو

دا روميو صبر كتير علشان كان بيحب جولييت

( وأنا كده عرفت أنت ليه مسمى نفسك روميو )

فحتفرط فى جولييت ( علشان طقم دبرياج )

فمهما يحدث للأنسان من أحداث قد لاتوافق هواه

فثق تماما بأن هذا خير من عند الله

وهو أنت عاوز تركب عربيه ومتصرفش عليها مثلا............؟

أنت خلتنى زعلت منك من الكلمه دى

وتفكيرى تجمد خلاص معاك فى أى نقاش آخر ( حول هذا الموضوع )

---

لالالالالالالالالالالالال الالالا
اوعي تزعل مني يا هندسه
هو احنا لينا مين غيرك ؟
عموما انا كنت بهزر و الله
بس انا زهقت من كتر المصاريف
و خصوصا ان مفيش شغل حاليا
و الفلوس قربت تفنش
انا اسف يا هندسه لو كنت زعلتك مني

كل الي انت حكيتة دة ...عايز طقم دبرياج ...هو الي بيتعبك في النقل ومقلل سحب العربية

اقتباس:

---

المشاركة الأصلية كتبت بواسطة samirayad

وحاسس أنه عامل زى طبق الكشرى

---

ههههههههههههههههههههههههه هه
:POINTIy2[2]::C_laugh[1]: :POINTIy2[2]::C_laugh[1]: :POINTIy2[2]:

اقتباس:

---

المشاركة الأصلية كتبت بواسطة romeo_6887

لالالالالالالالالالالالال الالالا
اوعي تزعل مني يا هندسه
هو احنا لينا مين غيرك ؟
عموما انا كنت بهزر و الله
بس انا زهقت من كتر المصاريف
و خصوصا ان مفيش شغل حاليا
و الفلوس قربت تفنش
انا اسف يا هندسه لو كنت زعلتك مني

---

عموما ياروميو باشا ، ماتقلقش قصة الدبرياج دي من أولها لأخرها 500 جنيه بالمصنعية - 150 جنيه - وبيكون جديد مش استيراد طبعا ، وهاتحس انك جبت عربية تانية خالص .

ولو أنت مش مستعجل يبقى مش لازم دلوقتي ، خصوصا أنك مش بتحركها كتير ، والحالة المادية مش تمام معاك ، لما تشتغل وربنا يفتحها عليك ، وقتها تغير الطقم ياسيدي ، ومتزعلش نفسك كل حاجة هاتيجي في وقتها .

اقتباس:

---

حاله العربيه
فلتر البنزين و الهواء متنضفين من شهر كده و مكملوش 3000 كيلو
فلتر الزيت المفروض احس علي دمي و اغيره
السيور جديده لسه بشوكها و راكبين مع الفلاتر
البوجيهات المفروض تتغير عشان مرطبه
زيت المكنه جديد و لسه مكملش 300 كيلو
زيت الفتيس تمام و اطمنت عليه ساعه ما غيرت زيت المكنه

---

أتفضل ياسيدى

كل اللى أنت بتعمله مع جولييت ده أكبر غلط الصراحه

وشكلها كده حتزعل منك بجد

بقى ياراجل ياطيب حد يعمل كده فى محبوبته جولييت

1- تغير زيت كذا مره ومتغيرش فلتر

2- تسيب بوجيهات مرطبه واقفه فى زور مكنة جولييت

طيب ما أنت كده بتخلص عليها ( على حاجات هايفه خالص )

وخللى بالك تانى بأه

أجل موضوع الدبرياج ( شويه دلوقتى )

على مانشوف الفيلم اللى أنت عامله مع جولييت ده

لأن لو عملت شغل البوجيهات وفلتر الزيت صح

حتروح منك شوية مشاكل من اللى أنت قلولتهم ( أن لم يكن معظمهم )

فالصح ............ترتب أمورك مع فلتر الزيت ( اللى أنت سايبه من سنة 60 ده فى المكنه )

وتغير البوجيهات ...............اللى طالعه من الميه وشاربه رطوبه بالهبل


_____________________________


وعاوز أقولك أنى مغلطش لما قولتلك أنك معامل الموضوع (لا دا جولييت نفسها كمان ) زى طبق الكشرى

وأنا شغال لم وراك أهو .....كل ما ألاقى حبايه أو أثنين يقعوا منك من الطبق


1- فا الفلتر عامل زى المزيته بتاعة الدقة والصلصه اللى الراجل بيحط منها الصلصه فى الطبق بتاع الكشرى

ولازم المزيته دى تكون شغاله تمام .............وألا الطبق حيبقى مش حلو ومفيش دقه حتنزل فيه

لأنه مخنوق من الرواسب اللى جواه

2- البوجيهات بتبقى عامله زى شوية الدقه الحاميين اللى بيتحطوا فى طبق الكشرى

كانت الشطه بارده ( بوجيهات مرطبه )..........حيبقى طعم الطبق أى كلام (أى حريق المكنه )

____________________________________

خللى بالك شويه يارميو من طبق الكشرى اللى معاك

وأعمله المطلوب من صيانه كل مايظهر معاك عيوب فى الطبق

علشان جولييت متزعلش منك ....وبكده ممكن تختلفوا مع بعض

ويحصل الأنفصال ( لاقدر الله )

فأعمل اللى أتفقنا عليه الأول ( بوجيهات وفلتر زيت )

جايز تكون أنت كمان تايه فى طبق الكشرى زى ماحصل معايا

وتبص كده تلاقى جولييت بأت معاك

عروسه بمعنى الكلمه

اقتباس:

---

المشاركة الأصلية كتبت بواسطة samirayad

أتفضل ياسيدى

كل اللى أنت بتعمله مع جولييت ده أكبر غلط الصراحه

وشكلها كده حتزعل منك بجد

بقى ياراجل ياطيب حد يعمل كده فى محبوبته جولييت

1- تغير زيت كذا مره ومتغيرش فلتر

2- تسيب بوجيهات مرطبه واقفه فى زور مكنة جولييت

طيب ما أنت كده بتخلص عليها ( على حاجات هايفه خالص )

وخللى بالك تانى بأه

أجل موضوع الدبرياج ( شويه دلوقتى )

على مانشوف الفيلم اللى أنت عامله مع جولييت ده

لأن لو عملت شغل البوجيهات وفلتر الزيت صح

حتروح منك شوية مشاكل من اللى أنت قلولتهم ( أن لم يكن معظمهم )

فالصح ............ترتب أمورك مع فلتر الزيت ( اللى أنت سايبه من سنة 60 ده فى المكنه )

وتغير البوجيهات ...............اللى طالعه من الميه وشاربه رطوبه بالهبل


_____________________________


وعاوز أقولك أنى مغلطش لما قولتلك أنك معامل الموضوع (لا دا جولييت نفسها كمان ) زى طبق الكشرى

وأنا شغال لم وراك أهو .....كل ما ألاقى حبايه أو أثنين يقعوا منك من الطبق


1- فا الفلتر عامل زى المزيته بتاعة الدقة والصلصه اللى الراجل بيحط منها الصلصه فى الطبق بتاع الكشرى

ولازم المزيته دى تكون شغاله تمام .............وألا الطبق حيبقى مش حلو ومفيش دقه حتنزل فيه

لأنه مخنوق من الرواسب اللى جواه

2- البوجيهات بتبقى عامله زى شوية الدقه الحاميين اللى بيتحطوا فى طبق الكشرى

كانت الشطه بارده ( بوجيهات مرطبه )..........حيبقى طعم الطبق أى كلام (أى حريق المكنه )

____________________________________

خللى بالك شويه يارميو من طبق الكشرى اللى معاك

وأعمله المطلوب من صيانه كل مايظهر معاك عيوب فى الطبق

علشان جولييت متزعلش منك ....وبكده ممكن تختلفوا مع بعض

ويحصل الأنفصال ( لاقدر الله )

فأعمل اللى أتفقنا عليه الأول ( بوجيهات وفلتر زيت )

جايز تكون أنت كمان تايه فى طبق الكشرى زى ماحصل معايا

وتبص كده تلاقى جولييت بأت معاك

عروسه بمعنى الكلمه

---

والله العظيم يا عمنا احنا ماحبناش المنتدى ده الا عشانك انت بتعليقاتك المهمة واللي في نفس الوقت زي العسل :S_thum1[1]:

اقتباس:

---

المشاركة الأصلية كتبت بواسطة elakawy

والله العظيم يا عمنا احنا ماحبناش المنتدى ده الا عشانك انت بتعليقاتك المهمة واللي في نفس الوقت زي العسل :s_thum1[1]:

---

الله يخليك يا أبو حميد

وربنا يديم المعروف

وصباح الفل عليك

العربيه دي اعتقد عايزه طقم دبرياج تستنضف مركته وتركبه بيبقى اسطوانه وديسك وغالبا بليه دبرياج وشكرا وانا شايف انك مهم جدا تجيبهم عشان ممكن العربيه تقف ومترضاش تاخد غيارات

والبوجيهات غيرها برضو بسرعه قصه 50 جنيه بالمصنعيه

والمره الجايه غير فلتر الزيت وعمرك ما تفكر انك تغير زيت بدون فلتر نهااااااااااااااااااااااا اااااااااائي

واتاكد من صنايعي في موضوع الدبرياج

ههههههههههههههههههههههههه هه
تعليقاتك جامدة يا باشمهندس سمير:S_thum1[1]:
مش عارف هاتلاقيها منين ولا منين يا باشمهندس
من الوز ولا الكشري ولا العربيات اللي بتطير:C_laugh[1]:
ربنا يصبرك علينا

اقتباس:

---

المشاركة الأصلية كتبت بواسطة tlrsiap

ههههههههههههههههههههههههه هه
تعليقاتك جامدة يا باشمهندس سمير:S_thum1[1]:
مش عارف هاتلاقيها منين ولا منين يا باشمهندس
من الوز ولا الكشري ولا العربيات اللي بتطير:C_laugh[1]:
ربنا يصبرك علينا

---

ولا يهمك ياهندسه

أحنا بعون الله جاهزين لجميع المأكولات
ومايتطلبه
سياق المناقشات من تحبيشات

spicy foods

اقتباس:

---

المشاركة الأصلية كتبت بواسطة samirayad

ولا يهمك ياهندسه

أحنا بعون الله جاهزين لجميع المأكولات
ومايتطلبه
سياق المناقشات من تحبيشات

spicy foods

---

هو أنا كل لما أدخل الموضوع ده أجوع ولا أيه :Ka_che1[1]::36_1_35[2]:

ولو تلاحظ يابشمهندس أن الكشري ليه علاقة وطيدة بالعربيات ، لأن أول لما الكشري أتعمل كان على عربية :C_laugh[1]:

باشا ممكن واحدة كشرى كبير وزود البوجيهات



والله انت عسل

اقتباس:

---

المشاركة الأصلية كتبت بواسطة samirayad

أتفضل ياسيدى

كل اللى أنت بتعمله مع جولييت ده أكبر غلط الصراحه

وشكلها كده حتزعل منك بجد

بقى ياراجل ياطيب حد يعمل كده فى محبوبته جولييت

1- تغير زيت كذا مره ومتغيرش فلتر

2- تسيب بوجيهات مرطبه واقفه فى زور مكنة جولييت

طيب ما أنت كده بتخلص عليها ( على حاجات هايفه خالص )

وخللى بالك تانى بأه

أجل موضوع الدبرياج ( شويه دلوقتى )

على مانشوف الفيلم اللى أنت عامله مع جولييت ده

لأن لو عملت شغل البوجيهات وفلتر الزيت صح

حتروح منك شوية مشاكل من اللى أنت قلولتهم ( أن لم يكن معظمهم )

فالصح ............ترتب أمورك مع فلتر الزيت ( اللى أنت سايبه من سنة 60 ده فى المكنه )

وتغير البوجيهات ...............اللى طالعه من الميه وشاربه رطوبه بالهبل


_____________________________


وعاوز أقولك أنى مغلطش لما قولتلك أنك معامل الموضوع (لا دا جولييت نفسها كمان ) زى طبق الكشرى

وأنا شغال لم وراك أهو .....كل ما ألاقى حبايه أو أثنين يقعوا منك من الطبق


1- فا الفلتر عامل زى المزيته بتاعة الدقة والصلصه اللى الراجل بيحط منها الصلصه فى الطبق بتاع الكشرى

ولازم المزيته دى تكون شغاله تمام .............وألا الطبق حيبقى مش حلو ومفيش دقه حتنزل فيه

لأنه مخنوق من الرواسب اللى جواه

2- البوجيهات بتبقى عامله زى شوية الدقه الحاميين اللى بيتحطوا فى طبق الكشرى

كانت الشطه بارده ( بوجيهات مرطبه )..........حيبقى طعم الطبق أى كلام (أى حريق المكنه )

____________________________________

خللى بالك شويه يارميو من طبق الكشرى اللى معاك

وأعمله المطلوب من صيانه كل مايظهر معاك عيوب فى الطبق

علشان جولييت متزعلش منك ....وبكده ممكن تختلفوا مع بعض

ويحصل الأنفصال ( لاقدر الله )

فأعمل اللى أتفقنا عليه الأول ( بوجيهات وفلتر زيت )

جايز تكون أنت كمان تايه فى طبق الكشرى زى ماحصل معايا

وتبص كده تلاقى جولييت بأت معاك

عروسه بمعنى الكلمه

---

طب يا هندسه لو انا فكرت اغير فلتر الزيت ... الزيت هيقع و كمان ده لسه معملش 300 كيلو في العربيه ... و ان شاء الله اغير البوجيهات ... بس اعمل ايه في موضوع الفلتر ده ؟ و بعد كده نبقي نشوف موضوع الدبرياج ده ... مع ان مفيش رجه في طلعه العربيه و لا في اي اصوات و انا بدوس علي الدواسه

اقتباس:

---

طب يا هندسه لو انا فكرت اغير فلتر الزيت

---

طيب قوللى الأول ياروميو

أنت مغيرتش الفلتر من أمتى

_____________________

أنا حاسس أنك حتقوللى
من أيام حرب التتار ....أو الهكسوس

اقتباس:

---

المشاركة الأصلية كتبت بواسطة samirayad

طيب قوللى الأول ياروميو

أنت مغيرتش الفلتر من أمتى

_____________________

أنا حاسس أنك حتقوللى
من أيام حرب التتار ....أو الهكسوس

---

ههههههههههههههههه مش للدرجه دي يا هندسه ... انا اول ما جبت العربيه غيرت الزيت و الفلتر و بعد 2500 كيلو غيرت الزيت تاني و قولت هغير الفلتر المره اللي بعديها و بعديها ب 150 كيلو حصلت مشكله سيل الكاتينه و البليه بتاعتها فاضطريت اغير الزيت و نسيت اغير الفلتر يعني 3 غيارات زيت و 1 فلتر و الزيت دلوقتي مكملش 300 كيلو في العربيه فمش عارف اعمل ايه ؟ بس انا ليا استفسار دلوقتي لو غيرت زيت و فلتر و غير البوجيهات هل ممكن مشكله السحب و الغيارات تتحل و لا خلاص احنا كده اتأكدنا انه الموضوع طقم دبرياج ؟ انا عامه بحط زيت موبيل و نفسي احط زيت تاني و مش عارف احط ايه غير شل

لاتقل لو أولا

فان لو تفتح عمل الشيطان

وكل كلامنا مبنى على التوقع

بس أما بنشوف حاجه وواضحه أنها غلط
لازم نتفاعل معاها الأول ونشوف

اقتباس:

---

و نسيت اغير الفلتر يعني 3 غيارات زيت و 1 فلتر

---

وكده غلط أوى الصراحه

دا أنا فى مره قولت للزملاء

أننى غيرت الزيت مره واحده فقط على نفس الفلتر ( زيت معدنى ...يعنى الفلتر أشتغل 6 آلاف بس )

ودى حريتى ....وأنا حر فى عربيتى ...ومكنش غلط كبير قوى

ولقيتلك هجوم على كلامى بالمدافع الرشاشه ( لأسباب أنا أعرفها جيدا ومحتفظ بها لنفسى )

علما بأن السلوك ده لم يؤثر على آداء السياره عندى أطلاقا

وفيه ناس ماشيه على كده على طول

مره ومره ( مرتين زيت + 1 فلتر )

ولكنها مش صح برضه ( حفاظا على الكفاءه العامه للمحرك )

أما بكلامك ده

فأنت سجلت رقم قياسى جديد ( لأن الفلتر كده عدى عندك كيلومتراته حتى )

ولكنه على حساب جولييت


للأسف أنت كده طابق على نفسها وبطلع فى الروح

فتخلص من حمامك القديم الأول ( زيت وفلتر ) وأمرك لله
وتوبه من دى النوبه
وغير بوجيهاتك

وجرب الآداء الجديد
وبعد كده نكمل ...........لو ليك ملاحظات

وبيقولك فى المثل ياروميو

الفقى الشاطر ..........يعمل أيه

أكمل المثل ياروميو لو عارفه

يا هندسه فلتر الزيت معملش 3000 كيلو لسه ( 2500 كيلو غيار الزيت الاول + 150 غيار الزيت التاني + 300 كيلو غيار الزيت التالت ) يبقي المجموع 2950 كيلو يعني قرب ال 3000 كيلو برضه ... عموما ان شاء الله تعالي لما ربنا يرزقني بشغل كويس هغير البوجيهات و الزيت و الفلتر ... انا و الله ما اعرف المثل ده خالص و ياريت تشغل خاصيه الرسايل الخاصه عشان عاوز ابعت لحضرتك علي الخاص ... و بجد حضرتك نعم الاخ و ربنا يخليك لينا ويديك العمر و الصحه و كله في ميزان حسناتك ان شاء الله تعالي

طيب هو أنت كنت مغير تاني مرة الزيت على 150 كم بس ليه ؟؟

اقتباس:

---

يا هندسه فلتر الزيت معملش 3000 كيلو لسه

---

أنت حسبتها أزاى ياروميو

اقتباس:

---

( 2500 كيلو غيار الزيت الاول

---

الأول .....وحنقول ماشى ده زيت عربيات

اقتباس:

---

+ 150 غيار الزيت التاني

---

الثانى .....وأنا مشفتش زيت بيتغير على الرقم ده

الا زيت التموين

اقتباس:

---

+ 300 كيلو غيار الزيت التالت )

---

تقريبا ده حيبقى على زيت كريستال أو عافيه

لأنه أنظف شويه من بتاع التموين

الجوده الضعف تقريبا ( نفس وضع أرقامك )

اقتباس:

---

( 2500 كيلو غيار الزيت الاول + 150 غيار الزيت التاني + 300 كيلو غيار الزيت التالت ) يبقي المجموع 2950 كيلو يعني قرب ال 3000 كيلو برضه .

---

هى طريقة فى الحساب صح

وشكلك بتذاكر من ورانا ياروميو

بس السيناريو مش مظبوط خالص

ويوجد لديك حلقه مفقوده فى تدراك التعامل الصح مع جولييت

اقتباس:

---

انا و الله ما اعرف المثل ده خالص

---

الفقى الشاطر .....يخلص آيه آيه

يعنى بالبلدى كده
ياخد الأمور واحده واحده فى التعامل مع الأشياء

مش يبقى عامل زى ( أم العروسه )
فاضيه ومشغوله

اقتباس:

---

عموما انا شاء الله تعالي لما ربنا يرزقني بشغل كويس هغير البوجيهات و الزيت و الفلتر .

---

إن شاء الله

وكله شغال ياباشا
وتليفونى موجود فوق برضه فى مشروع الأسعاف

ربنا يكفينا شرها

اقتباس:

---

الثانى .....وأنا مشفتش زيت بيتغير على الرقم ده
الا زيت التموين

---

اديك شوفت هههههههههههه يا باشا فاكر مشكله سيل الكاتينه و لما الزيت طرطش بره المكنه فاضطريت ساعتها اغير الزيت

اقتباس:

---

تقريبا ده حيبقى على زيت كريستال أو عافيه
لأنه أنظف شويه من بتاع التموين
الجوده الضعف تقريبا ( نفس وضع أرقامك )

---

هههههههههههههههههه مش ممكن بجد انا بكتب و عنيا مدمعه من الضحك ... ده وضع الزيت الجديد ( تالت غيار ) مكملش 300 كيلو في العربيه

اقتباس:

---

( يا مساء الاشتغالات )

---

شكلك فاهم يانص

وداخل على عمرة دبرياج

:36_9_4: