دكتور أحمد عبد الغني - والإستقالة (تم تعديل العنوان)

**alaa74** · 05-05-2010 02:20 PM

المشاركة الأصلية كتبت بواسطة dr ahmed abdelghany

أنا آسف إنى خيبت ظنكم ومش هقدر للأسف أشارككم فى الأسباب بالتفصيل
ومش هقدر أقول لكم أنا حزين قد إيه مش بسبب ترك المنصب اطلاقا بل بسبب الهزيمة فى قتال السلبيات الناخرة فى الأجهزة الادارية والطبية فى بلادنا

والله يا دكتور حضرتك كنت أكثر جراءة من أناس كثيرين ، يتمسك كل واحد منهم بالمنصب ومميزاته
ويغض بصرة عن السلبيات والفساد المتشفى فى جسد بلدنا المظلوم من أبنائها وأقصد الابناء الغير شرعيين وهم كل انسان لم يراعى ربه فى عمله ومسئولياته تجاة هذة العمل وبخاصه فيما يتعلق بصحه وأمان الناس .

لا تحزن يا دكتور بل إستمر على عهدك وتفاؤل لأن يوما ما سوف ينتصرالشرفاء .

وأكيد هم من خسروا وليس حضرتك .

تقبلنى صديق

وتقبل تحياتى

علاء الشناوى

**Dr Ahmed** · 05-05-2010 02:33 PM

المشاركة الأصلية كتبت بواسطة 3ateef

بص يا دوك...

انا والدى مدير مستشفى من 10 سنين...
ومن بعد مامسك المستشفى جاله الضغط والقلب والسكر-شفاه الله وعافاه-

ألف شكر لمشاركتك
لكن جايز والدك ربنا يديله الصحة كان على رأس المستشفى إداريا وفنيا يعنى يملك الأمر التنفيذى ودا مختلف جدا عن إدارة جزء معين فى المستشفى تحتاج فى كل خطوة مخاطبة جهات عديدة تنتهى غالبها أو حتى كلها بالتخبط أو الرفض أو التأجيل .

**Moh.Fahmy** · 05-05-2010 03:01 PM

اسمحلي يا دكتور احمد بعد ما هنأتك برئاسة قسم الاستقبال اهنئك الان بالاستقالة
و ده علي فكرة افضل وقت ليها بدل ما كنت حتنغمس و تغرق في السلبيات و ده كان حيتعبك كتير لان وقتها كنت حتقابل صعوبة في انك تستقيل
و اسمحلي اني اعزي قسم الاستقبال انه افتقد لانسان مثل حضرتك قليل في هذا الزمان
صدقني حضرتك انا بقولك كده و انا غرقان في جو العمل و المشغوليات لدرجة اني بتمني اني ارتاح اسبوع واحد او اربع ايام علي الاقل مش عارف لاني في الشغل شغال و في الاجازة برضه شغال
ربنا يعينك و يعينا و الف مبروك علي القرار الصح

**mrsailor** · 05-05-2010 03:02 PM

وبالنسبة للسلبيات,,
كانت موجودة فى المستشفى بداية من الجناينى مرورا بالممرضات والاطباء ورؤساء الاقسام...

وعند فظيع ومقاومة بشعة لأى محاولة للتغيير...

علشان كده حانفضل نتخلف كمان و كمان .. و على فكرة انا اوقات كتيرة بأعانى من الموضوع ده مع اختلاف مجال عملى عن المجال الطبى و الوظائف اللى مذكورة اعلاه .. لدرجة انى ساعات باكره اليوم اللى اخترت فيه وظيفتى و اقول بقى الواحد لو كان مجال شغله حاجة تانية مش كان يبقى احسن .. بس انا دايما باقول ان الواحد بيعانى من اللى قبله اللى عود الناس على الاسلوب ده و بالتالى لما تبدأ تعمل حاجة لتصحيح الاوضاع هنا الحقايق بتنقلب و تبقى انسان متحكم و مؤذى و عاوز تغير الكون و الكلمات المستفزة اللى من عينة ما الشغل كان ماشى كده و مافيش مشاكل حصلت و ليه عاوز تغير و الحاجات المتخلفة دى

**otefa** · 05-05-2010 03:08 PM

المشاركة الأصلية كتبت بواسطة Dr Ahmed Abdelghany

الحمد لله قدمت استقالتى اليوم بعد 40 يوم من الصراع مع ... كل شئ

يكفيك شرف المحاولة....بس فعلا لو الاصلاح ماجاش من قمة الهرم.....من سابع المستحيلات الصمود....ولايهمك يادكتور.
وده مثال قديم شوية لسه كنت بتكلم عنه في موضوع عن عبور المشاة والمرور.
ط§ط.ظ…ط¯ ط±ط´ط¯ظ‰ - ظˆظٹظƒظٹط¨ظٹط¯ظٹط§

**MTAK** · 05-05-2010 03:15 PM

و الله يا دكتور احمد انا مش عارف اهنئك و لا اواسيك
كل ما اريد ان اقوله لك
ربنا يقدم لك من مشيئته كل خير
و حال المؤمن كله خير
--
بس بصراحه اكتر لا اخفى عليك انى حزنت
حزنت على حال المكان
و حزنت اكتر على عدم الاستطاعه فى محاربة الموجود و معشش بالمكان
جايز علشان كنت لوحدك فلم تستطع ان تواجه الغيلان المتسلحين بالطوفان
و اظن و الله اعلم ان الله اراد ان ترى و تواجه بنفسك ما يدور
جايز مش هاتقدر تعمل حاجة الايام دى
انما ما رأيته اكيد هايخليك تعلم كل من يمر من بين يديك الصح بجد
علشان لما يطلعوا يكونوا هم الاكثريه
---
ربنا يوفقك فى مهمتك المستقبليه :)

**نور القمر** · 05-05-2010 05:20 PM

صديقة اختي طبيبة بالمستشفى اللي حضرتك فيها
وبالصدفة اختي بتحكيلي ان صديقتها بتشتكي من المدير الجديد وحالة الحزم والضبط والربط اللي سادت المستشفى بعد تعينك مدير وإلزامهم بالحضور والانصراف في المواعيد والتشديد في الرقابة بعد حادثة وقوع الاسانسير الذي تسبب في اجهاض سيدتين حوامل وكسر ساق طبيبة فورا قلت لها ده اكيد دكتور احمد عبد الغني هو المدير المقصود لما اعرفه عنك من حزم وجرأة في الحق وعمل كل مايرضاه الله سبحانه وتعالى
وقلت لها بالحرف الواحد لكل مدير في كل مكان في مصر عمل زيه حالنا هايتعدل
احزنتني بهذا الخبر فعلا لكن قدر الله وماشاء فعل !!!!

**النوبي** · 05-05-2010 06:10 PM

المشاركة الأصلية كتبت بواسطة نور القمر

صديقة اختي طبيبة بالمستشفى اللي حضرتك فيها
وبالصدفة اختي بتحكيلي ان صديقتها بتشتكي من المدير الجديد وحالة الحزم والضبط والربط اللي سادت المستشفى بعد تعينك مدير وإلزامهم بالحضور والانصراف في المواعيد والتشديد في الرقابة بعد حادثة وقوع الاسانسير الذي تسبب في اجهاض سيدتين حوامل وكسر ساق طبيبة فورا قلت لها ده اكيد دكتور احمد عبد الغني هو المدير المقصود لما اعرفه عنك من حزم وجرأة في الحق وعمل كل مايرضاه الله سبحانه وتعالى
وقلت لها بالحرف الواحد لكل مدير في كل مكان في مصر عمل زيه حالنا هايتعدل
احزنتني بهذا الخبر فعلا لكن قدر الله وماشاء فعل !!!!

مش عارف الشعب ده امتي هيعجبه الحال
لما نبقي كويسين ونحاول نعمل حاجه صح اللي حواليك يبصولك بصه ((يعني انت اللي هتعدل الكون))
احنا كده بنحب اللي يدينا بالجزمه طالما هو غلطان إنما لو بيعمل حاجه صح يبقي خلاص مينفعش علشان هيعمل علينا تقي واحنا مش ناقصين ملايكه

-

الموضوع: دكتور أحمد عبد الغني - والإستقالة (تم تعديل العنوان)

LinkBack

أدوات الموضوع

عرض

-

-

-

-

-

-

المواضيع المتشابهه

د. أحمد عبد الغني كل سنة و إنت طيب

مقابلة الجمعة وزيارة د.أحمد عبد الغني

الكلمات الدلالية لهذا الموضوع

المفضلات

المفضلات

ضوابط المشاركة