الموضوع: تفاصيل تصليح عربيتي واسعارالتصليح

المشاركة الأصلية كتبت بواسطة all_new_cerato

من شهر يناير عملت حادثة بالعربية بس كانت بسيطه http://www.nilemotors.net/nile/128186-a.html

جابت :
1- اكصدام
2-الكابوت متني فوق الفانوس تنيه بسيطه مش كبيره (تترد عالبارد)
3- السدر اتكسر فوق الفانوس الامامي

ودي صورها بعد الحادثة

شايفين التانيه اللي في الكبوت, مش مستاهله رد عالسخن ورش الكابوت كله


وكان الازاز الامامي واخد نقرة حلوه

المهم روحت مركز خدمة معتمد في العبور (من وصف مهندس في ابو رواش و بعد اتصال بخدمة العملاء) المهم وديتها يوم 28 فبراير وعملت المقايسة وعقبال مندوب التامين ماراح وعاين كان يوم 1 مارس وخلصت يوم 4 مارس

اللي تم ايه:
1- تغيير الاكصدام( 1345) و رشه
2- استعدال الكابوت (250) ورشه
3- تغيير السدر(1253)
4- تغيير الزجاج الامامي بكامل ملحقاته, السيليكون والكاوتش(1817+200 +162)

بس الحمد لله رجعت زي الاول تمام والبركه في المركز الرائع ده

بس مكونتش متخيل انها تعمل 7000 جنيه في تصليحها بس الحمد لله بعد 20 يوم خدت شيك باللي دفعته بعد خصم 10% من تمن قطع الغيار (الاكصدام والسدر) والازاز عليهم

*ملحوظه:
السدر فبر بس لما سئلت طلع الميجان والسينيك والانسر ومعظم الجديد فيبر بردو

وده صورة الفاتورة:

ألف مبروك عل إصلاح :)

بس عندي ليك سؤال بسيط، هو أصد حضرتك بالصدر اه ؟ عشان أنا كنت غيرت حاجة في عربيتي كان اسمها صدر أمامي إلي هو بيبقى بعرض العربية من أدام أول متفتح الكبوت، بس كان حديد مش فبر، فقلت أسألك بردو

و مبروك كمان مرة و حمدل على سلامتك و سلامة كيداهم :)