ممكن ادخل معاكم فى الموضوع
اولا المقارنة لا يمكن ان تحدث هذه فئة وهذه فئة ثانية خالص عربيات الدفع الرباعى 3 انواع هاشرحهم ليكم :
- سيارات ذات حجم كبير ودول 3 بمشتقاتهم ومالهمش رابع وهم ( يوكن وتاهو من جنرال موتر )
- ارمادى وانفنتى كيو56 من نيسان
- اكسبدشن ونافيجيتور من فورد
دول مميزاتهم حجم وهمى ومواتير كلها فوق 5000 CC تعبر بك الصحراء ولكن بصعوبة لثقل الوزن ولا يمكن استخدامهم فى الرمال الناعمة جدا ولكن سيارات عالية الفخامة والكماليات والراحة
- سيارات متوسطة كبيرة ودول كثير ندى منهم امثلة :
- لاندكروز - بترول - اكاديا هوندا بايلوت ودول ميزتهم الاولى ماعدا الهوندا العملاتية يعنى دبل قوى جدا صيانة سهلة وعدم وجود انظمة معقدة و العيوب سيارات اقل فى الراحة والثبات ودول روح بيهم اى مكان لانهم مجهزين لكده وبيهم انظمة دفع رباعى من دف لوك لسوبر تراك وخلافه
- سيارات متوسطة صغيرة ودى زى فورد سكيب و الشيروكى و CRV والنيسان اكتيرا والراف4 ودى بتبقى سيارات دفع رباعى مستمر واستخامها لاهالى المدن اللى بيحتاجو يمشو فى صحراء او طرق مكسرة شوية بس طبعا مش مدقات او كده لانها اقرب للسيدان وهذه السيارت اكثر السيارات التى تناسب معظمنا وعيبها ان نظام الدفع المستمر بيهلك العربية بسرعة وبيخلى صيانتها صعبة
- بعدها السيارات الصغيرة زى التيريوس و HRV و دول سيارات مالهاش اى لازمة الا انها مرتفعة عن الارض وثباتها قليل وكماليات ضعيفة واستخدامهم الرئيسى داخل المدن الصغيرة ولا ينصح بها فى السفر مثلا
الاوبل فى السيارات المتوسطة الصغيرة واكبر موتو بها هو 3200 cc اما اللاند فئة اكبر
الاوبل سيارة مدينة وللتنزه فى الويك اند انك تطلع قليلا بره الطريق المرصوف واكيد اكثر فخامة وراحة
اما عملاتيو واتساع وصيانة وقوة اللاند بلا منازع