ــ1ـ القرار

ياااااااااه الواحد وزنه زاد أوي والكرش ظهر ومفيش اي فرصة او وقت للمرواح للنادي خلاص نشتري جهاز رياضة في البيت

ـ2ـ البحث
لكن يا ترى اشتري ايه .. مشاية مانوال .. مشاية كهرباء ... صيني ... أمريكي .. موتور ايه سي .. موتور دي سي .. آب جيم .. باور هورس .. واشكال والوان واخيرا تم الشراء (أي نوع مش مهم ما النتيجة واحدة)

ـ3ـ الأسبوع الأول
الزوج : انا الاسبوع ده اشتغلت على جهاز الرياضة ساعيتن كل يوم
الزوجة : وأنا كمان .. ده احنا كده مش هنخس لأ هنختفي من الخسسان

ـ4ـ الأسبوع الثاني
الزوج : الأسبوع ده انا مكنتش فاضي خالص للأسف اشتغلت مرتين بس على الجهاز
الزوجة : أنا كمان اتشغلت جدا وكان ورايا كذا وكذا وكذا

ـ5ـ الأسبوع التالت وما يلية وما يلية وما يليه :
الزوج : هو الجاكت الأخضر فين؟
الزوجة : عندك متعلق على جهاز الرياضة.
الزوج : هو البالطو الأسود فين ؟
الزوجة : عندك متعلق على جهاز الرياضة .

وبكده يظهر الدور الحقيقي والمثوى الأخير لجهاز الرياضة في البيت المصري

شماعة
((مش منقول))