اقتباس:
المشاركة الأصلية كتبت بواسطة engasad200
استاذ بيشوى اعتقد ان السؤال واضح بدليل ان فيه ناس ردت عليه بشكل كويس .
وانا فعلا مش عاجبنى ردك على السؤال بس مش هتجاهل الرد زى ما بتقول ....انا مش هادخل تانى على المنتدى ده بسببك
شكرا جزيلا
أنا بصراحة مصدوم من الرد بتاعك .. حضرتك اول واحد فى المنتدى يقلى انا مش هدخل تانى المنتدى بسببك
مبدئيا انا عمرى متأخرت على حد فى المنتدى بأى حاجة اعرفها ومش فاهم أصلا رد حضرتك اللى فوق ده كان إيه لزمته
حضرتك كاتب " بصراحه يا جماعه انا مستاء جدا من الردود على السؤال زى الاخ اللى مش فاهم السؤال واللى بينصح بعدم تشغيل التكييف للحفاظ عليه وبعديها فى نفس المشاركة طلبت " اما يرد بشكل يفيد السائل او يسكت احسن " " جميل لغاية كده
إيه اللى انا عملته عشان اسمع من حضرتك الكلام الجميل ده أصلا ؟؟؟
حضرتك بتقول السؤال واضح ؟؟؟ عمتا بالنسبالى السؤال مكنش واضح وياريت لو تراجع المشاركات فى الموضوع حضرتك كتبت " انا معايا لوجان ...والعربيه تمام الحمد لله.........بالنسبة للتكييف ممكن الوحوش يقولولنا نصائح للحفاظ على التكييف..... "
المشاركة اللى تحتيك على طول " ياريت يا جماعة حد يفيدنا فى موضوع التكيف ده
لان فى زراير كتير انا مش اعرف استخدامها
و ياريت مع ارفاق الصورة و شرح كل جزء "
واللى بعديها " الكتالوج مكتوب فيه كل حاجه إنت محتاجها "
وبعديها حضرتك دخلت تضحك وكتبت " طيب ممكن يا باشمهندس تترجم الكتالوج.... "
افهم أنا إيه من السؤال يعنى ؟؟؟
وبعدين انا ردى كنت بهزر فيه مع حضرتك وكاتب " هوة انا مش فاهم السؤال قوى بس عمتا لو عايز تحافظ عليه متشغلوش " وراسم إيموشن واحد بيضحك يعنى باين قوى انى مش بتريق على السؤال
وبعديها على طول لما حد جاب معلومات وسأل عليها هيا مظبوطة ولا هوه فهم غلط رديت وقلت انه فهم غلط ووضحتله إيه النقط الغلط يعنى مش داخل أهزر ولا اتريق زى محضرتك تفضلت ورديت رد غريب بصراحة عليا
وبعديها الأستاذ عزت دخل وعمل اقتباس ووضح كلامى انه غلط وقال الصح وانا بعديها وضحت انى مكنتش فاهم السؤال وكاتب كده تانى " انا بس مش فاهم السؤال
هوه يقصد الزراير بتعمل إيه
ولا يشغله إزاى ؟؟؟
ولا يشغله صح إزاى
ولا يحافظ عليه اكنه جديد ففى الحالة ديه ميشغلوش غير كل فين وفين وده كده هيقلل استهلاك التكيف ده اللى قصدى عليه بس لو هوه عايزة يفضل جديد يشغله كل اسبوع 10 دقايق بس
عمتا انا عن نفسى صيف شتا الساعة 1 بليل برده بيكون شغال صعبان عليا التكيف ده
"
بعد كده حضرتك دخلت رديت ...
عمتا لو انا غلطان فى حاجة يبقى حقك عليا ومفيش اى حاجة تخلى حضرتك متدخلش المنتتدى ولا بسببى ولا بسبب حد تانى الموضوع مش مستاهل خالص
تقبل تحياتى