نص أمامى من بورسعيد لفيكترا b ايكوتيك 2000 cc

**me3mary** · 03-04-2010 04:03 PM

السلام عليكم يا اوبلاوية
كل سنة و انتوا طيبين
الموضوع إن حد كان بيتكلم قدامى على فكرة ان الواحد لو اشترى نص امامى كامل من بورسعيد لفيكترا b 2000cc
هيكون سعره رخيص
و افضل من انه يسقط موتور و فتيس بس فى أى ورشة
و بكدة يضمن تغيير كل حاجة ( موتور و فتيس و قواعد و عدادات و تابلوه جديد و عفشة امامى كاملة و إكصدام جديد .......الخ ) من الأخر كل اللى موجود فى النص الجديد هيركبه عنده
و إن ده ارخص بكتيير من انى ابيع عربيتى المانيوال و اشترى واحدة اوتوماتيك و الله اعلم حالتها هتكون ايه
افيدونى
هل فعلا سعر النص ده بيكون مناسب و فين بالظبط فى بور سعيد
و لو حد جربها يقول التجربة دى ناجحة و العربية بتكون كويسة ولا لأ

**Elnahrawi** · 03-04-2010 04:09 PM

مرة سألت عليه وكان بحوالي 10000 جنيه

لكن مش متذكر كان أوتوماتيك ولا مانيوال

بالمناسبة

بورسعيد شحيحة جدا في قطع غيار الأوبل

**me3mary** · 03-04-2010 04:22 PM

انا عمرى ما روحت بورسعيد علشان العربيات و معرفش السوق ده فين
لكنها فكرة سمعتها و حبيت اعرف رأى الناس فيها
يمكن الواحد يعملها

**zizo50001** · 03-04-2010 08:09 PM

ياريت حد يسال على الموضوع دة علشان نشوف الاسعار اية اخبارها انا اسمع ان العربية كلها ب 10000 مش النص اللى قدام بس
وممكن تجمعوا بعض اللى عايز يسقط الماتور دة ويروحوا مثلا لما حما 2 يشتروا نصين من بورسعيد هيبقى ارخص بكتير

**lancerevolution** · 03-04-2010 08:13 PM

طبعا كدا أحسن بكتير
و أكيد طبعا
انا كنت سمعت إن العربية الكاملة بتعمل 15 20 ألف بالكتير

**فادى محمد** · 03-04-2010 08:31 PM

طبعا انت عارف بالبلدي كده ان الجمله ارخص من القطاعي .تمام.وبكده النص علي بعضه هيكون ارخص من مجموع الاجزاء . انما سمعت مؤخرا ان الموتور الايكوتك الاوروبي بيعمل 7000 ج من غير الفتيس ,تخيل بقي النص فيه الاتي موتور (7000ج) -فتيس(2000)-قواعد(500)-رادياتيروخراطيم ميه (1500)-كمبروسر تكييف بالشجره ومتعلقاتها(مش اقل من 2500)--2ركبه امامي(1500)-تابلوه بالعدادات ال260كم وقاعده فتيس اوتو وشاشه بيانات(1500)-كبوت و2 رفرف(1500)-اكصدام بالشبكه والفوانيس(1200) غير الكراسي بقي لو كانت جلد سي دي اكس .....المجموع حوالي 20000 ج والاسعار طبعا بالتقريب مش بالضبط .
نيجي بقي للمهم .طبعا لو عاوز تعدل الموضوع مش سهل انما نتيجته مبهره لو اتعمل صح ولو هتشتري النص علي بعضه وتشترك مع اي حد عاوز حاجه معاك هيبقي اوفر وممكن تكسب كمان لو عاوز .بورسعيد مع احترامي لاهلها اللي هما اول جيراني لكنهم غالييييين جدا ,اشتري من مصر احسن واكتر واحد هيفيدك في حوار الاسعار والاماكن هو تامر وربنا يوفقك .

**tananybasha** · 04-04-2010 01:11 AM

طالما هتاخد النص كله يبقى احسن بس خد معاه عفشة ورا

**lancerevolution** · 04-04-2010 08:44 AM

المشاركة الأصلية كتبت بواسطة thug

بس انت هاتقطع نص عربيتك وتركب نص تاني مثلا ولا انت بتشتري نص وبتاخد منه اللى انت عايزه ؟؟؟؟؟ انا مش فاهم قصدكو ؟؟؟
بس انا عايز أضيف حاجه
الشون اللى بتبيع أنصاص العربيات دي بتيجي عليها فتره وبتبيع كل الحاجات اللى عندها بسعر جمله لأن بيحتاج يجيب بضاعه تانيه جديده وعايز يخلص من القديمه ....فممكن تصطاد انت حاجات كويسه ساعتها بس يكون في دماغك إنك تجيب نص عربيه أو مكنتين ولا حاجه ...حاجه بجملتها يعني مش حاجه قطاعي

أعتقد عايز يغير الحاجات الى عنده بالحاجات الى فى النص الجديد

الموضوع: نص أمامى من بورسعيد لفيكترا b ايكوتيك 2000 cc

LinkBack

أدوات الموضوع

عرض

-

-

-

-

-

المواضيع المتشابهه

حد هنا جرب يسقط ايكوتيك 2000

ماتور ال 2000 سي سي ايكوتيك يتاغ بي 2

حل لمشكله الفيكترا والاسترا 1600 ايكوتيك

ينفع عربيه منطقه حره بورسعيد تتباع برا بورسعيد ارجو الافاده

لو سمحت يا رجالة بورسعيد أنا نازل بورسعيد وعندي سؤالين......

الكلمات الدلالية لهذا الموضوع

المفضلات

المفضلات

ضوابط المشاركة