بسم الله الرحمن الرحيم











في البداية من غير ما اطول عليكو انا كان معايا مبلغ في حدود 150000وفكرت اني عايز اشتري عربية في موصفات معينة
1-الماني 2-واسعة و عائلية علشان انا داخل علي جواز
 3-يكون فيها option ظريف +فتحة سقف
 4-قطع غيار رخيصة و متوفرة(توكيل يكون كويس)
 والحمد لله ما كونتش لاقي اي حاجة في السوق غير العربية دي مناسبة ليا رغم ان في ناس كتير قالتلي هات جيتا او جولف 6 و ازود شوية علي 150000 بس انا كنت مقتنع بيها جدا لسببين
1-ان هيا مع واحد صاحبي و مبصوط منها جداااااااا
 2-مش كل الناس راكباها و مميزة
 انا لما اشتريت العربية اليكم ملحوظاتي:
 1-السيارة تتميز بواجهة هجومية جدا
 2-واسعة جدا (انا كان معايا بورا ضيقة جدا من ورا)
 3-خامات التبلوة افضل بكتير عن ليون 2008 و ملحوظ الفرق
 4-العدادات زات اللون الابيض افضل بكتير من اللون الاحمر في الليون قديمة+الطارة افضل بكتير + سهولة في الاستخدام عن ليون 2009.
 5-الكاسيت +التكيف من وجهة نظري في ليون 2009 افضل بس في ناس كتير قالتلي لا 2010 افضل
 6-المرايات اكبر و شكلها احلي بكتير من 2009طي اوتوماتك
7-طبعا الشكل الخارجي متغير الاكصدام الامامي-الاكصدام الخلفي-الفوانيس الخلفية-الزجاج الخلفي اكبر واعتقد ان الشكل الخارجي افضل
 8-الفرش الداخلي نفس الجودة بس الون مختلف
 9-مقابض فتح الابواب من الداخل كروم+hand rest في الابواب من لونها تيتانيوم(جديده 2010)
 10-مكان تحكم (i-pod)aux-في التبلوة بدل من تحت الكرسي
 11-الكمبيوتر الداخلي للسيارة زي 2008 زيادة عداد ديجتال للسرعة+سهولة في الاستخدام (دة اللي انا اكتشفتة ممكن يكوم في حجات تانية بس انا ليسة ما عرفتهاش)

 12-الجنوط اتغيرت نفس المقاس بس الشكل اتغير عجباني الي حد ما بس اخويا كان رايو ان جنوط 2009 احلي
 ده كل الفروق بينleon 2009-2010



من الداخل :











الكماليات الاساسية:

  • تعديل وضع المقود يديويا
  • زجاج كهرباء لمسه واحدة و نظام أمان إعاقة الزجاج للأطفال و التحكم بالأبواب و الزجاج و تانك البنزين من الداخل
  • مساحة تخزين أمامية أسفل مقعد السائق و عدد 2 هولدر للأكواب فى كونسول الوسط
  • ضوء فرامل ثالث علوى
  • التحكم فى الكراسى الأمامية بالأرتفاع و الانخفاض و الأمام و الخلف و كذلك التحكم فى درجة تقوس الكرسى أسفل الظهر لمزيد من دعم منطقة الظهر أثناء القيادة + أمكانية طى ثلث الكنبه الخلفيه لزيادة مساحة التخزين الأصليه
  • قفل مركزى مع تحكم عن بعد
  • مزيل ضباب للزجاج الخلفى +المرايا الجانبية
  • راديو سي دى مع 4 سماعات داخليه و 4 تويتر مدمج بمقابض الأبواب الأربع
  • شاشت بيانات ديجيتال تعرض جميع بيانات السيارة و المشاكل و الأعطال
  • تكييف تتش مع إمكانية التحكم فى قوة و برودة الهواء المتجه لليسار و اليمين حسب الرغبة ...بشكل منفصل
  • جنوط كروم جنوط سيات سبور مقاس16
  • عداد السيارة 240 كم
  • إغلاق جميع إجزاء السيارة الأبواب و فتحة السقف و المرايا من الريموت كنترول
  • مقود هيدروليك
  • مرايا كهربائية و فتحه سقف و ريموت
  • اضواء ضباب -فوج لايت أمامى(تلتف مع المقود حسب الاتجاه لوضوح الرؤيا) و خلفى
  • بلوتوث سيستم و نظام بلو مى للتحكم فى المكلمات أثناء القيادة بالأوامر الصوتيه و مسجل يبانات للأشخاص
  • مثبت سرعة
  • مقياس لحرارة الجو الخارجية
  • نظام تصفية الهواء- فتحة السقف معالجة لمنع الحرارة و الأشعة الضارة
  • طارة الدريكيون و مقبض ناقل الحركة من الجلد الطبيعى
  • جهاز انذار
  • 1600 سى سى .102 حصان
  • ضمان 2 سنه بدون حد أقصى للكيلومترات
     دهان السيارة و العفشة معالجة ضد الصدأ و ضمان ضد الصدأ مدى الحياة

اليكم تجربتي في اختبار القيادة
 الجير بوكس مانيوال 5 speed (short shift(
 اول تجربة لية انل بلين (في التوكيل قالولي اول 1000 ماتزيدش عن 100كم في الساعة وبعدين برحتك) العربية ما شاء اللة عايزة تجري مش عايزة تمشي بالراحة accelration ممتاز احساس جامد جدا بتحكمك في العربية نظام الرؤيا فيها جامد جداا (الزجاج الامامي كبير جدا)
 سبات الالماني طبعا مش هتكلم علية-العربية عالية عن الارض مش بتحك في مطبات المحروسة و الحمد للة سبات 10/10 (احلي من عربيتي القديمة -بورا)
 البور بتاع العربية ممتاز زي الرينو ميجان كهربا و زيت و مع السرعه بيفصل خالص
 انا خلصت اول 1000 وطلعت العين السخنة
 طبعا انا خايف جدا من العربية رغم اني بسوق من زمان جدا بس رهبة الزيرو المهم معلوماتي عن المانيول لو انت عايز تريح العربية و ما تجريش تديها الخامس و هيا تسارعها بيكون بطيء او بمعني اصح ملحوظ تقدر تتحكم فية اكتشفت الاتي:
 لو انت سايق علي 130-140 احساسك بالعربي انك واقف او ماشي علي 90 ماشاء الله نعمة جدا مش سامع صوت الموتور(بدون مبالغة صوت ضعيف اوي طبعا قفل الزجاج كلو-لو فاتح الزجاج هتسمع صوت الوحش و هو بيجري) العفشة ناعمة جدا
 و بدون ما تشعر تكون جايب 210 و دة اخر العربيةrpm 6 طبعا ممكن تجيب اكتر بعد كده بس انا بحكيلكو انا وصلت لاية
ملحوظة: تسارع من 100 ل 180 علي الخامس من غير ما تسقط نقلات ولا حاجة نفس التسارع تقريبن0لي 100 تقريبااا (تتسارع بشكل جامد جدا بدو تسقيط نقلات)من 180 ل 210 تقيلة شوية بس جبتهم و العربية ماشاء الله سابتة جدااا
 البنزين:
 تتفول تقريبن 100 جنيه
 بتعمل 500 كم بالتكيف و سرعة لا تزيد عن 125-130
 بعد السرعة دي تستهلك بنزين اكتر
 اتمني اكون ما نستش اي حاجة كان نفسي ارفعلكو الصور بس للاسف مش عارف
لو حد تكرم من الاعضاء بشرح لرفع الصور هرفعها انشاء الله و اسف علي التطويل





تم التعديل بواسطتى
13/4/2010
3:47
15ب