أي معلومات عن الخط الرابع لمترو الانفاق في 6 أكتوبر؟؟؟؟

**Mohamed-Saoud** · 03-04-2010 05:33 PM

الخط الرابع ده هيبتدي من محطه الملك الصالح لغايه الكيلو 21 طريق مصر اسكندريه الصحراوي. بعد كده تنزل و تركب ترام سريع (محطه تبادليه) و هو ده اللي هيدخل في الشيخ زايد و 6 أكتوبر...

السؤال دلوقتي؟؟ حد يعرف الترام ده مساره ايه بالظبط داخل الشيخ زايد و 6 أكتوبر؟

**eng.octooo** · 03-04-2010 05:46 PM

انا اول مرة اسمع الكلام دة ..... بس هوة حضرتك متأكد من الموضوع دة لانة بجد هايكون نقلة كبيرة جدااا فى اكتوبر ....وهايتنفذ من امتى ؟؟؟

**Mohamed-Saoud** · 03-04-2010 06:00 PM

الكلام ده مكتوب في الأخبار النهارده في حوار مع محافظ أكتوبر بس هو معروف من فتره ...

و هيبتدوا المشروع من السنه الجايه غالبا...

لو أنت ساكن في زايد أو أكتوبر يا ريت تسألنا عن الحكايه دي علشان نستفاد كلنا.

**zakiali** · 03-04-2010 07:52 PM

الحاجات دي بتبقي أسرار محدش بيعرفها الا بتوع الأدارات الهندسية وكبار الموظفين في المحافظه وغالبا المعلومات الدقيقة دي عن خط سير الشوارع وعرضها وكردونات المدينة ومواعيدها بيبتقي معلومات سيرية بتتباع للحيتان الكبار والتجار بالفلوس وبفلوس كتيره أوي كمان.دي مافيا كبيرة الناس بتعمل فيها ملايين ....

**mxz911** · 03-04-2010 08:06 PM

البلد بقى فيها اختناق من السيارات ولازم فعلا الحلول الى زى المترو ده

**wael3m** · 03-04-2010 09:59 PM

والله هما شوية أغبياء من الاول
لان البهوات لو بيفكروا كانوا بنوا الاول خط المترو او سكة حديد علشان
المدينة تعمر بسرعة ويجذبوا الناس ليها بسرعة
من رايى انهم يعملوا المونوريل أوفر وأسرع من خط المترو
http://www.lightrailnow.org/images/s...c-monorail.jpg
هنا صورة ودا شغال فى اليابان كتيير بردة شركات خاصة جنب الحكومة

ويجعلة عامر

**rockana9112007** · 03-04-2010 10:03 PM

والله العظيم انا ساكن فى اكتوبر من سبتمبر سنة 90
ومن الوقت دة وهما كل فترة بيقولو على الموضوع دة
واكتوبر زمان كانت محتاجاة اكتر الف مرة من دلوقتى ...ودلوقتى برضة محتاجينة
بس اعتقد ان الحكومة مسنخسرة الفلوس اللى هتنصرف فى المشروع دة
مع انة هيفيد المدينة جدااااااااااااااااااااااا اااااااااااااااااااااااا
وهيفيد العاصمة كمان لانة هيقلل من السيارات اللى بتروح يوميااا من واللى اكتوبر
بس تقوووووووووول لمين

وعلى فكرة المحافظ بتاع اكتوبر عامل زى فردة الشراب اللى اختهاااا ضايعة

**Mohamed-Saoud** · 03-04-2010 10:34 PM

ان شاء الله المره دي يعملوا خط المترو الرابع بتاع أكتوبر و يصدقوا في وعدهم خصوصا العمليه سخنه علشان الخط التالت اللي بيروح مدينه نصر و المطار شغاليين فيه دلوقتي.

بالنسبه لحكايه المونوريل فدي متهيألي صعبه شويتين :)

أنا متفق ان الموضوع بيكون سري و فيه لعب كتييير و في الحاله دي يبقى أنت أكيد في مصر!!!

بس يا rockana9112007 حاول تشوفلنا الموضوع ده بما أنك قديم في أكتوبر . ممكن جهاز المدينه يكون عنده خبر.

**hesham_tawfiq** · 03-04-2010 10:59 PM

خبر جديد لنج يادوبمن 10سنين بس :-)

**korkor** · 03-04-2010 11:41 PM

اللى انا اعرفه ان الخط الثالث للمترو فى اربع مراحل المرحله الاولى المفروض تخلص فى 2011 ودى من العتبه للعباسيه والمرحله التانيه من العباسيه لشارع هارون فى مصر الجديده ودى المفروض تخلص فى 2013 بعد كده لسه فى المرحله التالته من العتبه لامبابه والمرحله الرابعه من هارون للمطار وبعد كده لما الخط التالت بخلص يبقو يعملو الخط الرابع يعنى بدوبك بتدوا فى على 2020