اللي هتشوفوه هنا حصل يوم الجمعة 2/4/2010 الساعة 11 باليل في شارع و زارة الزراعة الدقي و بجد لا تعليق غير( تحيا جمهورية مصر العربية)
[youtube]http://www.youtube.com/watch?v=knkrjbx1jbs[/youtube]
عرض للطباعة
اللي هتشوفوه هنا حصل يوم الجمعة 2/4/2010 الساعة 11 باليل في شارع و زارة الزراعة الدقي و بجد لا تعليق غير( تحيا جمهورية مصر العربية)
[youtube]http://www.youtube.com/watch?v=knkrjbx1jbs[/youtube]
تخلف....ميتقلش علية غير كدة.
استااااااااااذ
دة اتجنن دة ولا اية وبعدين فين الشرطة اللى تخلى واحد يعمل كدة فى شارع عمومى
ماشيه بالستر والله.
الشارع ده مشهور بكده خميس وجمعة
بس دلوقتى محدش بقة يروح زى زمان علشان الشرطة بتمسكهم
معللللللللللللللللللم
طب ده كان متداري شوية
السنة اللى فاتت كنت عند واحد معرفة في المهندسين وسمعنا صوت زي الصوت بتاع اتكاك العجلة بس جامد جدا خرجنتا البلكونة قلنا حادثة والمفاجاة
واحد بيعمل نفس الحركة دي بالظبط فضل يلف بالعربية حوالين نفسها مش اقل من 20 مرة وفين
في تقاطع شارع شهاب مع شارع سوريا
وصباح الخير يا مرور اللى لسة واخدني مخالفة حزام النهاردة الساعة 2 الظهر عند مديرية امن الجيزة والاشارة اصلا مش بتتحرك يعني 100 متر في اكتر من نص ساعة ويقولي حزام
BMW E34 :F_eyeb1[1]:
بغض النظر عن الهبل اللي بيعملة بس حاسس ان الواد دة طلع الحاجات اللي مكبوتة جوايا ناحية العربية دي هههه ، بستحرم بجد
فكر... وثقافة شعب
وفعلا لينا حق نكون من الشعوب الثالثة
عشان مفيش اى مراعاة للمرضى اللى فى البيوت ولا النايمين ولا اللى بيذاكروا ولا للناس اللى وراه اللى عايزين يعدوا....
يابن المجانين لا والعربيات ماشية جمبه عادي يعني ...
الواد دة جاااامد موت العربية اللى معاه 128 متظبطة جامد
وشكلة كدة كان لسة شددها هاهاهاهاها:ma(30)::ma:
فعلا لاتعليق
مافيش كلام تانى
الستار موجود ينجينا من شر الطريق عشان اللى فى الفيلم ده هوا شر الطريق
اللى عمله ده مش يجى واحد على الف من اللى بيتعمل هنا فى السعوديه
عايز تعرف ايه اللى بيحصل والحوادث اللى بيتسببوا فيها ويروح ضحيتها ناس بالعشرات
خش ع اليوتيوب واكتب فى السيرش (تفحيط وهجوله) او (حوادث التفحيط) واتفرج.
كلهم مجانين.
دول بيتصنفوا في علم الطب النفسي ... تحت مسمي مرضي الشعور بالنقص...ربنا يشفيهم..
الناس ايلي بتحاول تستعرض نفسها وتلفت الانظار اليها باي طريقة ....وخصوصا الطرق التافهة دي....فعلا دول مرضي وعايزين يتعالجوا...
انا باستغرب ..وسبحان الله ....لما انسان يبقي عندة كل مقومات النجاح....مستريح ماديا .(ودة واضح من امتلاكة لعربية وعدم اكتراثة بانها تولع ولا تبوظ ولا تتخبط...دة يدل علي عدم الاحساس بقيمة الفلوس...ودة ناتج عن سهولة الحصول عليها بدون تعب او مشقة...)
واكيد ساكن في مكان كويس...ومش بعيد يكون عندة خدامين وبوابين وحراس كمان...
وبعد كل دة ...تلاقي الشعور القوي جداااا بالنقص وعدم احساسة باهميتة في الحياة.....واتجاهه للاستعراض لخطف وجلب الانظار....باعمال بهلوانية ...لا تثمن ولا تغني من جوع....
يا اخي استغل امكانياتك ...وارتقي علميا ولا خلقيا ..ولا ساعد حد محتاج مساعدة...يبقي علي الاقل ساهمت بجزء من نجاحة....
لما باشوف الناس دي...بحس ان ورا منهم حجات كتير غلط....واولها مصدر الفلوس....استحالة انسان فلوسة حلال .وتعبان فيها او حاسس ان اهلة تعبانين فيها ...يهون علية يعمل في عربيتة كدة....
هانقول اية.....ربنا يهدي ويشفي كل مريض...
مرض نفسي مش اكتر
معاك ياهيرو انتا جبت من الاخر
فعلا عنده نقص يارب احفظنا
رغم اني متفق مع جزء كبير من كلامك يا هيرو
بس هيا مش كده بالظبط
يعني انا بسميها كبت ( ومش بحب اقول عليه اكتر من كده ) لرياضة غير مقننة في البلد بتاعتنا
هو عنده مهارات بس مافيش مكان رسمي يقدر يعرضها او يمارسها فيه
بالشكل دا
انا مش ضد الرياضة دي بس طبعا ضد الي هو بيعملو
من تعريض حياة واملاك غيره للخطر
هو ادري بنفسه بس لو العربية خرجت من تحت سيطرته ولبست في واحد او عربية واحد
هنا دي المصيبة
وكمان كونه قافل الشارع لحساب سعادته
بس لو تفتكر لما كنا صغيرين وبنلعب بالعجل برضه كنا بنخمس ونفوت ونعمل حصان ونجري بيه ونط بالعجلة وننزل بيها السلم
ماهو كل دا تعريض للممتلكاتنا الي بتتمثل في العجلة للخطر والي برضه ممكن طفل في سنك يبقي باصص ليها وكان يتمني واحدة زيها
وبصراحة انا مش بحب اشكك خالص في مصدر المادي لاي حد سواء جاي بشقي او من غير
هي مسئلة فرق بس زي ماحنا واحنا صغيرين كنا بنحوش علشان اعدل في العجلة وتبقي اسرع والفرامل جامدة واخمس و واعمل الي نفسي فيه وببقي مبسوط بيها وانا بعمل كده وبالتعب الي انا تعبته في تحويش الفلوس دي
المهم
ربنا يحميه ويهديه
انا مش شايف حاجة غريبة فى الكليب
الموضوع دة عادى فى اى زفة لازم يطلع شاب عسل ويفرتك العربية على الاسفلت
الكلام دة موجود تقريبا فى جميع المدن المصرية
انا بس نفسى افهم يعنى ايه طريق رئيسى يتسد وناس تقف وتتعطل(زى ما هو باين فى الفيديو) علشان الحيوان المتأخر فى سلم التطور ده يعمل عمايله السودا دى، ده انا لما بنزل زوجتى قدام شغلها (فى نفس المنطقة) لو الأمر استغرق اكثر من 15 ثانية بلاقى 100 كلاكس ورايا مع العلم ان الطريق 3 حارات وانا بقف فى اقصى اليمين ، مش فاهم يعن الناس دى ساكتة ازاى على قطع طريقها بالمنظر الحقير ده
انت بتغش على فكرهاقتباس:
رغم اني متفق مع جزء كبير من كلامك يا هيرو
بس هيا مش كده بالظبط
يعني انا بسميها كبت ( ومش بحب اقول عليه اكتر من كده ) لرياضة غير مقننة في البلد بتاعتنا
هو عنده مهارات بس مافيش مكان رسمي يقدر يعرضها او يمارسها فيه
بالشكل دا
انا مش ضد الرياضة دي بس طبعا ضد الي هو بيعملو
من تعريض حياة واملاك غيره للخطر
هو ادري بنفسه بس لو العربية خرجت من تحت سيطرته ولبست في واحد او عربية واحد
هنا دي المصيبة
وكمان كونه قافل الشارع لحساب سعادته
بس لو تفتكر لما كنا صغيرين وبنلعب بالعجل برضه كنا بنخمس ونفوت ونعمل حصان ونجري بيه ونط بالعجلة وننزل بيها السلم
ماهو كل دا تعريض للممتلكاتنا الي بتتمثل في العجلة للخطر والي برضه ممكن طفل في سنك يبقي باصص ليها وكان يتمني واحدة زيها
وبصراحة انا مش بحب اشكك خالص في مصدر المادي لاي حد سواء جاي بشقي او من غير
هي مسئلة فرق بس زي ماحنا واحنا صغيرين كنا بنحوش علشان اعدل في العجلة وتبقي اسرع والفرامل جامدة واخمس و واعمل الي نفسي فيه وببقي مبسوط بيها وانا بعمل كده وبالتعب الي انا تعبته في تحويش الفلوس دي
المهم
ربنا يحميه ويهديه
ههههههههه
انا كنت داخل اقول نفس الكلام ده بالظبط بالذات موضوع الفلوس الحرام دي
مش هقول حاجة غير تخلف اولا
فين عربيات الدورية ثانيا
بس كده
تفتكروا لو اللي بيحصل دا كان في زفة عروسين.... هل زمانهم عايشين حياة سعيدة لحد دلوقتي ولا دعاء الناس وصلت ؟؟
ربنا يخليلو بابا وماما
الناس ماشية حواليه وبيعدوا جنبه عادى
خلاص الناس اتعودت على السلبية واللا مبالاة
ما حدش قادر يقو لهم عيب يا ابنى
ما حدش فكر يتصل بالشرطة
قال يافرعون ايه اللى فرعنك
مش عارف انا ليه فجأة احترمت سواقين الميكروباص دلوقت
ربنا هيحاسبه علي النعمه دي اللي مش حافظ عليها
عقبال ما يتقفش !!!!!!!!!!!!!!!
لو سمحت ممكن تسلملى على كل من:
السيد محافظ الجيزة
ومدير مرور الجيزة
وسيادة اللواء/ شريف جمعة مساعد الوزير للشرطة المتخصصة وأكفء مدير مرور لمحافظة الجيزة فى الكام سنة اللى فاتوا
سلام مربع وحياتك
هههههههههههههههه
فى اسكندرية بيوقفوا الكورنيش لمدة خمس دقايق كل كام يوم و يخمسوا براحتهم ..
فى اى فرح لازم الزفة توقف اى شارع كبير و تعطله و يخمسوا و برده عادى جدا .
اصل الحكومة هتعملهم ايه !! اكيد العيل اللى بيعمل كده بابا و ماما رتب كبيرة و هيخرجوه منها فى خمس دقايق , ليه الحكومة توجع دماغها !!؟
يا جماعة الفيديو ده انا صورتي بنفسي يعني مش منقول من حد و دي كانت تالت عربية تعمل كده بس دي اللي لحقت اصورها و طبعا زي ما قال الزملا ده كان مجاملة لواحد صحبه المهم انه بعد ما خلص الشو اختفي و رجع بعدها ب 10 دقايق ووقف معاهم مسبتوش اللا لما صورت لوحات العربية بس تفتكروا نقدر نعمل حاجة!!!!!!!!!!!!!!