بى ام دبليو 318 حالة شاذة جدا ......مشاركات خارج الموضوع

**Karim_Monir** · 26-03-2010 09:26 PM

المشاركة الأصلية كتبت بواسطة mantoros

و بجد نفسي اوجه نظر ادارة المنتدي الي نقطة هامة جدا جدا و هو انه يجب ان يستطيع صاحب الاعلان حذف اي مشاركة هدامة او مضللة او حتي مش عاجباه طالما هو صاحب الموضوع و صاحب السيارة المعروضة....و لو امكانيات المنتدي العلمية ك-سوفت وير لا تسمح يبقي هذا ليس منتدي يرقي لدرجة احترام خصوصية اعضاءه و مصالحهم الشخصية

و الله الموفق للجميع

افرض واحد شتمك واهانك في موضوعه اللي يقدر يعدل فيه
ولما جيت ترد قام مسح الكلام ومعرفتش تاخد حقك
يبقى كدة المنتدى لا يرقى لدرجة احترام خصوصية اعضائة ومصالحهم؟؟؟
طبعا رايك خطأ
ده رايك لكن لم تمر بحجم المشاكل التى ستواجهنا حينما نفتح الباب ليحذف كا عضو ما يشاء
ولن تجد ذلك متاح في اي منتدى او موقع اخر
ولو وجدت يا ريت تخبرني بيه

**mantoros** · 26-03-2010 11:14 PM

المشاركة الأصلية كتبت بواسطة karim_monir

افرض واحد شتمك واهانك في موضوعه اللي يقدر يعدل فيه
ولما جيت ترد قام مسح الكلام ومعرفتش تاخد حقك
يبقى كدة المنتدى لا يرقى لدرجة احترام خصوصية اعضائة ومصالحهم؟؟؟
طبعا رايك خطأ
ده رايك لكن لم تمر بحجم المشاكل التى ستواجهنا حينما نفتح الباب ليحذف كا عضو ما يشاء
ولن تجد ذلك متاح في اي منتدى او موقع اخر
ولو وجدت يا ريت تخبرني بيه

أولا انا رأيي ليس خطأ علي الاطلاق يا سيدي الفاضل و هذا لو تكرمت بقرائته بتروي و تمعن اكثر !!!
انا رأيي هو من يعرض موضوع بيع لسيارته فقط هو من حقه ان يمحو اي رأي لا يعجبه و أكيد انا مثلا أو غيري لو عرضنا سياراتنا للبيع فليس من الداعي و ليس من مصلحتنا ان نشتم اي أحد ؟!!!! هذا لو كان الناس كلهم من الاصل محترمين و لا يقولوا اي شيء خارج او فيه غلط للسيارة او صاحبها دون وجه حق !!!!
و مثال يا سيدي هو facebook marketplace و هو مكان رائع و كل من فيه محترم و من حقك لو عارض اي شىء للبيع ان تمحو اي تعليق يمسك انت او ما تعرضه للسوء........
و لو حضرتك متابع جيد لما يحدث هنا سوف تجد مهازل تحدث عندما يعرض كل شخص اي شيء خاصة السيارات للبيع.......و كلام فارغ كتيييير يتقال و هجوم و سخرية و تطفيش للناس و شغل تجار من اردأ الانواع !!!!

و ربنا يهدي الجميع يا رب
و الله الموفق

ملحوظة: لما زمان كان اي واحد يعرض عربية او غيره كان الناس تقول له " ربنا يبارك" "ربنا يملاهالك بركة" "ربنا يحسن لك بيعها"
لكن هنا الناس بتقول "هو ده سعر برده" "حرام عليك" "انت غلبت التجار" " انا عاوز انصح الناس عشان عربيتك غالية" "انا شايف اختها بنصف ثمنها" .......و هكذا

و الله الهادي و الموق
و السلام عليكم

**Karim_Monir** · 27-03-2010 03:50 AM

دكتور شامل
بعد رد الاستاذ مومو مفيش كلام اقوله لانه قال كل اللي كان ممكن اقوله وباستفاضه
واي رد تحس انه فيه سخرية اعمل بيه تقرير مشاركة فورا
تحياتي وتمنياتي للجميع بالتوفيق

**mantoros** · 27-03-2010 02:32 PM

السلام عليكم
بالنسبة لرأي الاستاذ momo
اولا احترم اي رأي حتي لو مخالف لرأيي و لكن.....
عندما قلت زمان....لم أقصد المنتدي بل اقصد حال البلد و الدنيا كلها....و ما رأيته في صباي و ما رأيته في الاهل من اخلاق فاضلة و كلمات طاهرة و ردود افعال راقية للاسف لم أعد اراها كثيرا الايام دي في الحياة عامة...
و عندما تقول حضرتك الاعلانات المستفزة !!! كل واحد حر يطلب السعر اللي يعجبه و هو حر....و ليس المشترين سذج او أطفال كي يكون رأي صاحب الاعلان هو الحكم الوحيد....النهاردة في وسيط و سوق سيارات و انترنت و الف مليون حاجة تتعرف بيها اسعار الاشياء و متوسطها حسب الحالة و ليس كل شء يوضع في سلة واحدة..
فمثلا...انا عندما عرضت البي ام سيارتنا اول يد موديل 1997 كاملة اوتوماتيك في قسم البي ام ب 85 الف جنيه.....البعض قال (اللي بيفهم في البي ام) ما شاء الله و ياريت معانا نشتريها و دي متضعش و هكذا.......و لكن البعض الاخر و هو ليس قليل قال كتييير و دي اخرها 78 و كلام كتييير فارغ و هم يا اما تجار و البعض الاخر يمشي بسياسة السلة الواحدة....!!!!!
و هناك عربيات اقل بكثيييير من سيارتي و يطلب فيها اغلي بكثيييير جدا و تباع.
انا قصدي الوحشين لم يتركوا مجال للجيدين لعرض اشيائهم....و الهجوم و السخرية بدعوي حماية الاخرين زي ما حضرتك للاسف بتقول زيهم اصبح الشماعة اللي بتتعلق عليها الاغراض السيئة لكل ذو مصلحة في الابخاس بأشياء الناس

و ماشي يا استاذ كريم.....سوف أضع اعلاني و ارجووووك تابع بنفسك و علي الله انك تكون قادر تشرف بما يرضي الله

و الله الموفق

**Karim_Monir** · 27-03-2010 03:57 PM

كحلاوى ربنا يحسنلك بيعها ان شاء الله وتاخد فيها اللي يرضيك انت والمشتري ويقولك الله يباركلك في فلوسها ده احسن من اي شيئ

دكتور شامل احييك لحوارك الهادئ لكن لي تعقيب على نقطة واحدة فقط
انا لست بمشرف فالمنتدى به اكثر من 23 مشرف تقريبا ومشرف عام للمشرفين كلهم
لكني منسق عام لاداريات المنتدى فقط

**kahlawey** · 27-03-2010 09:08 PM

المشاركة الأصلية كتبت بواسطة momo100010

تروح وتيجي بالسلامة ان شاء الله يا باشا
وابقى طمننا لما تنور القاهرة تانى

الله يسلمك ياباشا

**Thebutcherr** · 30-03-2010 12:50 PM

كلمة واحدة هرد بيها على كل اتللى بتعملوه ده:
انا سعيد بجد ياجماعة انى عضو فى منتدى محترم زى دة
ناس راقية فى تعاملاتها و متعلمة و مثقفة و ببتقبل الراى الآخر و حتى لو حد حس انه حاد عن الاسوب اللى يليق بىه و بالمنتدى بيراجع نفسه

بس برده انا كنت كاتب رايى عن عربية دكتورشامل ان سعرها عالى و......
انا مش بختلف على حالتها بس احنا بنحاول نساعد بعض و نوعى بعض من غير ما يكون فى اى هدف غير المشاركة
و هو بجد البايع دائما خسران و دى حقيقةو مشكلة الدكتور انه قرر البيع بعد ما صرف على العربية ثمن سيارة 128 ,انا مش قصدى اى حاجة بس محدش بيلاقى اللى صرفه على عربيته و هى دى المشكلة
دا انت بتجيب عربية ب 80 الف مثلا و تركبلها زينون و dvd و شاشة و فرش بكاوتشه و اشى مسند و سنسور بارك كاميرا و موبايل كار كيت و غير صيانتها يعنى بتتكلم فى 8-10 الاف جنيه و تيجى تبيعها لو ثانى يوم يقولك الزبون قبل التاجر لا و الله الحاجات دى متلزمنيش شلهم لو حابب!!! دول انت مركبهم لمزاجك انا لا بتاع شاشة و لا كاسيت و صوت و الزينزن مخالفات و الجنط هيبهدل العفشة و الفرش انا اصلا هشيلوا عشان استمتع بفبريكتها لنفسى ....
طب انا كبايع اعمل اية لبيعهم فرط!!!
اجيب قفة و المهم فيها!!
و ده حصل معايا فى عربيتين و كل واحد يقوللك هزودك الف ولا اثنين قيمة الحاجة دى!!!
و اتعلمت فعلا من ساعتها ان البايع خسران.... يااااا ولدى
والله انا مبسوط بيكم أنتوا ناس محترمة
وشكرا