مشكلة الخوازيق اللى فى الطريق
السلام عليكم
انا قررت ابقى ايجابى و اوتكلم عن القرف و المعانه اللى بشوفها كل يوم يمكن يبقا ليها حل
كلنا بنسوق على طرق القاهره و برا القاهره وشايفين الخوازيق اللى فى كل حته , اقصد النقر اللى ولا هيا مطب و لا هيا طريق وعلشان كدا انا بسميها خوازيق , بجد انا اعتقد ان نسبة كبيره من الحوادث بتكون بسبب الخوازيق دى , تخيل واحد ماشى فى امان الله حتى على 60 مش هقول ميه وفجاه شاف نقره زى دى طبعا هيهدى او يفاديها وبعدين يلبس فى اللى وراه
بجد عايزين نشوف حل فى القرف دا , اللى يعرف حد من الناس الظراف بتوع راديو مصر ياريت يقولهم ينوه عن الزفت دا
انا مش شايف اى مانع من ان يكون فى مكتب شكاوى الطرق , يعنى اللى شايف حاجه غلط يقدر يبلغ على رقم تليفون ويتحركو يصلحوه , ايه المانع , هل معقول ان طرق تبقا تكلفه ملايين و مش بيتعملها صيانه و فى الأخر العربيات عماله تلبس فى بعض علشان فجاه لقى خزوق
تخيل ان خزوق منهم لقيته على مطلع الدائرى اللى طالع من طريق لسويس , سبحان الله و دا كان الخزوق الوحيد اللى اتصلح , اذاً فى امل , ياريت لو تعرف حد فى الأعلام يقدر يساعدنا يشوفو حل
انتم معايا ان الموضوع كبير ولا انا مكبره ؟