الموضوع: كمبروسر صغير للعربية !!

عاوز أشترى كمبروسر صغير للعربية من اللى بيشتغل على الولاعة وعلى البطارية
وياسلام بقى لو بيشتغل كهربا كمان !
ياريت ياجماعة اللى عنده يقولنا أشتراه بكام ومنين
أو أى حد يعرف بيتباع فين يقولنا على المكان
وله الأجر والثواب عند الله

هتلاقيه في كارفور و في شارع دمشق عند محل اسمه المدينة امام بنزية التعاون.

سعره ما بين 45 ب 85 و تقريبا كله زي بعض بس هتلاقي كشلف و حاجات كده.

عشان يكون سريع لازم ترفع العربية بالكوريك والا هيكون بطيء حبتين.

المشاركة الأصلية كتبت بواسطة hashem1999

انا سمعت انه فى التوفيقيه وصل 35جنيه
وفعلا لازم ترفع بالكوريك وانت بتستعمله
علشان يكون العمل به سهل

فاتني موضوع التوفيقية ده
واضح اني بقيت من شباب كارفور

ربنا يباركلكم ياشباب
بس ياريت لو حد جربه يقولنا أخباره أيه ؟
لأنى سمعت أنه مش عملى وبطئ جداً تقريباً 10 ق لنفخ العجلة الواحدة!
فكنت بسأل على واحد أقوى من اللى فى التوفيقية وعملى أكتر وأسرع
حتى لو أغلى حبتين مفيش مشكلة بس منين؟
أنا شفت اللى فى التوفيقية قبل كده وحسيت أنه مش عملى بالأضافة لرأى بعض الأصدقاء
ياريت لو حد يعرف واحد أحسن وجربه يقولنا عليه

متابع باهتمام بالغ
................*
محمود عينو

الموجود ده بستم واحد
انا اعرف واحد قال لى ان فيه 2 بستم هاشوف كده وارد عليكم

المشاركة الأصلية كتبت بواسطة razini89

انا اشتريت واحد بعد لف وعناء وبينفخ العجله فى دقيقه ونص من غير كوريك ولاحاجه وكمان العجله الاماميه بس كان ب200 جنيه من عند ابو الجوخ وهو شبه الكمبروسر العادى بس على صغير

أيوة هوة ده اللى بدور عليه !
ياريت صورة ليه وياترى صينى ولا بلده أيه ؟


والأخ / الشناوى برضه وياريت صورة والعنوان أيه بالظبط ؟
وعلى فكرة ياجماعة الكمبريسور ده مهم جداً ومش غالى ولا حاجة
وزى ما الأخوة قاللوا هاينفع فى حاجات كتييييييرة قوى زى الرحلات والكور وعجل العيال
بالأضافة أنى مش بحب أتعامل مع أى صنايعى ألا فى أضيق الحدود بتخنق وبكرهم جداً
جنب منى 3-4 بتوع كاوتش ولاد تييييييييييييييت
بيرموا مسامير قدام المحل ، وبيخبى مسامير فى أيده يخرملك بيه العجلة وأنت بتزود هواء ، ده غير المسامير اللى راميها فى البانيو من تحت ومش باينة من عكارة المياه ، تروحله بخرم واحد تتفاجئ بيقولك دى فيها خمسة يابيه !!
علشان كده مش عاوز أقرب ناحيتهم فى أى حاجة ألا الشديد القوى
وعلى فكرة لو فيه كمبريسور صغير بيشتغل بالكهرباء بالأضافة للبطارية يبقى تمام قوى ، أنا عندى جراج خاص ممكن أوصل الكهرباء منه