كمبروسر صغير للعربية !!

**ابوهاشم** · 05-04-2010 01:32 AM

320جنيه كتير بالنسبه للمطلوب منه
هو المفروض ان استخدامه مؤقت فى الازامات بس
لحين الوصول لبتاع كاوتش بدل مانغير الاستبن

**Elsayed** · 05-04-2010 09:12 AM

انا شايف انه من تويوتا بس هاتلاقيه صينى برده لانها هيه اللى بتنتج الحاجات دى بس هايكون جوده عاليه وانا شايف انه سعره معقول لانك ممكن تستخدمه فى حاجات كتير زى الرحلات والمصيف الى اخره
بس ممكن تقول لنا العنوان ايه بالضبط لتويوتا

**خالد** · 05-04-2010 10:40 AM

المشاركة الأصلية كتبت بواسطة razini89

انا اشتريت واحد بعد لف وعناء وبينفخ العجله فى دقيقه ونص من غير كوريك ولاحاجه وكمان العجله الاماميه بس كان ب200 جنيه من عند ابو الجوخ وهو شبه الكمبروسر العادى بس على صغير

أيوة هوة ده اللى بدور عليه !
ياريت صورة ليه وياترى صينى ولا بلده أيه ؟

والأخ / الشناوى برضه وياريت صورة والعنوان أيه بالظبط ؟
وعلى فكرة ياجماعة الكمبريسور ده مهم جداً ومش غالى ولا حاجة
وزى ما الأخوة قاللوا هاينفع فى حاجات كتييييييرة قوى زى الرحلات والكور وعجل العيال
بالأضافة أنى مش بحب أتعامل مع أى صنايعى ألا فى أضيق الحدود بتخنق وبكرهم جداً
جنب منى 3-4 بتوع كاوتش ولاد تييييييييييييييت
بيرموا مسامير قدام المحل ، وبيخبى مسامير فى أيده يخرملك بيه العجلة وأنت بتزود هواء ، ده غير المسامير اللى راميها فى البانيو من تحت ومش باينة من عكارة المياه ، تروحله بخرم واحد تتفاجئ بيقولك دى فيها خمسة يابيه !!
علشان كده مش عاوز أقرب ناحيتهم فى أى حاجة ألا الشديد القوى
وعلى فكرة لو فيه كمبريسور صغير بيشتغل بالكهرباء بالأضافة للبطارية يبقى تمام قوى ، أنا عندى جراج خاص ممكن أوصل الكهرباء منه

**م/مصطفى محمود** · 05-04-2010 12:05 PM

ياريت فعلا الصور يا شباب ، وهل ممكن يشتغل ك blower يعنى أنفخ بية تراب مثلا ولا لأ (وياسلام لو حد يجيبلنا المواصفات نفسها اللى بتبقى على الكمبريسور نفسة)