اهلا شباب كيفكم !!

الموضوع باين من عنوانه وحبيت احط الموضوع دا بالاخص علشان اعرف هل فيه حد هنا متعقد زى منا متعقد من سواقة الستات ولا انا اللى حاسس بكدا بس

انا ملاحظ ان 100% من الستات اللى بتسوق من وجهة نظرى وحد درايتى انهم على أدهم فى السواقه بشكل عجيب مش عارف دا صراحه قلة عقل ولا هيه الستات اللى كدا

ليا مواقف كتير معاهم وخصوصا فى مصر الجديده طبعا للى ميعرفش مصر الجديده .. تقريبا 50% من اللى سايقين العربيات ستات أو اكتر وبالمناسبه 95% من المحلات برضه للستات ان كانت ملابس او احزيه او غيره .. انا مسميها بلد الحريم :)

المهم ماعلينا كل الحكايه ان فعلا اتعقدت وطول منا ماشى حاطط عنيا فى افايا علشان اعرف اركز وابعد عنهم
حتا والعربيه راكنه بتتحك وتتخربش وارجع الاقى السايس يقلى واحده حكتلك النحيه دى وبتعتذر وواحده تانيه كسرتلك المرايه دى وبتعتز.. صراحه كتر خيرهم انهم اعتزروا ومشوا ولبسونى فى 150 جنيه تمن مرايا جديده وحكات العربيه .. كله بيعتذر ويمشى

طبعا والسايس زى قلته ولا هوه هنا ازاى يقدر يتكلم معاهم !!!! وصراحه السايس قدر ظروفى ومخدش الجنيه اللى بياخده مساعدة منه فى اللى حصل ههههههه ... الحمد لله انها بتيجى فى حجات خفيفه كدا.

غير وانته ماشى وتلاقى اللى جايه تكسر عليك بشكل عجيب كأنك مش محسوب انك ماشى فى الشارع

المواقف كتيرجدا واخرهم
موقف حصل فى اشارة الخليفه المأمون اللى بعد اشارة روكسى نظام 4 اتجاهات الكل وقف علشان اشارتنا تعدى وفجاه لقينا واحده طلعت من وصتهم زى سوبر مان بالظبط وداخله الطريق فى وشنا وللاسف حظى الجميل معاهم دايما انى كنت فى الصف الاول فى الاشاره كل الصف الاول فرمل جامد جدا ومنهم اخوكم وهيه فرملت جامد وعسكرى المرور وقفها ويقلها انتى رايحه فين تقوله دى اشارتى دول ايه اللى مطلعهم ... ودا كان الهم اللى يضحك مش عارف ازاى قالت الكلام دا وهيه لوحدها اللى شارده من وسط العربيات

المهم العكسرى ادالها كلمتين فى عضمها ووقفها برضه معدهاش وكملنا المسيره

وحمدت ربنا ان الموضوع عدى على خير ومدخلتش فيا

ولو فضلت احكى على باقى المواقف الصفحه دى مش هتنتهى من الكلام كفايه كدا

ياترى حد هنا عاش المعاناه مع سواقة الستات ؟