سواقه الستات(الحريم) هل كان لك تجربه معاهم !!!

**medo2o1o** · 04-04-2010 06:57 PM

بص بقا يقول التاريخ ما شاء انا عندى سواقة الستات اسوء الاشياء

ملحوظة كلمة حريم بتستفزنى وقعها على الودان مش حلو

**Ahmed.Fahmy** · 04-04-2010 07:08 PM

انا بقى اللى علم عليا 2 ستات،
واحده كنت راكن بالعرض وسايب العربيع مموره بس هى زقتها باكصدام الشيروكى فى الباب بتاعى بالعرض وطبعا نزلت لقيت الازاز ما بينزلش اساسا والباب فى التوكيل ب3000 جنيه وهى جارتى وست كبيره قولتلها يا طنط قالتلى ولا شفتها، مش انا.

التانيه بقى كانت تويوتا كورولا كان فى وقفة العيد الكبير وفى تقاطع ال4 اتجاهات واقفين وفجأه واحده راحت جايبه اول وطااااااااااااخ فى الرفرف اليمين المهم بقوللها فيه ايه دا الشارع واقف من 15 دقيقه والعربيات مبطله، قالتلى سورى.

**yoko** · 04-04-2010 07:26 PM

المعظم مبيعرفوش يسوقوا لكن أعرف كذا واحده قلبهم جامد وممكن كمان يكلوا مني غرز وبيشدوا معايا في صلاح سالم لحد ال١٦٠ !!!!

**AmatoALLAH** · 04-04-2010 07:38 PM

المشاركة الأصلية كتبت بواسطة zoro007

أنا عارف ان البنات هنا هتاخد الموضوع بحساسيه بس انا مش اقصد بموضوعى والله ان الست وحشه ولا حاجه وانا عارف ان الست هيه الام والاخت والزوجه وووو زى محضرتك قولتى لكن انا بتكلم فى موضوع السواقه وفعلا دى حقيقه مش بفترى

وفعلا مصر الجديده اكتر مكان فى مصر فيه ستات بتركب عربيات انا اعدت فتره كبيره سنه تقريبا فى المهندسين العدد كان اقل بكتير من مصر الجديده وروحت اماكن كتير فى مصر برضه مكنش العدد زى مصر الجديده اطلاقا
وانا قاعد فى روكسى فى مصر الجديده لذلك متأكد من اللى بقوله كويس :)
لو روحتى مصر الجديده هتلاقى محلات الستات مستحوزه على كل حاجه وقليل جدا المحلات الخاصه بالرجال

مش موضوع حساسيه والله

بس انا لاحظت هنا ان اغلب الاعضاء بيتكلموا عن الستات بدونيه شويه و ان كل الكوارث وراها الستات

طيب مادام انت في روكسي يبقي اكيد هتقابلك ستات كتير لان المنطقة تجاريه و كلها محلات لبع مستلزمات النساء

يعني يمكن مافيش الا كام محل رجالي لكن 99 % محلات نسائي

انا ساكنه في هيلوبولس و الموضوع عادي جدا , دا في شارعنا انا و كام واحده بس الي بنسوق في شارع طويل عريض :)

علي فكره انا لسه مخبوطه من بنت في مدينة نصر كنت ماشيه علي التاني لان الطريق كان زاحمه و في شارع محمد حسنين هيكل التقاطع اللي عند عطارة حسن يوسف و بعد ما عديته لقيتلك بنت بعربيتها خبطت في الجنب اليمين اللي وراخبطه محترمه

يعني طريقي و ماشيه علي التاني و خلاص تقريبا عديت التقاطع و لما نزلت اشوف العربيه لقيتها بتقولي اسفه العربيه نطت مني مش عارفه ازاي:) ضحكت من كلامها و صعبت عليا لانها كانت خايفه و عارفه اناه غلطانه و قالتلي انا هصلحها لكي انا غلطانه و سيبتها و مشيت

يعني انا كمان اتقرصت من سواقة بعض السيدات

شوف انا لما بلاقي مثلا راجل عجوز و كبير و ماشي علي مهله بستناه و بحترمه لان في يوم من الايام هكون في موقفه و هحتاج ان حد يستحملني

انتم بردوا لازم تعتبروا الستات اللي بيسوقوا في مكان اخواتكم و تستحملوهم الا طبعا في ستات صعب و بتكون عايز تنزل تخنقها:)

و علي فكره يا جماعه موضوع سواقة السيدات بقي من الضروريات يعني مش رفاهيه خالص و الي مش مصدق يروح يجرب يركب مواصلات و يشوف الستات بتتبهدل ازاي

الحمد لله انا اول ما دخلت الجامعه حاولت اركب مواصلات و رجعت لهم في البيت بعيط و من يومها يا اما تاكسي بالرغم ان بردوا مش ظريف و بركبه للظروف الطارئه فقط او اني اسوق لحد ما اتخرجت و اشتغلت و بقي ليا بيت

**د.محمود صلاح** · 05-04-2010 07:40 AM

اعرف سيدات قمة في اجادة قيادة السيارات

**abo_lamar** · 05-04-2010 07:49 AM

الموضوع كله عايز قلب جامد وانت عارف طبعا البنات قلبها حنين

**abo_lamar** · 05-04-2010 07:55 AM

المشاركة الأصلية كتبت بواسطة zoro007

اهلا شباب كيفكم !!
مش عارف دا صراحه قلة عقل ولا هيه الستات اللى كدا

ليا مواقف كتير معاهم وخصوصا فى مصر الجديده طبعا للى ميعرفش مصر الجديده .. تقريبا 50% من اللى سايقين العربيات ستات أو اكتر وبالمناسبه 95% من المحلات برضه للستات ان كانت ملابس او احزيه او غيره .. انا مسميها بلد الحريم :)

انا واخد عليك نقطتين ... ماتقولش عليهم قلة عقل لان الستات دي هي امي وامك واختي واختك ومراتي ومراتك .

الحاجة التانية ايه حكاية ان مصر الجديدة دي بلد الحريم مش عيب يا ريس الكلام ده وعلى رأي سهير البابلي ( الملافظ سعد يا عبعال )

-

-

الموضوع: سواقه الستات(الحريم) هل كان لك تجربه معاهم !!!

LinkBack

أدوات الموضوع

عرض

-

-

المواضيع المتشابهه

هي الحريم فعلا عندها مشكلة في سرعة رد الفعل؟

مايميز سواقه البنات عن سواقه الرجاله

اعلان شركة تامين بتامن عربيات الستات بس (بصراحة معاهم حق )

كله يهون عند الحريم الا دى

الكلمات الدلالية لهذا الموضوع

المفضلات

المفضلات

ضوابط المشاركة