شوف ياحموبالمناسبة إيه رأيك في موضوع كتاوت فصل الدائرة ده ؟
اللى أنا عارفه على قد معلوماتى المتواضعه
كتاوت الدينامو ده ..........ده مجرد أسم دارج لدى الصنايعيه
وعلميا أسمه AVR or automatic voltage regulator
وهو عباره عن دايره الكترونيه ( معقده الى حد ما )
ومن وظائفه فى دايرة الشحن المغلقه
فى البدايه يكون سلوكه كالآتى
1- يأخذ فولت كهربى كتغذيه من البطاريه عبر طرف كهربى يسمى f غالبا أختصارا من كلمة تغذيه أو field
لكى يستطيع الدينامو من توليد تيار الشحن الازم لتعويض فقد البطاريه الذى أستهلك وقت الدواره
ويطلق على فترة البدايه حتى الوصول لخرج مناسب للدينامو ( فترة بناء الجهد )
وتستمر هذه الفتره لمده زمنيه قليله للغايه ( تكاد لاتذكر )
2- بعد أن يصبح الدينامو هو سبع البرومبه ولا يعتمد على أى تغذيه كهربيه من البطاريه
يروح قايل لها ( هى والأحمال البدائيه )
وسعولى ................
ويعتمد على نفسه فى التغذيه والخرج من خلال قنطرة الموحدات ( مجموعة السيلكونات بلغة السوق )
______________________________
طيب ...........الدينامو بتاعنا بأه شايل الليليه والبطاريه عملت بأصلها
بس ياعينى بأت هلكانه وضعيفه وعاوزه اللى أتاخد منها
____________________________
الدينامو بأه يغذيها تمام ويغذى الأحمال الكهربيه المطلوبه برضه ( دورة أشعال - كلاكس - تكييف - ووووووووووووووو)
بعد مالبطاريه تأخد حقها
بيروح خط الأتصال بين الدينامو والبطاريه مقطوع
_____________________________
هى أخذت اللى أتاخد منها ( علشان تبأه جاهزه لمرحلة التقويم اللى جايه )
وهو بيشيل بس الأحمال المطلوبه من السياره
________________________
تقدر تقول كده
بعد مالبطاريه بتاخد اللى أتاخد منها
بتروح قافله على نفسها بالضبه والمفتاح
وبأت بره اللعبه
_____________________________
عملية اللتسيق بين التحكم فى خط الأتصال بين البطاريه والدينامو
مسئولية ال AVR أيضا
اللى بتقول عليه الكتاوت
___________________________
ده ببساطه اللى أنا أعرفه بالبلدى عن القصه البسيطه دى
حبييت بأه تستعمل باور سبلاى أو تونجر شحن
لازم تبقى واقف على أيدين الجهاز المستخدم
وأنت اللى تفصل عملية الشحن بنفسك بعد الوقت المقنن المحسوب لعدم تلف البطاريه وسخونتها مع الأمبير الزائد
اللى نازل عليها زى الطوفان
والا البطاريه حتروح فى خبر كان
______________________________
يعنى أنت حتبقى AVR ياحمو
المفضلات