العربية بتبطل بمجرد ما أشيل رجلي من على البنزين....مشكلة ظهرت فجأة

سلام الله عليكم

كنت ماشي عادي بسرعة حوالي 100 أو 80 وبعدين هديت عشان الطريق كان واقف شوية
فلما هديت مش عارف ايه اللي حصل تقريبا حصل خطأ في تسقيط الغيار تبعا للسرعة التي أسير بها
تقريبا هو ده اللي حصل وبعدها لما أهدي علشان مطب أو حاجة الrpm ينزل خالص والعربية تبطل

وعلشان العربية تفضل دايرة لازم rpm يكون على 2000 مع إنه كان زي الفل

فايه اللي حصل للعربية وهل دا له علاقة بالغيار الخطأ
أم أنه إنسداد لبيك السلانسية ورواسب في الكربراتير

بانتظاركم على أحر من الجمر لأني مش عارف أمشي بالعربية

وجزاكم الله كل خير

أخى الفاضل اللى حصلك حصلى قبل كدة وحله ان جنباك تنظف فلتر البنزين أو تغيرة وتبطل العربية وتشيل السللك الثانى والقالق بتوع البيجوهات من المكانة وتبدلهم مكان بعض وتدور وتفضل تزود 3-4 مرات وتبطل وترجعهم زى مكانوا هتلاقى الدنيا زى الفل الكلام دة عن ظريق الممارسة وشرح الميكانيكى ودة سببة رواسب البنزين يارب اكون قدرت افيدك تقبل تحياتى

جزاك الله كل الخير أخي الفاضل ربنا يباركلك بإذن الله هجرب وسأخبرك بالنتيجة

ايه مواصفات العربية

غير القلتر اذا عملت نفس الحركه نضف الكاربيراتير وظبطه

شكرا لكم
والسيارة من نوع داتشيا 97

انا معرفش العربية دى كاربرتير وللا حقن الكترونى لكن لو كاربراتير يبقى نضف بيك السلانسيه، لو حقن الكترونى يبقى نضف بلف الأيدل ولو استمرت المشكلة بعد كدة اكشف على البلف عند متخصص

thnx for this topic

انت عايز متخصص كربراتير يظبطلت الموضوع ده
كان بيحصل معايا في البرايد مع البنزين 80

حركة تبديل البوجيهات دية غلط جدا على الماتور

اقتباس:

---

المشاركة الأصلية كتبت بواسطة semsem kane

حركة تبديل البوجيهات دية غلط جدا على الماتور

---

بص اكتر حاجة بكرهها
هو شغل الفهلوة في العربيات لانه ممكن يودي في داهية

في عربيتي القديمة بسبب حركة فهلوة من واحد صاحبي كلقتني 150 ج عند الكهربائي

:I_angr1[1]:

اقتباس:

---

المشاركة الأصلية كتبت بواسطة أبو صلاح

بص اكتر حاجة بكرهها
هو شغل الفهلوة في العربيات لانه ممكن يودي في داهية

في عربيتي القديمة بسبب حركة فهلوة من واحد صاحبي كلقتني 150 ج عند الكهربائي

:i_angr1[1]:

---

المشكلة ياباشا انهم بيقعوا تحت ميكانيكية او كما يقال عليهم وبيكونوا ضحية للناس دية
لانهم بيستسهلوا بدل مايفك الكربراتير وينظفة يروح قالبلك سلك يعملك قوة اندفاع كهربى شديدة تخرجلك الشوائب وتدمرلك الماتور لانها ممكن تكسر عمود كرنك

ما تجرب تشيك علي وصلات البطاريه كده يباشا

الموضوع الحمد لله اتحل بعد تنظيف الكربراتير وبيك السلانسيه
منه لله بنزين 80 ده والله أنا بقيت أحط 90 رغم أن العربية أخرها80
بس أعمل تيه قرفت كل شوية تنظيف كربراتير وبيك وشغلانة توجع الراس

يلا الله المستعان
ألف شكر لردودكم يا جماعة وعلى كدة أنا مش هفكر أعمل حركة تبديل سلوك البوجيهات دي بس ممكن توضحولنا ايه الخطر اللي ممكن يحصل؟

اقتباس:

---

المشاركة الأصلية كتبت بواسطة الصيداح

الموضوع الحمد لله اتحل بعد تنظيف الكربراتير وبيك السلانسيه
منه لله بنزين 80 ده والله أنا بقيت أحط 90 رغم أن العربية أخرها80
بس أعمل تيه قرفت كل شوية تنظيف كربراتير وبيك وشغلانة توجع الراس

يلا الله المستعان
ألف شكر لردودكم يا جماعة وعلى كدة أنا مش هفكر أعمل حركة تبديل سلوك البوجيهات دي بس ممكن توضحولنا ايه الخطر اللي ممكن يحصل؟

---

يعني كلامي مظبوط
انا مبسوط جداااااااااااااااا
بس على فكرة اللي بيعملك الموضوع ده صح مش الميكانيكي ده متخصص كربراتيرات وبيكون عنده جهاز كمبيوتر للفياس علشان يعرف يحلل العادم ومعدل الاهلاك

والحل في البنزين ال80 في وجهة نظري تظبط نفسك كل 3 شهور زيارة لتنظيف الكربراتير
هتكلفك 100 ج تقريبا
هتوفر معاك جامد جداااااااااااااا

اقتباس:

---

المشاركة الأصلية كتبت بواسطة الصيداح

سلام الله عليكم

كنت ماشي عادي بسرعة حوالي 100 أو 80 وبعدين هديت عشان الطريق كان واقف شوية
فلما هديت مش عارف ايه اللي حصل تقريبا حصل خطأ في تسقيط الغيار تبعا للسرعة التي أسير بها
تقريبا هو ده اللي حصل وبعدها لما أهدي علشان مطب أو حاجة الrpm ينزل خالص والعربية تبطل

وعلشان العربية تفضل دايرة لازم rpm يكون على 2000 مع إنه كان زي الفل

فايه اللي حصل للعربية وهل دا له علاقة بالغيار الخطأ
أم أنه إنسداد لبيك السلانسية ورواسب في الكربراتير

بانتظاركم على أحر من الجمر لأني مش عارف أمشي بالعربية

وجزاكم الله كل خير

---

سبحان الله زي ما تكون بتشرح مشكلتي...أنا مش عارف حلها إيه أنا معايا نوبيرا2 2001 ...قولي أعمل إيه عشان أرتاح وإلا هرميها من عالكوبري

اقتباس:

---

المشاركة الأصلية كتبت بواسطة elayat

سبحان الله زي ما تكون بتشرح مشكلتي...أنا مش عارف حلها إيه أنا معايا نوبيرا2 2001 ...قولي أعمل إيه عشان أرتاح وإلا هرميها من عالكوبري

---

فقط تنظيف الكربراتير
وتنظيف بيك السلانسيه

اقتباس:

---

المشاركة الأصلية كتبت بواسطة الصيداح

فقط تنظيف الكربراتير
وتنظيف بيك السلانسيه

---

شكرا ياباشا والله المستعان

بص حضرتك
أنا المشكلة دى حصلت معايا فجأة بعد ما عملت شغل فى العربية حاجة اسمها تغيير البلوف أو الكستبان
ما علينا
الحكاية دى ظهرت فجأة برده
وتخنق جدا
المهم
غيرت البوجيهات وسلك كان بايظ بيوصل للبوجيه
الحمد لله اتحلت
مع انى كنت متخيل انه بسبب الشغل الاولانى في العربية
ربنا يوفقك
مع العلم ان العربية لانوس

اقتباس:

---

المشاركة الأصلية كتبت بواسطة الصيداح

فقط تنظيف الكربراتير
وتنظيف بيك السلانسيه

---

الحمد لله يا رجالة روحت لميكانيكي محترم هو مهندس وفاتح مركز صيانة على قده كده إسمه المهندس وائل من سوهاج....كشف بالكمبيوتر بس سمع حاجه غريب فى الموتور قال لصنايعي عنده فك سير التقسيمة فك السير وعمل حجات أنا مش فاهمها فى سير التقسيمة وقالي هات حوافظ جبتها وركبها وركب سير التقسيمة وقفل الفيبر بتاع الموتور وركب سير الكاتينة وقالي إتكل على الله أخدتها ومشيت والعربية فل الفل الحمد لله بطلت تفصل والحمد لله
وشكراً لكل من ساهم وإهتم بيا ولو بكلمة..بجد إنتم أخوة

انا لسه حاصل معايا موضوع التبيطل دى

وكان السبب بيك السلاسنيه ونضفته ورجعت معايا كويسه بس ليه ؟ بيتسد او بيحتاج لتنضيف مش عارف هو مش فيه فلتر بنزين للعربيه ولا دى مش شوائب

اقتباس:

---

المشاركة الأصلية كتبت بواسطة mahamedaraby

انا لسه حاصل معايا موضوع التبيطل دى

وكان السبب بيك السلاسنيه ونضفته ورجعت معايا كويسه بس ليه ؟ بيتسد او بيحتاج لتنضيف مش عارف هو مش فيه فلتر بنزين للعربيه ولا دى مش شوائب

---

جودة الفلاتر بتاعت الـ 128 مش عالية و مع الزمن بيكون فيه رواسب شبه الرمل في التنك نتيجة البنزين و الصداء و الموضيع ديه عادية
الاخ صاحب الموضوع الـ 80 مش هو سبب المشكلة السبب ان تانك البنزينة الي بتمون منها مش نظيف و لو عاوز ترجع للـ 80 ممكن بس تبقي تغير الفلتر كل شهر مثلا و ده مش مكلف مقارنتا بفارق السعر بين 80 و 90 و لو عاوز اداء من العربية افضل يبقي تعلي الموتور من هواء الكاربراتير و تظبط كهرباء و العربية مفيهاش غير 80 و هاتمشي كويس

اقتباس:

---

المشاركة الأصلية كتبت بواسطة ayabooy

جودة الفلاتر بتاعت الـ 128 مش عالية و مع الزمن بيكون فيه رواسب شبه الرمل في التنك نتيجة البنزين و الصداء و الموضيع ديه عادية
الاخ صاحب الموضوع الـ 80 مش هو سبب المشكلة السبب ان تانك البنزينة الي بتمون منها مش نظيف و لو عاوز ترجع للـ 80 ممكن بس تبقي تغير الفلتر كل شهر مثلا و ده مش مكلف مقارنتا بفارق السعر بين 80 و 90 و لو عاوز اداء من العربية افضل يبقي تعلي الموتور من هواء الكاربراتير و تظبط كهرباء و العربية مفيهاش غير 80 و هاتمشي كويس

---

أعجبني الرد لكن بصراحة إلى الأن بعد ما غيرت للتسعين منذ 3 أسابيع والعربية تمام مبطلتش ولا مرة وكنت مجرب ال80 ده من أكثر من بنزينة لكن للأسف كان كل يومين لازم أنظف البيك والكربراتير
على العموم أنا قلت أغير على سبيل التجربة فقط لا غير ولم أتخذ قرارا بعد بالإستمرار على ال90 لأنه بصراحة غالي

جزاك الله كل خير أخي الغالي ولي استفسار
ممكن توضحلي أكثر هذه الجملة علشان عايز أفهمها كويس
لو عاوز اداء من العربية افضل يبقي تعلي الموتور من هواء الكاربراتير