الموضوع: إستشاره من أصحاب الخبره فى التشطيب والديكور....

المشاركة الأصلية كتبت بواسطة abd_el_7amid

السلام عليكم
بص يا باشا انا لما جيت شطبت الشقة جبت كله على حده ... بس بصراحة بتاع المحار و النقاشة ماكنوش كويسين اوى بس الباقى كويس جدا...
فلو عندك طول بال على الصنايعية على شرط يكونوا كويسين هات ....
ولو تعرف مقاول بيخلص ... بس يكون فى معلومك بيطلعلوا بمبلغ محترم فى تخليص الشقة.. هاته
وفى الاخر شوف انت هترسى على ايه ... واحنا ان شاء الله معاك

كلام حضرتك سليم بس فى ملحوظه هنا...

المقاول بيطلع بمبلغ كويس إزاى؟

حضرتك بتحاسب الصنايعى بالمتر او المقاوله مثلا...

لكن هوه بيحاسبك كده وبيحاسب الصنايعى باليوميه....

ولو حضرتك هتجيب مثلا نقاش وطلب منك مثلا مقاوله 2000 جنيه فى الشقه المقاول هيطلب نفس المبلغ ويحاسبه بيوميه ولتكن 100 جنيه فى اليوم على انه هيخلص فى 10 ايام مثلا يبقى أخد 1000 والمقاول أخد 1000

مع ملاحظه ان المقاول مش هيبقى قلبه عليك والصنايعى عايز يقلب لكن ..المقاول هيبقى رقيب على الصنايعى الى حد ما......

كلامى صح ولا تخاريف ربيع؟