ننظفها عن طريق wd40 ولا ازاى
عرض للطباعة
ننظفها عن طريق wd40 ولا ازاى
كانوا زمان بيحرقوا البوجيهات الشغاله فى الأفران
أو بأستخدام لمبة القطعيه (على خفيف )
وكانت بتجيب نتيجه مش بطاله الى حد ما
وكل اللى كان بيحصل من الوجهه الهندسيه
1- حرق الهباب المتكون على العازل الخزفى والأقطاب ( سالب وموجب )
وبالتالى رفع كفاءة قفز الفولت الكهربى من الألكترود الموجب الى السالب
لتوليد الشراره الازمه لحرق خليط الهواء والبنزين
2- رفع الجوده الحراريه للبوجيهات قليلا
وأزالة الرطوبه منها من خلال عملية التحميص بأستخدام اللهب
بس كل ده مسكنات
وليه آثار سلبيه على جيب مالك السياره ( دون أن يدرى )
تقدر تقول السكينه سارقاه وبيخسر وهو مش عارف
وبوجهة نظر هندسيه
فأن كل قطعة غيار فى أى منظومه هندسيه مثل السياره
ليها عمر أفتراضى معين
ويجب تغييرها بأخرى جديده ( لما يجىء عليها الدور فى التغيير )
للحصول على آداء أمثل من دورة حريق المحرك
دا غير أن طقم البوجيهات تمنه أساسا بسيط
ولكنه مهم للغايه فى دورة الحريق
واللى ممكن الواحد يصرفه فى طقم بوجيهات جديد
حيوفر معاه فلوس كتييييييير بطريقه غير مباشره
ولا يجب أن نعطي ( تحميص البوجيهات ) هذا الأهتمام الكبير و أختراع بدائل
مثل عملية حرق البوجيهات
والتى ليس لها أى أساسى من خلال وجة نظر المنظور العلمى
ولم يوصى صانع محرك (مهما كان طراز المحرك )
بطريقة التحميص المذكوره
وأنما هى أختراع مصرى ....من ضمن الأختراعات المعروفه تجاه توفير بدائل لحقائق معروفه هندسيا
الله يفتح عليك يا باشمهندس سمير :S_thum1[1]:
كل يوم بتعلمنا جديد يا بشمهندس سمير الله يفتح عليك
شكرا جزيلا
لأخوتى الأعزاء الى قلبى
محمد وياسر
مش مهم التحميص
المهم تنضف القطبين السالب والموجب بقطعة سنفره خشنه
وتظبط الخلوص بين الاقطاب
لو لانوس يبقى الخلوص 7 مم
لو نوبيرا يبقى الخلوص 9 مم
وادعيلى
لا النوبيرا على الأقل 1مم
بس الانوس فماشى الحال
وبعدين دا كده حتبقى مفتوحه على البحرى أوى ياعصام باشااقتباس:
لو لانوس يبقى الخلوص 7 مم
لو نوبيرا يبقى الخلوص 9 مم
ومفيش أى شراره حتطلع والمكنه مش حتشتغل من أساسه
وأعتقد أنك تقصد بهذه الأرقام
أجزاء من المليميتر
ولكن خانك التعبير
طب بوجية اللادا نخلية كام من المللى 0. كام
حسب تصميم المكنه
بس لو مش عندك كتالوج بيقول النسبه كام من المللى
يبقى خليه على أبوه
غالبا بيبقى جديد على 1 مم تقريبا
الله ينور عليك يابشمهندس .
اولااقتباس:
وبعدين دا كده حتبقى مفتوحه على البحرى أوى ياعصام باشا
ومفيش أى شراره حتطلع والمكنه مش حتشتغل من أساسه
وأعتقد أنك تقصد بهذه الأرقام
أجزاء من المليميتر
ولكن خانك التعبير
سلامى للباشمهندس سمير
ثانيا
مش معقول يكون قصدى 7 مم مفيش بوجيه كده اصلا انا قصدى 0.7 مم ولاكن فعلا اخطأت فى الكتابه بس اكيد المعنى مفهوم
بالنسبه لللانوس الكتالوج بيقول من 0.7 الى 0.8 مم ولما بيكون فى ضعف فى الموبينه او الاسلاك توصيلها ردىء بنقفل البوجيه ونخليه 0.7 مم علشان نقرب الاقطاب من بعضها ونسهل حدوث الشراره بالرغم من ضعف التوصيل
ونفس الفكره بالنسبه للنوبيرا
وبغض النظر عن الغلطه المطبعيه الغير مقصوده فالفكره متجربه وتنفع كحل مؤقت لو البوجيهات ضعيفه او قديمه لاننا وبكل بساطه بنضف قطبين حدوث الشراره من الاوساخ الكربونيه التى تعمل كعازل ومن الاكسده التى تحدث للقطبين مع طول فترة التشغيل
ومستنى رأيك فى الجانب العلمى العملى فى الموضوع
واكرر
بغض النظر عن الاخطاء المطبعيه الغير مقصوده
ولك تحياتى
أشكرك أخى الفاضلاقتباس:
ومستنى رأيك فى الجانب العلمى العملى فى الموضوع
واكرر
الأستاذ / عصام
وأنا بالطبع عارف أن موضوع تحديد الثغره
مجرد غلطه مطبعيه
وعارف كويس أوى
مستواك الأكثر من رائع فى التعامل مع السياره بوجه عام
وبالنسبه لموضوع نظافة البوجيهات
فعلا ده ممكن يتم زى ما أنت بتقول
فى المرحله النصف عمريه ( من عمر البوجيه)
وبالذات من حيث نظافة الأقطاب ( بصنفره ناعمه على خفيف لأزالة الكربون ) وغسيل بالبنزين على خفيف والتجفيف
وضبط الثغره للداخل قليلا ( لأن أوتوماتيك الثغره ممكن تتسع مع عمل البوجيه داخل المحرك )
نتيجة حريق بسيط بيحدث للأقطاب من الداخل
وده بالفعل أنا لسه عامله فى النوبيرا ومظبط الثغره ووجدت فرق كبير ( سحب وأستهلاك بنزين )
بس أما يجيىء معاد تغييرهم
يبقى نتوكل على الله ونغيرهم
____________________________
وفعلا فيه ناس كتير بتقعد تحرق فى البوجيهات وتهريهم فى الأفران بصفه دوريه
كأنهم بيشوا ذره أو بطاطا
الله يخليك ياهندسه
وعاوزين مجموع كبير
إن شاء الله
الشكر ليك انت يا قائداقتباس:
أشكرك أخى الفاضل
الأستاذ / عصام
بالنسبه لموضوع الشوى ده موضوع فاشل جملةٌ وتفصيلااقتباس:
وفعلا فيه ناس كتير بتقعد تحرق فى البوجيهات وتهريهم فى الأفران بصفه دوريه
كأنهم بيشوا ذره أو بطاطا
على فكره
انا بعد ما كتبت الرد اللى فات نزلت عملت الموضوع عندى فى العربيه
تنضيف البوجيهات وسنفرتها مع تنضيف المانفولد والايدل كنترول والبوابه وتركيب فلتر بنزين وفلتر هواء جداد وعمل الايدل ليرن
يعنى تقدر تقول حملة نضافه
بس النتيجه بقى مقولكش
نعومه وسحب وصوت هادى
شكرا لصاحب الموضوع انو فكرنى بالتنضيفه دى
نعم صدقتاقتباس:
بالنسبه لموضوع الشوى ده موضوع فاشل جملةٌ وتفصيلا
فالشوى ليه ناسه
البطاطا والذره والفول السودانى وهكذا
هههههههههههههههههه شويه كشري و شويه بط و دخلنا علي البقصومات اهه هههههههههههههههههاقتباس:
ولم يوصى صانع محرك (مهما كان طراز المحرك )
بطريقة التحميص المذكوره
طيب ياجماعة ثغرة البوجية الثنائي بتتبع نفس القاعدة يعني للنوبيرا 1 مم برضة لأني حاسس ان الثغرة في الثنائي اقل في حين في الفردي بيبقي أصلا مظبوط علي 1.1 مم
الافضل من الثنائى والثلاثى والرباعى الشمعات
البوجيه الموجود فى الكتالوج
صدقنى افضل كتير وعن تجربه
طب يا باش مهندس أنا عاوز أعرف .. هل ممكن أنا أقلل مقاس الخلوص لـ 0.7 مم وللا لازم ميكانيكي ؟
طب أعملها إزاي ؟
الاجانب بيحرقوا ويصنفروا البوجيهات ويفضلوا يستخدموها لغاية لما يطلع عينها
بس هما مش بيحرقوا في الفرن
الحرق بيكون بلهب اللحام لمده حوالي خمس دقائق
شوف الفيديو
YouTube - how to clean a spark plug the right way
على فكره أنا مشوفتش الفيديو كاملااقتباس:
الاجانب بيحرقوا ويصنفروا البوجيهات ويفضلوا يستخدموها لغاية لما يطلع عينها
ولى عندك شوية أسئله
1- هل الأجانب دول بشر ولا ملائكه
وفين دور عقلنا
2- هل أنت شوفت كتالوج أى سياره قالك الطريقه اللى فى الفيديو ....وقالك متغيرش البوجيهات ولكن أقعد أهرى فيها بالحرق
3- وهل اللى عامل الكتالوجات ووصى بميعاد تغيير البوجيهات
مش أجانب برضه
ولا دول ............أجانب عن دول
4- وليه البوجيهات بتتباع فى السوق
وخط أنتاجها فى المصانع المتخصصه
مستمر إلا ماشاء الله
_____________________________
عاوز أقولك
لازم نشغل عقلنا ونشوف غيرنا بيعمل أيه وبيفكر أزاى
_____________________________
ودائما عود نفسك
أسمع للجميع ( أجانب ومحلى )
ونقى الصح من الكلام
الذى تراه مناسبا ومنطقيا
السلام عليكم ازيك ياباشمهندس سمير...
موضوع حرق البوجيهات مجرد مسكن وبترجع البوجيهات تهبب تاني انما الحق بعد الحرق بلهب الاستلين بتشتغل تمام قوي كانها زيرو وبعدها بفتره ترجع تتلف فالتغيير ضروره طبعا .تحياتي لصاحب الموضوع والجميع .
شكرا على سؤالك أولا يافادى باشا
سؤال بأهاقتباس:
موضوع حرق البوجيهات مجرد مسكن وبترجع البوجيهات تهبب
وأنا أويدك فى الرأى تماما
فكفاءة البوجيه بعد حرقه بتختلف عن قبل حرقه
وهل لو ركبنا بوجيه جديد
حيهبب بنفس السرعه اللى حيهبب بيها البوجيه المحروق
مع ثبات كل الظروف ( سواء دورة بنزين أو دورة أشتعال )
هذا سؤال ..............ويجب أن نسأله لأنفسنا .........؟
انا بتكلم مع حضرتك عن تجربه والسمكري اللي بحرق عنده البوجيهات جاري وصاحبي ..
البوجيه قبل الحرق اسود مهبب ,بعد الحرق ابيض ناصع ونظيف وبيشتغل كويس جدا وبيعرق ميه كمان بس مابيطولش علي الحاله دي بيتاثر بسرعه ويهبب اسرع من عمره الافتراضي منذ بدايه تشغيله مع تثبيت الظروف الخارجيه - ولي ملاحظه كمان ان القطعه الخزفيه بتبقي بعد الحرق اضعف مماكانت عليه (هشه) الواحد يخاف تتكسر جوه السلندر وتعمل مشاكل :majd(4):
يا باشا انا كان هدفي ان موضوع الحرق مش افتكاسة مصرية
الظاهر انها عالمية ده حتى على اليوتيوب قسم كامل عن كيفية تنظيف البوجيهات
والكلام العلمي فوق الكل
وحضرتك كلامك علمي و انا اؤيده بشده
بس خلاص
سؤال يا باشا
انا لما غيرت بوجيهات الكريستالة 99 لقيت الخلوص بين القطبين كبير اكبر من البوجيهات الجديده
وركبت البوجيهات الجديدة على حالها لان واحد صاحبي برضو قالي ان حكاية تظبيط الخلوص بين القطبين افتكاسه مصرية وقال يعني الميكانيكية هيفهموا اكثر من اللي صنعها
السؤال
هل هي افتكاسه ولا ليها اصل علمي
واذا كان ليها اصل علمي فالمفروض الخلوص يبقى مظبوط على كام عندي في اللانسر 99
واشكرك يا باشا انك اتحت لي فرصة كتابة كلمة (الخلوص) كان نفسي اكتبها من زمان :shine[1]:
اقتباس:
انا بتكلم مع حضرتك عن تجربه والسمكري اللي بحرق عنده البوجيهات جاري وصاحبي
:C_laugh[1]:
:S_thum1[1]:اقتباس:
البوجيه قبل الحرق اسود مهبب ,بعد الحرق ابيض ناصع ونظيف وبيشتغل كويس جدا وبيعرق ميه كمان بس مابيطولش علي الحاله دي بيتاثر بسرعه ويهبب اسرع من عمره الافتراضي منذ بدايه تشغيله مع تثبيت الظروف الخارجيه - ولي ملاحظه كمان ان القطعه الخزفيه بتبقي بعد الحرق اضعف مماكانت عليه (هشه) الواحد يخاف تتكسر جوه السلندر وتعمل مشاكل :majd(4):
بعد اذن الباشا الكبير المهندس سمير...
الخلوص (الجاب) بين القطبين بيزيد من الاستخدام فطبيعي انك تطلع البوجيه تلاقي فتحه الجاب اكبر من الطبيعي نتيجه تاكل جزء من معدن البوجيه - تظبيط الجاب مش افتكاسه لان كل موتور ليه ظبطه للجاب بتاعه البوجيه اللي بيركب فيه وبتبقي ريكومندد في كتالوج السياره فطبيعي ان المتخصص يتاكد من الخلوص بنفسه .
أنا مش عارف مين من الأجانب اللى بيعملوا كدهاقتباس:
يا باشا انا كان هدفي ان موضوع الحرق مش افتكاسة مصرية
الظاهر انها عالمية ده حتى على اليوتيوب قسم كامل عن كيفية تنظيف البوجيهات
على أساس أنها ظاهره عالميه على اليوتيوب
ممكن ....ممكن
يكون الأجانب بتوع بوركينا فاسو
أو كوالا لامبور
مهم أجانب برضه
بس أعتقد شعب محترم زى اليابان أو الألمان أو الأنجليز
صعب أوى يفكر بالشكل ده
ماهو ده اللى بنقولهاقتباس:
انا لما غيرت بوجيهات الكريستالة 99 لقيت الخلوص بين القطبين كبير اكبر من البوجيهات الجديده
الثغره بتزيد مع الوقت بسبب الشراره اللى بتتولد بين القطبين
بيتهرى لحم الأقطاب من الداخل ( فى منطقة الثغره أو الجاب )
وطالما لحمها أتهرى حتتسع
لأن الشراره بتهرى بدن المعادن
ولأن الشراره فى الهندسه الكهربيه
بتمثل صاعقه شديده بتزل على المعادن
وهو ده اللى بيحصل بالضبط
____________________________________
الفولت الموجب العالى الشده
القادم من الأسبراتير ( مثلا ) بيبقى ماشى زى الوحش خلال الألكترود المحورى للبوجيه (أى القطب الموجب )
وبمجرد يجىء على طرفه من فوق
بيروح كاسر جهدالعزل الكهربى للثغره الهوائيه الموجوده بين الموجب والسالب
وبيروح لاطش السالب
وسورى فى اللفظ اللى جاى ...........متطلبات السياق للأسف
لما التيار الشديد ده بيروح نازل على القطب السالب المتنى
بيروح لسعه على قفاه ....مخليه يطلع شراره
هنا بأه بتتآكل الأقطاب من الداخل وبتوسع الثغره ( الجاب )
أذا فيه عمر أفتراضى أهو وكلام علمى أهو
مع أحترامنا الكامل لبتوع بوركينا فاسو
فى دى بأه الميكانيكيه بيفهموااقتباس:
وركبت البوجيهات الجديدة على حالها لان واحد صاحبي برضو قالي ان حكاية تظبيط الخلوص بين القطبين افتكاسه مصرية وقال يعني الميكانيكية هيفهموا اكثر من اللي صنعها
أما صاحبك يؤسفنى أاقولك .....................!!!!!!!!!!!
علمى ياباشااقتباس:
هل هي افتكاسه ولا ليها اصل علمي
وعلمى محترم أوى فى هندسة الكهرباء
وكيفية توليد الشراره بين قطبين ( موجب وسالب )
وأثر المسافه بين القطب على شدة الشراره المتولده نتيجة عملية القفز للفولت المشار اليها عاليه
ليها اصل عريقاقتباس:
واذا كان ليها اصل علمي فالمفروض الخلوص يبقى مظبوط على كام عندي في اللانسر 99
وعلشان نبقى بنتكلم صح
يبقى لازم ترجع لطراز محرك سيارتك بكتيب المواصفات الفنيه والصيانه
طيب يابشمهندس إزاي أقدر أعرف الجاب الأصلي بتاع البوجيهات للعربية بتاعتي ، في حين أني ماعنديش كاتالوج للعربية ؟؟؟
سؤال صعب ياهندسه
على الرغم من سهولته فى حالة توافر الداتا الهندسيه
ومفيش قدامك غير حلول تقريبيه ( وأنت وحظك )
- تقصى المعلومه الصح بسؤال التوكيل مثلا
- التفتيش على الكتالوج لدى ملاك آخرين لنفس طراز محرك سيارتك
- أو حتضطر تتقبل وتتعايش مع الوضع الأليم
بتاع بليه وأعوانه
وتركب البوجيه على أبوه وخلاص
هو عامة بيجىء على مقاس ثغره فى حدود 1 مم ( وهو جديد )
وده غالبا بيكون الرقم التقريبى لمقاسات ثغرات البوجيهات
بس برضه حتكون قوة الشراره بشكل تقريبى
_________________________
ودى بأه من ضمن الفوائد الهامه لتوافر الداتا العلميه
وهو الحصول على الآداء الجيد والأمثل من أى منظومه هندسيه
بالمناسبه ياباشمهندس ...احنا كلامنا علي ظبط جاب البوجيه الشمعه الواحده اللي بليه بيظبطه بصفيحه شبه اللي كنا بننقش بيها الكحك واحنا صغيرين . طيب ..ال2 وال3 شمعه هتتظبط ازاي :U_thin1[1]:؟؟
:khd:اقتباس:
ولاقيت مكتوب أن الموديل المناسب الجاب بتاعه (0.8 مم)
أجيب منين ناس لمعنات الكلام يتلوه
على رأى محمد رشدى فى رباعية أو حكاية أدهم الشرقاوى
:C_laugh[1]:اقتباس:
احنا كلامنا علي ظبط جاب البوجيه الشمعه الواحده اللي بليه بيظبطه بصفيحه شبه اللي كنا بننقش بيها الكحك
الكدب خيبه يا أخويا فادى ( لم أقع على أجابه لسؤالك هذا )اقتباس:
طيب ..ال2 وال3 شمعه هتتظبط ازاي :U_thin1[1]:؟؟
بس من خلال رؤيتى الفنيه
مفيش فرق
هى هى