صوت موتور البيكانتو عالي شويه أول مابدور العربيه وبعد ما بتدور الصوت بيبقى عادي
انا حسه انه عالي زياده ولا ده عادي علشان لسه في الأول وفي فترة التليين وبعد كده الصوت حيختفي
عرض للطباعة
صوت موتور البيكانتو عالي شويه أول مابدور العربيه وبعد ما بتدور الصوت بيبقى عادي
انا حسه انه عالي زياده ولا ده عادي علشان لسه في الأول وفي فترة التليين وبعد كده الصوت حيختفي
هو الطبيعى ان اول لما العربية بدور بيكون الماتور عالى شوية علشان التسخين ولو بصيتى على الار بى ام هتلاقى فوق الواحد ومافيش دقائق وهتلاقى الار بى ام نزل عن الواحد والصوت خف كدة تقدرى تمشى بالعربية
----------
اية أخبار الكاسيت نازل معاها كاسيت ولا لسا هاتركيبلها
عداد الار بى ام بيبقا قريته كام بعد الواحد بكتيييييير ؟؟؟
خلى بالك علشان اثناء تركيب الكاسيت هاتحتاج وصلتين تحويل علشان كهربة الكاسيت وعلشان الأريال
حولى تسيبى العربية تسخن برحتها وبعد كدة قوليلى لو لسا صوتها عالى بعد التسخين
اهم شىء تبصى على ال ار بى ام عند بداية تشغيل العربيه بتبقى كام وبعد العربيه ماتسخن بيبقى كام
لازم نلاحظ حاجة كمان بالاضافة الى ماقاله الاخوة ان العربية الهاتش باك قاعدة الكراسي اللي قدام قريبة شوية من الموتور وبالتالي احساسك بصوت الموتور حيكون اكتر
بالاضافة الى فترة ركن العربية يعني شوفي صوته لو الار بي ام اقل من واحد حتلاقيه بيقل كتير
المفروض اسيبها تسخن دقيقه ولا اكتر؟
هي المفروض تبقى كام عند بداية التشغيل وبعد ما تسخن تبقى كام؟
انا كنت بره العربيه ساعة ما سمعت الصوت العالي جدا ده والسواق اللي بيعلمني عليها بيدورها وده اكتر من مره وبيكون الصبح بس النهارده ما اخدتش بالي من الصوت ده وهو دورها بالليل
مش عارفه إذا كان بيدورها فورا من غير تسخين
وشكرا جزيلا لكم واسفه على اسئلتي الكتير بس معنديش خبره
لما بتبقا العربية باردة بتلاقى الار بى ام مرتفع عن واحد وصوت الماتور عالى شوية مافيش خمس دقائق وهتلاقى الصوت قل
والار بى ام نزل عن واحد وبكدة تقدرى تطلعى بالعربية وياريت يتم تسخينها دون الضغط على دواسة البنزين
بالنسبة للكاسيت الكاسيت بيحتاج ان كونفيرت
واحد بيبقا لكهربة الكاسيت والسماعات
واحد بيبقا للأريال وطبعا من غيرو مش هايبقا فيه راديو
سعر الكونفيرت الواحد من 50 الى 75