صوت الموتور

**sara2001** · 05-04-2010 03:17 PM

صوت موتور البيكانتو عالي شويه أول مابدور العربيه وبعد ما بتدور الصوت بيبقى عادي
انا حسه انه عالي زياده ولا ده عادي علشان لسه في الأول وفي فترة التليين وبعد كده الصوت حيختفي

**YaSSerwIN** · 05-04-2010 06:15 PM

هو الطبيعى ان اول لما العربية بدور بيكون الماتور عالى شوية علشان التسخين ولو بصيتى على الار بى ام هتلاقى فوق الواحد ومافيش دقائق وهتلاقى الار بى ام نزل عن الواحد والصوت خف كدة تقدرى تمشى بالعربية

----------

اية أخبار الكاسيت نازل معاها كاسيت ولا لسا هاتركيبلها

**sara2001** · 05-04-2010 06:19 PM

المشاركة الأصلية كتبت بواسطة yasserwin

هو الطبيعى ان اول لما العربية بدور بيكون الماتور عالى شوية علشان التسخين ولو بصيتى على الار بى ام هتلاقى فوق الواحد ومافيش دقائق وهتلاقى الار بى ام نزل عن الواحد والصوت خف كدة تقدرى تمشى بالعربية

----------

اية أخبار الكاسيت نازل معاها كاسيت ولا لسا هاتركيبلها

بس ده صوته عالي جدا وملفت يعني حيفضل كده على طول؟
مش نازل معاها كاسيت ولسه هاركبلها

**YaSSerwIN** · 05-04-2010 06:57 PM

عداد الار بى ام بيبقا قريته كام بعد الواحد بكتيييييير ؟؟؟

خلى بالك علشان اثناء تركيب الكاسيت هاتحتاج وصلتين تحويل علشان كهربة الكاسيت وعلشان الأريال

**sara2001** · 05-04-2010 07:22 PM

المشاركة الأصلية كتبت بواسطة yasserwin

عداد الار بى ام بيبقا قريته كام بعد الواحد بكتيييييير ؟؟؟

مش فاهمه السؤال بصراحه؟
بس لو قصدك عداد الأر بي ام بيوصل كام بعد ما بمشي فهو بيكون بين 2 و3

خلى بالك علشان اثناء تركيب الكاسيت هاتحتاج وصلتين تحويل علشان كهربة الكاسيت وعلشان الأريال

الأريال علشان تشغيل الراديو يعني من غيره ما يشتغلش؟؟ في ناس قالتلي مش هتحتاجي الإريال في حاجه

**sara2001** · 06-04-2010 11:51 PM

المشاركة الأصلية كتبت بواسطة polo1234

حولى تسيبى العربية تسخن برحتها وبعد كدة قوليلى لو لسا صوتها عالى بعد التسخين

المفروض اسيبها تسخن دقيقه ولا اكتر؟

المشاركة الأصلية كتبت بواسطة elsayed

اهم شىء تبصى على ال ار بى ام عند بداية تشغيل العربيه بتبقى كام وبعد العربيه ماتسخن بيبقى كام

هي المفروض تبقى كام عند بداية التشغيل وبعد ما تسخن تبقى كام؟

المشاركة الأصلية كتبت بواسطة mameen

لازم نلاحظ حاجة كمان بالاضافة الى ماقاله الاخوة ان العربية الهاتش باك قاعدة الكراسي اللي قدام قريبة شوية من الموتور وبالتالي احساسك بصوت الموتور حيكون اكتر
بالاضافة الى فترة ركن العربية يعني شوفي صوته لو الار بي ام اقل من واحد حتلاقيه بيقل كتير

انا كنت بره العربيه ساعة ما سمعت الصوت العالي جدا ده والسواق اللي بيعلمني عليها بيدورها وده اكتر من مره وبيكون الصبح بس النهارده ما اخدتش بالي من الصوت ده وهو دورها بالليل
مش عارفه إذا كان بيدورها فورا من غير تسخين

وشكرا جزيلا لكم واسفه على اسئلتي الكتير بس معنديش خبره

**YaSSerwIN** · 07-04-2010 10:09 AM

لما بتبقا العربية باردة بتلاقى الار بى ام مرتفع عن واحد وصوت الماتور عالى شوية مافيش خمس دقائق وهتلاقى الصوت قل
والار بى ام نزل عن واحد وبكدة تقدرى تطلعى بالعربية وياريت يتم تسخينها دون الضغط على دواسة البنزين

بالنسبة للكاسيت الكاسيت بيحتاج ان كونفيرت

واحد بيبقا لكهربة الكاسيت والسماعات

واحد بيبقا للأريال وطبعا من غيرو مش هايبقا فيه راديو

سعر الكونفيرت الواحد من 50 الى 75

-

الموضوع: صوت الموتور

LinkBack

أدوات الموضوع

عرض

-

-

-

المواضيع المتشابهه

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

تفصيص الموتور او فتح الموتور - استفسار للمتأكدين فقط -

الكلمات الدلالية لهذا الموضوع

المفضلات

المفضلات

ضوابط المشاركة