الموضوع: Heaven glucose جلوكوز السماء هل حيجيب لمصر جايزة نوبل

تصدق شربتها فى الأول

المشاركة الأصلية كتبت بواسطة Dr Ahmed Abdelghany

إنما الإختراع أنا سبقت صاحبه فى إختراعه لكن فاتنى تصويره ساعتها وكنت معلق المحلول فى الشباك علشان ياخد الطراوة من الهوا اللى داخل

طيب طراوة على طرواة هابقى أحط المحلول في قلة جنب الشباك

أنا شفت حاجات

1- فوانيس عربيات قديمة معلقة بالسقف على قاعدة خشب لإضاءة سرير العمليات مع استخدام أوزان و روافع لإماكنية الضبط :)
2- جهاز شفط بلدي عبارة عن 2 جركن باستخدام الجاذبية يتم تبديل وضعهما كلما امتلأ الجركن السفلي
3- جوانتيات لاتكس يتم (إعادة) تعقيمها و (إعادة) تبديرها -يحط جواها بودرة يعني- لا داعي لذكر تركيب الجهاز المستخدم في التعقيم :)
4- استخدام (ماكينة حلاقة قديمة من اللي بتحط فيها موس) لأخذ رقع الجلد الرفيعة لاستخدامها في الترقيع
5- أكياس كولوستومي عبارة عن كيس بلاستيك محاط بالجزء الأعلى من علبة صفيح تم قطعها(زي لبن نيدو أو علب لبن الرضع الصناعي) و يربط على جسم المريض
6- tourniquet رباط لوقف النزف مصنوع من الكاوتش الداخلي -شنبر- لموتوسيكل مقعوطع بطريقة معينة (كاوتش العربية ما ينفعش لأنه قوي أكثر من اللازم و يزيد فرص إصابة الأعصاب)
7- خياطة الجروح بخيط سنارة صيد نايلون و تلضمه في إبرة عادية. و الخيوط مقاسات و متعلقة في بكر على الحيطة و شد و الضم هه
8- مستلزمات جراحة العظام و الوجه و الفكين من محلات الحدايد و البويات و المخارط
و غيره و غيره


الكلام ده مش في مصر يا جماعة زي ما تصورتم
الكلام ده شفته و معترف به بشروط معينة ضمن برامج إنجليزية/ألمانية للنهوض بالرعاية الطبية في المناطق الحارة بإفريقيا

يعني الصورة هنا مش سوداء قوي يعني

اجنا عندنا الحاجة ام الاستعباط
مش ام الاختراع

المشاركة الأصلية كتبت بواسطة medo2o1o

طب يا دكتور شفت الجلوكوز المضغوط المتحرك

ده موجود فى الدمرداش العيان من دول مش لاقى سرير يقوم حلاق الصحة (قصدى دكتور الامتياز)يديله الجلوكوز فى ايده و يوصلهوله بالكانيولا و يقوله عيش

و طبعا برضه من اكتشافات الدمرداش ان الكانيولا يمكن اعادة استخدامها و بيعها (مش عارف الشركات اللى بتقول disposable بتقول على اساس ايه)

ايضا من اكتشافات الدمرداش بس ده عندنا احنا فى عيادة الحشو بالتحديد
ان مياه suction بتاعت كل الكراسى اللى فيها كل البكتيريا اللى خلقها ربنا دخلت على coolant بتاع الكونترا(المكنة اللى بنشتغل بيها ) فى كل الكراسى و لما عرفنا اشتكينا للصيانة قالولنا محنا قولن للوكيل بتاع الكلية و هو قال سيبوها ماحنا هاننقل الكلية الجديدة و طبعا الراجل بتاع الصيانة الظريف كمل و قال مالمجارى دخلت على مية الشرب و الناس عايشة طبعا من ساعتها ما بشتغلش حشو

تانى حاجة جهاز الاشعة البانوراما بيسرب و لما طلبنا هيئة الطاقة الذرية طلع مش مترخص

واضح ان اختراعتنا هاتتواصل

طب ليه الغلط ده ف طبيب الامتياز ماهو بني ادم زيه زي اي انسان

المشاركة الأصلية كتبت بواسطة megamoudy

طب ليه الغلط ده ف طبيب الامتياز ماهو بني ادم زيه زي اي انسان

انا على فكرة دكتور امتياز برضه

انا اتكلمت على دكتور الامتياز اللى ركب الجلوكوز و خلى العيان يمشى بيه و هوة ماسك كيس الجلوكوز فى ايده
اكيد مش اقصد كل دكاترة الامتياز اللى فى منهم اكيد هابقى دكاترة كبار جدا

و لو حاضرتك اتضايقت او حاجة حقك عليا