الموضوع: نظارات الشمس

المشاركة الأصلية كتبت بواسطة mahmoudysf

دي حقيقة فعلا معظم ان ما كانش اللي في السوق كله مضروب سواء بقه يسموه كوبي او هاى كوبي لاكن ده الواقع وللاسف فيه كتير من اللي اشترو او اللي بيفكرو يشترو من اماكن معينة مش عايزين يصدقو كدة
انا كنت بكلم واحد صاحبي في الموضوع ده المهم انو قالي انو نزل وسط البلد يشترى نضارة وشاف كذا محل ولقى نفس النوع اللي يقوله 300 واللي يقول 600 وهكذا لنفس الماركة في نفس المنطقة
المهم انو دخل محل وسال قالو 150 جنية صاحبي قالو اكيد مش اصلية انا شايفها ب400 البياع ده كان امين وفهمو ان كل اللي شافهم دول مفيش فيهم اصلي دي حاجة صينى بس تقليد عالى الجودة بيسموه هاي كوبي بيكون زي الاصلى محدش يقدر يفرقهم لدرجة انو قالو بلاش تاخد بتاعتى لو مش مصدق تعالى اختار واحدة من اللي عجبتك ام 600 وانا هاخده منهم قدامك وهاديهالك ب 200 جنية
ايه بقى اللي يضمن ان الاماكن المشهورة زي المغربي وغيروه ما يكونوش بيعملو كدة خصوصا ان مكسبا خيالي واحنا في مصر مفيش حاجة مستبعدة
انا طولت بس حبيت اعمل كدة للافادة

طيب مافيش حد متخصص يفيدنا في الموضوع ده ، يعني اللي أضحك عليه فعلا وأشترى نظارة من زمان على أنها أصلية وهي فيرست كوبي ، هل في ضرر أنه يلبسها ولا برضه هاتحمي من الأشعة فوق البنفسجية ؟؟؟؟

ياريت حد يطمننا ، لأن لو مضارها أكتر من نفعها يبقى بلاش منها خالص ، وربنا يعوض علينا .

السلام عليكم ورحمة الله
احب اوضح بعض الاستفسارات المطروحة في الموضوع و يارتني كنت معاكم في الاول كان الموضوع اختلف
انا تصفحت ال 8 صفحات و حاول اركز على طلبات الناس و هحاول افيدكم على قدر علمي

طبعا هابتدي باهم موضوع طرح... موضوع الكوبي و الهاي كوبي و الي اخره وهحاول الخصه في نقط
-معظم النظارات الماركات اللي مكتوب عليها made in italy في المحلات حاليا صيني مصنع بجودة عالية وداخل مصر بسكك غير مشروعة وده لا تقل نسبته عن 70% من النظارات وامثلة للماركات اللي اكثر المستوردين بيدخلوها RayBan,Gucci,roberto cavalli, just cavalli, persol,Mont Blanc,cartier,fred,oxydo,carrera, soluette,

-اي نظارة ايطالي شمس من الماركات العلية المشار اليها اقل من 1000 جنيه تبقى كوبي
-ممكن للامانة تكون اصلية بس موديل قديم في حدود من 500 الي 1000 جنيه
-النظارات الكوبي في الغالب بنسبة 30 % بتكون عدساتها UV protection بس في الحالة دية لازم يبقي معاها بورشور يوضح Category بتاع العدسة وكيفية استعمالها (مثلا في هل تصلح للقيادة- ضوء الشمس الساطع- وجود غيوم ...الخ) هي المشكلة الحقيقية ان النظارات ديه كلها مهربة من الجمارك فمفيش حد اختبرها بتاتا من الاخر مفيش ضمان ليها

-طيب ممكن حد يسال لو النظارة مثلا 1200 ومن محل مشهور وماركة عالية هل بكده تكون اصلي 100%
الاجابة: نسبة انها تكون اصلي نسبة كبيرة ولكن لا تقترب من 100% للاسف الحقيقة انها بنسبة حوالي 70% اصلي وحسبنا الله و نعم الوكيل (الغش بقى منتشر في السوق ده بطريقة لا توصف)

طيب انتقل للنقطة التانية هل اي نظارة تحت ال 1000 مش ايطالي اصلي
الاجابة لحسن الحظ حتى الان فيه ماركات ايطالي بجودة مقبولة جدا اسعارها تبدأ من 400 جنيه حتى 800 جنيه ولم تصل اليها يد المزورين بعد (ربنا يعميهم عنها) مثل
seventy,Snob,enox , k actor , genesis , our thing ,sabel,link,


النقطة التالتة بالنسبة للنظارات الكوري هي طبعا اكثر انتشارا في النظارات الطبية و ليس لبشمسية وهي ذات جودة متوسطة بين الايطالي و الصيني بس موجودة برضهفي محلات لا باس بها

كان فيه حد سال عن العدسات الفوتوبراون هل هي UV protection
العدسات الزجاج لا طبعا
اما البلاستيك فموجود منه UV زي العدسات الترانزيشن و العدسات الماركات زي زايس و هويا بس طبعا غالية جدااااااااااااااااااااااا اااااااا تبدأ قطاعي من 400 للجوزوممكن توصل لحد اكتر من 1000


بالنسبة لمحلات C&co
دي سلسلة تانية لمحلات بركة باسم تاني ومتجهة اكتر للشباب
وعلى فكرة بيبقى عندهم كوبي برضه و المشكلة انهم بيبيعو الكوبي زي الاصلي
وهتلاقي عندهم حاجات صيني كتيييير ومش مكتوب عليها منشأ


وا استفسارات تانية تحت امركم

نصيحة أخيرة

-بالنسبة للنظارات الطبية العدسات البلاستيك الانتي ريفلكشن اللي اشار ليها بعض الاخوة بتكون مفيدة جدااااا في الحماية خصوصا لو جبتها من حد عنده ضمير
لو عندك استعداد تدفع مثلا 200 جنيه اطلبها ماركة هويا او seiko
ارخص براندين في العدسات المحترمة اما لو مش فارق معاك الفلوس اطلبها zeiss


-بالنسبة للاخوة اللي بيسوقو في الشمس كتير افضل عدسات اللي هي بتكون Polarized ودي تفرق كتير و بالمناسبة في منها طبي بس اسعارها تبدأ من 300 جنيه وانت طالع

طريقة سهلة وبسيطة للكشف علي العدسات الشمسية


http://www.nilemotors.net/Nile/140223-polarized.html

العدسات ال polarized دي خاصية في العدسة وممكن تكون موجودة في النظارة الشمسية وممكن لا
يعني مش اي نظارة بولاريزد تبقى اصلي
ومش اي نظارة اصلي لازم تكون بولاريزد

المشاركة الأصلية كتبت بواسطة hamadamdph

طب ايه اخبار 3 guys

اصلي ولا ماركة مزورة ؟؟؟

وهل العدسات polarized

اصلي لسه شاريه من c & co
ب 550

دي من الماركات اللي بتتصنع في الصين بس جودتها كويسة
لكن مش براند ايطالي طبعا

المشاركة الأصلية كتبت بواسطة vet mitcho

دي من الماركات اللي بتتصنع في الصين بس جودتها كويسة
لكن مش براند ايطالي طبعا

جزاك الله كل خيردواضح ان حضرتك ليك خبره في مجال النظارات
وعلشان كده عندي سؤال لحضرتك
انا مطلوب مني هديه نضاره شمس ماركه ريبان زي اللي بيلبسها احمد حلمي كده
وبصراحه مش عارف اجيبها منين بعر كويس وتكون مضمونه
علشان انا شوفتها عند محلين وحسيت انها مضروبه وكانت بحوالي 270 جنيه