الموضوع: نظارات الشمس

المشاركة الأصلية كتبت بواسطة vet mitcho

السلام عليكم ورحمة الله
احب اوضح بعض الاستفسارات المطروحة في الموضوع و يارتني كنت معاكم في الاول كان الموضوع اختلف
انا تصفحت ال 8 صفحات و حاول اركز على طلبات الناس و هحاول افيدكم على قدر علمي

طبعا هابتدي باهم موضوع طرح... موضوع الكوبي و الهاي كوبي و الي اخره وهحاول الخصه في نقط
-معظم النظارات الماركات اللي مكتوب عليها made in italy في المحلات حاليا صيني مصنع بجودة عالية وداخل مصر بسكك غير مشروعة وده لا تقل نسبته عن 70% من النظارات وامثلة للماركات اللي اكثر المستوردين بيدخلوها RayBan,Gucci,roberto cavalli, just cavalli, persol,Mont Blanc,cartier,fred,oxydo,carrera, soluette,

-اي نظارة ايطالي شمس من الماركات العلية المشار اليها اقل من 1000 جنيه تبقى كوبي
-ممكن للامانة تكون اصلية بس موديل قديم في حدود من 500 الي 1000 جنيه
-النظارات الكوبي في الغالب بنسبة 30 % بتكون عدساتها UV protection بس في الحالة دية لازم يبقي معاها بورشور يوضح Category بتاع العدسة وكيفية استعمالها (مثلا في هل تصلح للقيادة- ضوء الشمس الساطع- وجود غيوم ...الخ) هي المشكلة الحقيقية ان النظارات ديه كلها مهربة من الجمارك فمفيش حد اختبرها بتاتا من الاخر مفيش ضمان ليها

-طيب ممكن حد يسال لو النظارة مثلا 1200 ومن محل مشهور وماركة عالية هل بكده تكون اصلي 100%
الاجابة: نسبة انها تكون اصلي نسبة كبيرة ولكن لا تقترب من 100% للاسف الحقيقة انها بنسبة حوالي 70% اصلي وحسبنا الله و نعم الوكيل (الغش بقى منتشر في السوق ده بطريقة لا توصف)

طيب انتقل للنقطة التانية هل اي نظارة تحت ال 1000 مش ايطالي اصلي
الاجابة لحسن الحظ حتى الان فيه ماركات ايطالي بجودة مقبولة جدا اسعارها تبدأ من 400 جنيه حتى 800 جنيه ولم تصل اليها يد المزورين بعد (ربنا يعميهم عنها) مثل
seventy,Snob,enox , k actor , genesis , our thing ,sabel,link,


النقطة التالتة بالنسبة للنظارات الكوري هي طبعا اكثر انتشارا في النظارات الطبية و ليس لبشمسية وهي ذات جودة متوسطة بين الايطالي و الصيني بس موجودة برضهفي محلات لا باس بها

كان فيه حد سال عن العدسات الفوتوبراون هل هي UV protection
العدسات الزجاج لا طبعا
اما البلاستيك فموجود منه UV زي العدسات الترانزيشن و العدسات الماركات زي زايس و هويا بس طبعا غالية جدااااااااااااااااااااااا اااااااا تبدأ قطاعي من 400 للجوزوممكن توصل لحد اكتر من 1000


بالنسبة لمحلات C&co
دي سلسلة تانية لمحلات بركة باسم تاني ومتجهة اكتر للشباب
وعلى فكرة بيبقى عندهم كوبي برضه و المشكلة انهم بيبيعو الكوبي زي الاصلي
وهتلاقي عندهم حاجات صيني كتيييير ومش مكتوب عليها منشأ


وا استفسارات تانية تحت امركم

جزاك الله خير وبارك فيك ونفع بك

كده بقى النظارة الكاريرا اللي عندي شكلها هاتترمي في الزبالة ، منهم لله الغشاشين

المشاركة الأصلية كتبت بواسطة eng_ahmedryad

[/color]

جزاك الله خير وبارك فيك ونفع بك

كده بقى النظارة الكاريرا اللي عندي شكلها هاتترمي في الزبالة ، منهم لله الغشاشين

كنت جايبها بكام ومنين؟

المشاركة الأصلية كتبت بواسطة hamadamdph

ليك جزيل الشكر على ردك

بس مكتوب عليها made in greece

اهما الصينيين كمان وصلوا اليونان؟؟؟

بص يا سيدي البراند طبعا مش معروف خالص
تلاقي نظارات دلوقتي مكتوب عليها made in japan والمصنع مالوش علاقة باليابان بتاتا
زي السلويت و البورشيه ديزاين
وريبان تلاقي مكتوب عليها made in usa ريبان و اصلا البراند ده بقى ايطالي من زمان




اما موضوع اليوناني ده جديد وعمري مسمعت عنه بس مدام في محل مشهور زي C&Co يبقى ممكن فعلا يكون متقفل في اليونان عشان يكون اورووبي لانها مسؤولية
والله اعلم

والله مرة واحد من حماية المستهلك جه سال والدي ان محل مشهور جدا جاتلنا منه شكوي اعرف ازاي ان النظارة اصلية او لا
لو انتبهوا فعلا من الناس دول حاجات كتير فعلا تتغير
ونص محلا مصر تقفل

المشاركة الأصلية كتبت بواسطة hema_lancer

جزاك الله كل خيردواضح ان حضرتك ليك خبره في مجال النظارات
وعلشان كده عندي سؤال لحضرتك
انا مطلوب مني هديه نضاره شمس ماركه ريبان زي اللي بيلبسها احمد حلمي كده
وبصراحه مش عارف اجيبها منين بعر كويس وتكون مضمونه
علشان انا شوفتها عند محلين وحسيت انها مضروبه وكانت بحوالي 270 جنيه

طبعا دي كوبي واضح جدا
الريبان الاصلي مش هيقل عن 700 لو موديل قديم
اما لو موديل السنة مش اقل من 900 طبعالغاية ممكن 1500

انا رايي لو هدية تحاول تفاصل فيها وتجيبها كوبي وخلاص

المشاركة الأصلية كتبت بواسطة dr.amr

بص يا باشا
فيه دكتور رمد مشهور قوي هو اللي ادانا رمد وهو اللي شرحلنا الموضوع ده
هو اسمه ممدوح الكفراوي
المهم هو قال محد يشتري نضارات من ام 10 جنيه ده
لازم ماركه محترمه ويكون معاها ضمان انها بتمنع ال uv
هي غالبا مش هتقل عن 1000 جندي لو محترمه بجد
هو الموضوع كله ان في نوعين من uv
uv a and uv b
النضارات المضروبه بتمنع نوع واحد بس منهم وبتسيب التاني يدخل وده طبعا مش ضوء داخل والسلام لأن ده بيسبب مياه بيضه بدري
يعني مثلا بدال ماتبدأ معاك من سن الخمسين وانت طالع تلاقيها بدري معاك
هتقولي طيب مااحنا ماشيين في الشارع وبنبص في الشمس وماحدش بيحصله حاجه
هقولك السبب ان النضاره الغامقه بتقلل الضوء اللي عينك شايفاه وبالتالي الحدقه بتوسع وبتسمح بدخول الuv المضره بسهوله وانت مش حاسس
نصيحه تلبس نضاره ماركه محترمه
ولو في اطفال مثلا بيشبطوا في النضارات اللي علي الرصيف ماحدش يجيبهالهم لأنها بتعمل مياه بيضه بدري

شكرا ياباشا علي المعلومات المفيدة وخصوصا معلومة نظارات الاطفال......لو في امكانية تحاول تسال لنا علي النقطة دي....
طيب في سؤال بيدور في دماغي مش لاقيله اجابة واعتقد انه منطقي......اوبشن البولاريزيشن رخيص نسبيا....... نيجي للسؤال هل من المنطقي انك تلاقي نظارة اصلية ب1000 جنيه علي سبيل المثال ومع ذلك استخسروا يحطولها فلتر بولاريزد..... اتعشم يكون في تفسير يوضح علميا النقطة دي لانها غريبة شويتين لو مالهاش سبب علمي.....وتحياتي

المشاركة الأصلية كتبت بواسطة otefa

طيب في سؤال بيدور في دماغي مش لاقيله اجابة واعتقد انه منطقي......اوبشن البولاريزيشن رخيص نسبيا وده الي ياكدو برده كلامك ياباشا ان لوالنظارة بولاريزد مش شرط تكون شمسية......نيجي للسؤال هل من المنطقي انك تلاقي نظارة اصلية ب1000 جنيه علي سبيل المثال ومع ذلك استخسروا يحطولها فلتر بولاريزد..... اتعشم يكون عندك تفسير واضح وعلمي للنقطة دي! لانها غريبة شويتين لو مالهاش سبب علمي.....وتحياتي.

بص يا سيدي معظم النظارات الاصلي الغالية زي الريبان و البيرسول بينزل من الموديل نوعين من العدسات بولاريزد وعادي (طبعا الاتنين بيبقوprtotection UV400)
وبيبقى فيه فرق بين الاتنين حوالي 150 جنيه فرق سعر اكثر او اقل حسب نوع النظارة و سعرها

البولاريزاشن ده بيمنع انعكاس الضوء على الاسطح اللامعة فبتشوف الرؤية اوضح
مثال
هات نظارة بولاريزد وبص الظهرية كده على زجاج عربية تكون الشمس جايه عليها
مش هتعرف تبص على اللي جوه العربية
البس النظارة هتلاقي الرؤية وضحت كتير وعرفت تشوف من زجاج العربية