الموضوع: يعني ايه؟

الفرق بين العمرة والنص عمرة

انت عندك الموتور من جوة بيبقى عامل كدة



المكابس او البساتم دى المفروض انها محبوكة مع الشمايز ( حلقات او اسطوانات معدنية مجوفة جوة تجويف الموتور (البلوك))
واللى بيفتح وبيقفل من فوق دول اسمهم صمامات و بيسموهم برضه صبابات

اول ما الموتور يكون جديد ممكن كبسه يوصل لكفاءة 95% مثلا
معنى كدة ان المكبس بيضغط البنزين جامد ومفيش تفويت وبكدة اول ما البوجيه يدى الشرارة ويحرق البنزين
الطاقة الناتجة تستغل افضل استغلال في الضغط على البستم لاسفل وبالتالى يدور الموتور و تستمر العملية ..


ده لو الموتور جديد
مع الزمن الاجزاء دى بتتآكل وبالتالى كفاءة الموتور ما تبقاش زي الاول
ويا اما يكون التفويت من منطقة الصبابات بحيث انها ما بتقفلش تماما في مرحلة الضغط

او من المكابس نفسها بحيث يبدأ الزيت يدخل من مكانه ( تحت المكابس عند الكرنك) لمكان الاحتراق ( اعلى المكبس )
ويخرج مع العادم بصورة دخنة بيضاء مزرقة
ويبقى كدة الموتور فوّت

طبعا المكابس دى بيبقى عليها حلقات حديد داير ما يدور زي الصورة اللى جاية دى اسمها الشنابر دى بتساعد في الاحكام تمااما ( زيها زي الكوتشة اللى بتبقى موجودة في مكبس الحقنة )



لما يكون نص عمرة بنغير الشنابر بس


وبيرجع الموتور محكم تانى

انما في حالة العمرة الكاملة بيتغير اجزااء كتير وبنخرط اجزاء نتيجة ان المكابس او عمود الكرنك او الصبابات حصل لها تآكل شديد مش بس الشنابر


واللى عاوز تفاصيل اكتر يبحث في التعليمى هيلاقى تفاصيل اكتر واحسن من كدة