مشاكل فى البرافو

**dodger111** · 06-04-2010 12:56 AM

الكمبيوتر بتاع عربيتى فصل مرتين والعربية مشتغلتش ,اول مرة كانت بسبب انى كنت غاسل العربية فى البنزينة من برة بس , ولقيت كهربة العربية كلها بتخرف والعربية مش بتشتغل بسبب ان المية جت على البطارية حاجة زى كدا. ومن يومين العربية عملت نفس الموضوع جيت اشغلها الكونتاكت بيطفى وينور والعربية مش بتشتغل فرحت شيلت كابل البطارية وجطيتة واشتغلت...دة عيب اية بقى!

والعربية عندى بتحدف , الحجات دى اروح للتوكيل ولا دة عادى!

معلش عندى استفسار اعرف منين ان التربو اشتغل؟ انا عندى الكمبيوتر مختلف يمكن عشان انا جايب الفاضية مش الفل اوبشن.

**ahmad--ezzat** · 06-04-2010 12:57 AM

روح التوكيل واشتكى....بس متقولش انك غسلتها ولا بتاع

**dodger111** · 06-04-2010 01:04 AM

شكرا يا احمد على سرعة الرد بس انا شايف انها ممكن تكون الكهربة ملمسة بس,, بس انا مجتش جمبها !

**ahmad--ezzat** · 06-04-2010 01:13 AM

امانه عليك اوعى تودى العربيه لاى كهربائى ولا اى حد...التوكيل التوكيل....الصيانه الجايه ان شاء الله...تقلهم حصل كذا كذا كذا....ومش عارف المشكله....وان شاء الله يكشفوا على العربيه ولو فى خطأ هيعملوه

**yoko** · 06-04-2010 01:21 AM

خلي بالك الميه ممكن تبوظ الكونترول وساعتها الدنيا هتخش في ألاف
الزوايا إظبطها برة لإنهم في التوكيل الزوايا ب١٥٠ جنيه
أنا بعملها في بريدجستون عباس العقاد
والتربو هيبان في سحبة العربيه غير صوته المميز

**damasry** · 06-04-2010 02:32 AM

التربو ها تعرفه بصوته ولما تروح التوكيل بيتحط على الكومبيوتر وبيقولك قد ايه انت حرقت عليه وهى البرافو ال١٢٠ حصان كلها كده مش بيبان التربو فيها، لكن ال١٥٠ حصان بيبان فيها التربو زى اللينيا.

طبعا بلاش غسيل العربية بالمية عند الموتور عشان الecu بتاع العربية مش يبوظ، لأن زى ما يوكو قال الغرامة ها تكون كبيييييرة.

**damasry** · 06-04-2010 03:44 AM

المشاركة الأصلية كتبت بواسطة dodger111

شكرا يا باشا على ردك,بس ازاى مش بيبان عليها واللينيا هيبان ما هى نفس الموتور مش فاهم قصدك !؟ بس انا شفت فى اللينيا بيطلع على الكمبيوتر مروحة التربو ..انا معنديش حاجة بتظهرلى,,هوا غلط انى اعد احرق كتير على التربو؟

عشان الشاشة مختلفة، اللى فى اللينيا بتقدر تغير وضع القراءات فيها لكن البرافو ال120 لا

يعنى اللينيا فيها الشاشة الاعلى والبرافو ال150 حصان بردو فيها نفس الشاشة.

غلط لو قعدت تحرق عليه جامد يعنى مشغل التربو 100٪ ولما بتروح التوكيل بيكشفوا الموضوع ده لأن كومبيوتر العربية بيسجل المدة دى وبيطلها ساعة الكشف.

**damasry** · 06-04-2010 05:25 AM

المشاركة الأصلية كتبت بواسطة Acc.medo

( i have a problem in writing arabic but i can read it) so you can write in arabic

بص يا باشا، التربو لو الواحد ضغط بنزين جامد ها يشتغل معاك باقصى قوة ليه، المفروض مش تعمل كده كتير لأن ده اسمه (boost) وده مش كويس على الموتور.

ليه؟؟ عشان المفروض الضغط جوه الموتور مايزدتش عن الضغط الجوى، واللى بيتحكم فى ده هى ال(wastegate)

الموضوع: مشاكل فى البرافو

LinkBack

أدوات الموضوع

عرض

-

-

-

-

-

-

المواضيع المتشابهه

البرافو

كنت بسأل على البرافو .....

حصر مشاكل الدايو: استهلاك البنزين. (مشاكل-اسباب-حلول). والموضوع مفتوح للمناقشة.

البرافو

الكلمات الدلالية لهذا الموضوع

المفضلات

المفضلات

ضوابط المشاركة