مطب صناعى باللوجان

**logan2010** · 06-04-2010 01:12 AM

طبعا انا لسه يا دوب فى اول الف كيلو باللوجان و الحمد لله انا و ماشى على سرعة 50 او 60 كم كان فى مطب صناعى اخدته و العربيه اتهبدت منى شويه على المطب ده خفت بصراحه انه تكون حصلت حاجه فى العربيه طبعا مشيت عادى و روحت البيت و الهاجس جوايا و بصيت على العربيه من جوا و برا و من تحت يمكن الاقى حاجه غير طبيعيه لكن ما لقيت الدنيا تمام و الحمد لله و طلعت تانى يوم بالعربيه و بقيت اقفل القزاز و اطفى الكاسيت بس لاحظت صوت خفيف جدا بيظهر فقط لما اخد مطب عالى عن الارض (صناعى ) و مش اى مطب يعنى العربيه تطلع جامد شويه و الصوت ده واطى جدا كانك بالضبط بتفتح تلاجه و يكون بابها بيطلع صوت من المفصلات يعنى تقريبا تزييق بس الصوت ضعيف جدا و مش ملحوظ خالص اثناء السير ده انا مش عارف احدد من انهى ناحيه و العربيه طبيعيه جدا و ممكن يكون اصلا الصوت كان موجود من الاول و انا ما اخدتش بالى منه (الله اعلم ) و بعدين المطب ما كانش قوى لانه مطب صناعى و عرضه كبير و مش عالى و انا قعدت ادوس على الشنطه من بره و اهز العربيه جامد من بره مش باسمع حاجه
انا بصراحه قلقان !!!!!
المهم دلوقتى ايه اللى مفروض اعمله لو فعلا المساعد فيها حاجه المفروض يبان انه فى زيت حوالينه و خصوصا انى قرأت مشاركه بتقول انه ضمان المساعد 3 شهور فقط طيب اعرف ازاى انه فى مشكله انا حتى خليت واحد ساق العربيه و قلت له شوف العفشه هل فيها صوت (طبعا من غير ما اقوله على حكاية المطب ) قال العربيه طبيعيه ما فيها شئ
ايه راى اهل الخبره فى منتدانا الكبير ؟؟؟؟

**Egyzizo** · 06-04-2010 01:54 AM

خللى عفشجى يبص لك على المساعدين
ولو فيه حاجة اطلع على التوكيل على طول.

**YoussefMostafa** · 06-04-2010 02:03 AM

بص يا باشا من كلام حضرتك ان الموضوع مش مقلق والمطب مش هياثر ف حاجة ان شاء الله

بس اكشف علي العفشة لو حضرتك قلقان

**zkralla** · 06-04-2010 02:16 AM

يا باشا أن شاء الله مفيش حاجه متركزش اقوى مع العربيه عشان احتمال 99% محصلش أى حاجه أنا اخدت بتاع 5 أو 6 مطبات بصوره اقوى من الى أنت قلتها والحمد لله محصلش حاجه

**DR/WAFEK** · 06-04-2010 03:24 AM

خير ان شاء الله ودى حاجه طبيعيه لاى عربيه انها تاكل مطب

**aelhossan** · 06-04-2010 10:09 AM

متبقاش موسوس
ومتركزش مع اي صوت
ولو في حاجه هتلاقبها ظهرت من غير ما انت تدور عليها
وان شاء الله مفيش حاجه

**bishoy02010** · 06-04-2010 11:27 AM

ممكن الصوت يكون موجود قبل كده ومعتقدش ان المطب هيكون ليه تأثير جامد على العربية وعمتا روح التوكيل خليهم يكشفوا على العفشة عادى جدا واطمن

**ahmedfozy** · 06-04-2010 01:43 PM

المشاركة الأصلية كتبت بواسطة zkralla

يا باشا أن شاء الله مفيش حاجه متركزش اقوى مع العربيه عشان احتمال 99% محصلش أى حاجه أنا اخدت بتاع 5 أو 6 مطبات بصوره اقوى من الى أنت قلتها والحمد لله محصلش حاجه

كلام صح بإذن الله العربية مافيهاش حاجة لأنها مصممة بحيث تتحمل اكتر من كده بكتير
وانا حصل معايا نفس الموقف بس مع مطب اللى هو بيطلع و يمشي مستقيم لمسافة 3 متر كده تقريبا او اقل و بعد كده ينزل وده بقا طلعلي فجأة في الظلمة وفي شارع انا عارفه ومكنش موجود فيه قبل كده فكنت بجري فيه و الحمد لله اخدت المطب و انا ماشي على كااااااااااااام ؟؟؟ على 100
وطبعا العربية طارت من عليه زي ما بنشوف في الافلام لأني اصلا ملحقتش اشيل رجلي من على البنزين و الحمد لله ولولا ستر ربنا العربية محصلهاش حاجة و العفشة بصراحة عملت معايا شغل جامد جدا لان العربية لما طارت ونزلت انا حسيت اني نزلت على مرتبة سفنج مش اسفلت
و الحمد لله انه كان مطب عريض لانه لو كان عنيف و انا بالسرعة دي الله اعلم كان ايه اللى هيحصل
واخيرا كل واحد فينا اولا و اخيرا ماشي بستر ربنا
و الحمد لله على كل شئ
متأسف للإطالة وربنا يكفينا كلنا شر المطبات المخفية

**w-m-a** · 06-04-2010 01:47 PM

ان شاء الله مفيش حاجة
صعب جدا المساعد يضرب فى الزمن القصير جدا ده
ربنا يستر

**gebreel** · 06-04-2010 02:05 PM

ان شاء الله مفيش حاجة و ممكن تكون القصة كلها بتاعة الصوت ده حاجة مش متربطة كويس و في صيانة ال5000 بيربطوا العفشة طبيعي و لحد ما توصل لل5000 كيلو سوق عادي مع ملاحظة اي تغيير في الاداء لو فيه حاجة اطلع على التوكيل على طول

الموضوع: مطب صناعى باللوجان

LinkBack

أدوات الموضوع

عرض

-

-

-

-

-

-

-

-

المواضيع المتشابهه

احترس... مطب صناعى بالجزيرة

هيا قنوات mbc hd شغاله على اى قمر صناعى

مطب صناعى فى شارع الهرم

الفرق بين gps قمر صناعى و gps كارت ميمورى

مطب صناعى الهدف منه زيادة الحوادث

الكلمات الدلالية لهذا الموضوع

المفضلات

المفضلات

ضوابط المشاركة