لا هو مبيخدش مصاريف تحويل هو بياخد مصاريف اقتراض وبالتالى كل مالوقت يزيد تدفع فايدة
"اى قرض نفع فهو ربا"
الموضوع ملوش علاقة لا بCIB ولا بغيرة... المشكلة فيك انت شخصيا... لو تقدر تضبط نفسك و متخليش الكارت يوديك فى داهية و تطلع over limit او تلاقى ان اخرك كل شهر تدفع الفوايد اللى عليك يبقى انت متنفعش تشيل credit card عشان حتتسجن
لو تقدر تدفع اللى عليك شهريا ( و دة طبعا لازم يتناسب مع مرتبك الشهرى) و مش من النوعية اللى ممكن تشترى اى حاجة و السلام لمجرد ان معاك كارت فيه فلوس يبقى مفيش مشاكل...
انا معايا credit card من يجيى 8 سنوات و الحمد لله الدنيا ماشية كويس اوى... و اعرف ناس تانية بينها و بين ابو زعبل محطة بالرغم من ان الlimit بتاعهم نص الlimit بتاعى... الموضوع كلة ضبط نفس مش اكتر
الميزة فيه انك لو فعلا اتزنقت و احتاجت فلوس حتلاقى حاجة تسندك سواء فى الشراء المباشر او سحب نقدية... و طبعا الامان فى حالة سرقة الكارت لان دلوقتى معظم البنوك بتصدر chip cards و دى بتحتاج رقم سرى و انت بتشترى زى بالضبط ما بتحتاج رقم سرى للسحب النقدى
و لو تقدر تطلع الكارت من البنك اللى بيتحول علية مرتبك يبقى مصلحة... تقدر ساعتها تعمل standing order و كل شهر يتسدد رصيد مديونيتك من حسابك اللى فى البنك و متروحش البنك اصلا
بالنسبة للCIB شخصيا فا انا بتعامل معاه من 8 سنين و هما ناس محترمة جدا جدا... على الاقل لما بتحصل مشكلة و تكلم الcall center بتلقى حد بيفهم يكلمك و يديك اجابة... على عكس NSGB مثلا اللى لو اتصلت بيهم حتلاقى كل اسئلتك اجابتها واحدة و هى "روح الفرع بتاعك" كما لو كان الcall center جاب التايهة بالفكرة الخارقة دى
بالنسبة لموضوع الربا و كدة انا مش شايف فيه قصة الربا... انت لو اشتريت النهاردة و سددت قبل ال55 يوم مش حيتحسب عليك حاجة... و لو دفعت مبلغ و بقيت مبلغ للشهر التالى يبقى البنك قدم لك خدمة "السداد بالتقسيط" و طبيعى اى خدمة بيقابلها فلوس... و طبيعى مقابل الخدمة بيتناسب مع المبلغ اللى انت اجلتة للشهر التالى
MMamdouh
استاذ محمد انا هعلق على نقطة هنا من باب التوضيح للأخوة
الأخ بحري قدم في كلامة ان من لا يجيز بطاقة الإيتمان مع التمكن من السداد قبل المدة لا يجيزه لأن العقد يشتمل على شرط صريح بزيادة على الدين وهو ربا محرم كما خلص إلية قرار المجامع الفقهية العالمية.
السداد بالتقسيط يكون على اصل السلعة ويكون معروف ثمن السلعة من البداية مش مثلا 90 الف جنية قيمة الماكينة +15 الف مقابل التقسيط وهذا لا يجوز والجائز هو الإتفاق على ثمن السلعة 105 الف بالتقسيط على مدة زمنية معروفة.
السلعة.
والصورة الي حضرتك بتتكلم عليها هي عين الربا كما كان المشركين يفعلوا في الجاهلية عند موعد سداد القرض إما أن تقضي وإما أن تربي.
كما ان يوجد قاعدة فقهية بتقول كل قرض جر نفع فهو ربا
وربنا يهدينا إلى ما يحب ويرضى
بلاش ندخل الدين و رأي الشريعة في الموضوع
اوافق ممدوح زي ما أنا قلت بالظبط
و علي فكره كنت باستعملها في السعودية اشتري بيها كل صغيرة و كبيرة و حتي حاجات الناس التانية و باطلع كسبان كمية نقاط و جوايز بالهبل .. مش بس استخدام عادي
العبرة في ان انت تكون عارف انت بتعمل ايه .. مش اصرف مافي الجيب يأتيك مافي الغيب
بمناسبة الربــا .. ليا سؤال ( بعد اذن صاحب الموضوع )
اعرف واحد استلف من أخر مبلغ 20 الف جنيه سنة 81 عشان يعرف يعمل شركة ( و هو كان معاه 30 أي ان الشركة ب 50 الف جنيه ) و اتفقا علي رد المبلغ بعد سنة أو اتنين لما الشركة تقف علي رجليها
و ماطل الأخ صاحب الشركة .. سنة و اتنين .. لحد 28 سنة و جاء سنة 2009 و هو مليونير له شركة عندها 3 فروع و هو علي فراش الموت يطالب برد الحق لأصحابه و هو 20 الف جنيه !!!!
ده حـــــــلال ؟؟؟!!!
رفض صاحب القرض .. و قال ( إما 40 % من قيمة الشركة مخصوما منها مرتب ادارة علي 28 سنة ... أو أقل القليل .. فائدة متوسطها 10 % سنويا كأنه كان حاططها وديعة متغيرة الفائدة )
ده حــــــرام ؟؟؟!!!
غريب اوى الجملة المنتشرة فى اى موضوع الاقى حد بيقولك بلاش ندخل الدين
يعنى كما لو كان واحد بيدخل على نوع معين من الخمور -مع الاعتذار لصاحب الموضوع طبعا- ولما نقول حرام يطلع حد يقول متدخلوش الدين
سلفه الفلوس من سنة من عشر سنين من ميت سنة لازم ترجع زى مهى (والا ميسلفش اصلا)
على فكرة الناس دايما بتقول على القرض من غير فلوس هو "قرض حسن" وده خطا واضح
لان القرض الحسن هو القرض مع الله (الصدقة) من ذا الذى يقرض الله قرضا حسنا
اذن القرض العادى ايه فى الإسلام؟ هو قرض بدون اى زيادة من اى نوع
هو انا كنت عايزة اضيف حاجة بسيطة فى حكاية الربا ناخد مثال وهو التلفزيون او النت هل هو حلال ولا حرام الاجابة هتكون على حسب الاستخدام دى نفس الفكرة مش عايز تدخل فى قصة الربا خليك فى فترة ال55 يوم وبعدين انت بيجليك كشف حساب كل شهر بيعرف انت عليك ايه ودفعت اد ايه
النقطة التانية ان ايام الجاهلية كان شخص واحد بيعطى فلوس للشخص وياخدها هو باكتر مما هو اعطها لكن انت دلوقتى بتتعامل مع بنك يعنى محاسبين وموظفين وامن على الفلوس اللى فيه موسسة كاملة يعنى مش شخص بعينه يعنى الناس دى بتقدم ليك خدمة طبيعى انهم يكون لهم مقابل دى قناعتى الشخصية بصراحة
الدخول في العقود الفاسدة هو اثم في حد ذاته
لان المسلم مطالب بالوفاء بالعهد و العقد
فكيف سيكون الحال اذا وقعت تحت طائلة البند الحرام بسبب ظروف خارجه عن ارادتك و ليكن لدواعي سفر او عمل او ضائقة مالية
ستقع في ربا و تكون في حرب مع الله و رسوله
و تعالي نبص لها من منظور تاني ان شرط الفيزا يكون كده
اذا لم تسدد المبلغ قبل 55 يوم سنقتل احد افراد عائلتك او نقطع لك احدي يديك
ساعتها حنقول طب افرض عدي ال 55 يوم ساعتها الموقف مش حيكون لطيف و حتفكر مليون مرة و غالبا حترفض الدخول في العقد ده
اشمعنا في حالة الربا نقول انا حكون مفتح و عمري ما حتاخر ال 55 يوم و نستهون بهذا الاثم و هو اثم عظيم بيضيع صاحبه في الدنيا و الاخره
و ربنا يرزقنا جميعا من الحلال المبارك
بغض النظر عن بقية الكلام..فالنقطة التي في الاقتباس نقطة دقيقة..وهي أن أي خدمة يجب أن يكون لها مقابل..فلتكن إذا رسوما ثابتة لا أن تكون نسبة متراكبة على أصل المبلغ فهناك فرق بين رسم الخدمة و الفوائد المتحصلة على المبلغ
كلام جميل جدا وخصوصا الجزء الملون..وفقك الله
اياك ثم اياك هتلاقى نفسك بتدفع قد اللى بتستلفه مرتين واكتر والله
والدى عملها وخسر بسببها اكتر من 4 الاف جنيه مع انه كان ساحب 4 الاف جنيه فقط ودوخونا علشان نلغيها ويدونا مخالصه بالالغاء اللهم بلغت اللهم فأشهد