معلومات من خبراء الاوبل و كل اللى عندوا فيكترا 97 ،،، افيدونا افادكم الله

السلام عليكم ورحمة الله

يا شباب انا معروض عليا فيكترا اوبل 97 2000 سى سى وحالتها جيده ، كاملة اوتوماتيك وفتحة سقف وفرامل abs وايرباج ،، العربية عاجبانى جدا ولكن لانى لسه جديد فى عالم السواقه كنت عاوز اعرف شويه معلومات ضرورية :

- العربية بتستهلك كام فى الصفيحة داخل البلد وفى السفر ؟
- الضريبة بتاعتها كام فى السنة ، انا سمعت انها 1000 جنيه ، هل الكلام ده حقيقى ولا لأ ؟
- قطع غيارها غالية قوى ولا ايه ، وياريت لو حد يجيب اسعار
- اكشف على العربية عند ميكانيكى ولا فى التوكيل ولو التوكيل هيتكلف كام ؟
- السعر العادل ليها كام ؟
- ايه الحاجات اللى لازم اغيرها فى العربية اول ما اشتريها وتكلفتها كام تقريبا ؟

افيدونا يا شباب افادكم الله ،،، مستنى ردودكم يا احلى منتدى

اقتباس:

---

المشاركة الأصلية كتبت بواسطة m_hasan204

السلام عليكم ورحمة الله

يا شباب انا معروض عليا فيكترا اوبل 97 2000 سى سى وحالتها جيده ، كاملة اوتوماتيك وفتحة سقف وفرامل abs وايرباج ،، العربية عاجبانى جدا ولكن لانى لسه جديد فى عالم السواقه كنت عاوز اعرف شويه معلومات ضرورية :

- العربية بتستهلك كام فى الصفيحة داخل البلد وفى السفر ؟
- الضريبة بتاعتها كام فى السنة ، انا سمعت انها 1000 جنيه ، هل الكلام ده حقيقى ولا لأ ؟
- قطع غيارها غالية قوى ولا ايه ، وياريت لو حد يجيب اسعار
- اكشف على العربية عند ميكانيكى ولا فى التوكيل ولو التوكيل هيتكلف كام ؟
- السعر العادل ليها كام ؟
- ايه الحاجات اللى لازم اغيرها فى العربية اول ما اشتريها وتكلفتها كام تقريبا ؟

افيدونا يا شباب افادكم الله ،،، مستنى ردودكم يا احلى منتدى

---

وعليكم السلام ورحمه الله
اولا اتاكد ان العربيه دي وارد الخارج مش مصري او حتي معوقين واتفك حظرها لان المصري منها من غير فتحه سقف وايرباجز . بص علي الزجاج بتاع الشبابيك لو لقيته جي ام فقط تبقي وارد الخارج انما لو مختوم عليه د جريش يبقي ملعوب فيها ماتاخدهاش كذلك الفرش من جوه هتلاقيه بلاشتاين لو الماني انما المصري تاكي .نرجع لموضوعنا ..
-العربيه بتستهلك حوالي 180 كم داخلي وحوالي 220 كم خارجي في الصفيحه
-ضريبتها حوالي 465ج في السنه
-قطع غيارها مش غاليه ومعمره جدا ( ادخل علي المواضيع المثبته هتعرف كل حاجه)
-السعر حسب الحاله بس المصري هنا تعمل من 45 -50 الف بالكتير ,هي مطلوب فيها كام؟
-هتغير سير كاتينه ودسير دينامو وفلتر هوا وبنزين وطقم بوجيهات وتيل امامي وخلفي وتشيك علي بليه الكاتينه والشداد وطرمبه الميه وطبعا هتغير فلتر الزيت مع الغيار بتاعه .
++اتاكد تماما ان التكييف شغال لان تكاليف اصلاحه مكلفه لو هتخلص في العربيه -كمان ياريت تقولنا الموتور لونه اسود من فوق وعليه لوجو اوبل ولا فضي ومكتوب عليه ايكوتك؟؟
وربنا يوفقك.

اقتباس:

---

المشاركة الأصلية كتبت بواسطة hellboy

وعليكم السلام ورحمه الله
اولا اتاكد ان العربيه دي وارد الخارج مش مصري او حتي معوقين واتفك حظرها لان المصري منها من غير فتحه سقف وايرباجز . بص علي الزجاج بتاع الشبابيك لو لقيته جي ام فقط تبقي وارد الخارج انما لو مختوم عليه د جريش يبقي ملعوب فيها ماتاخدهاش كذلك الفرش من جوه هتلاقيه بلاشتاين لو الماني انما المصري تاكي .نرجع لموضوعنا ..
-العربيه بتستهلك حوالي 180 كم داخلي وحوالي 220 كم خارجي في الصفيحه
-ضريبتها حوالي 465ج في السنه
-قطع غيارها مش غاليه ومعمره جدا ( ادخل علي المواضيع المثبته هتعرف كل حاجه)
-السعر حسب الحاله بس المصري هنا تعمل من 45 -50 الف بالكتير ,هي مطلوب فيها كام؟
-هتغير سير كاتينه ودسير دينامو وفلتر هوا وبنزين وطقم بوجيهات وتيل امامي وخلفي وتشيك علي بليه الكاتينه والشداد وطرمبه الميه وطبعا هتغير فلتر الزيت مع الغيار بتاعه .
++اتاكد تماما ان التكييف شغال لان تكاليف اصلاحه مكلفه لو هتخلص في العربيه -كمان ياريت تقولنا الموتور لونه اسود من فوق وعليه لوجو اوبل ولا فضي ومكتوب عليه ايكوتك؟؟
وربنا يوفقك.

---

10 على 10 يا فادى كلامك مضبوط

شكرا جزيلا فادى وتامر على الرد ،، العربية صاحبها طالب فيها 51 الف ،،، انا بس اللى موقفنى موضوع الضريبة لانى سألت واحد معرفة ليه ناس فى المرور قالى ضريبتها مش هتقل عن 1000 ،،، انت متأكد يافادى ان الضريبة 465 بس مش هدفع حاجة تانى ،،، وسير الكاتينة والحاجات دى هتتكلف فى حدود كام ؟

منتظر ردك يا فادى ،، ومتشكر على الاهتمام

اقتباس:

---

المشاركة الأصلية كتبت بواسطة m_hasan204

شكرا جزيلا فادى وتامر على الرد ،، العربية صاحبها طالب فيها 51 الف ،،، انا بس اللى موقفنى موضوع الضريبة لانى سألت واحد معرفة ليه ناس فى المرور قالى ضريبتها مش هتقل عن 1000 ،،، انت متأكد يافادى ان الضريبة 465 بس مش هدفع حاجة تانى ،،، وسير الكاتينة والحاجات دى هتتكلف فى حدود كام ؟

منتظر ردك يا فادى ،، ومتشكر على الاهتمام

---

لو فابريكه بالكامل واتاكدت انها استيراد مش مصري وحالتها حلوه مش ماشيه كتير فسعرها حلو جدا -الضريبه زي ماقلتلك وانا متاكد ان شاء الله وكمان بتقل 50 ج كل سنه مع احترامي لمعرفتك انا والدتي رئيسه قلم في نيابه المرور سابقا -سير كاتينه 65ج,سير دينامو60ج,فلتر بنزين35ج,طقم بوجيهات جي ام 100ج او بوش 65ج ...كله في الحنين .ماقولتلناش الموتور ايكوتك ولا اسود ؟

الله يطمنك يا فادى ،،، انا لسه هروح اشوف العربية لان الكلام كله كان فى التليفون وهشوف الماتور واقولك علطول ،،، ياريت لو تدينى رقم موبايلك عشان لو احتجتك فى معلومة مستعجلة اكلمك ،،، شكرا

بص ياسيدي جبتلك نص القانون كمان...
الضريبه 1000ج بحد ادني 200ج للسيارات التي تزيد سعه محركاتها اللتريه عن 1630سم مكعب ولا تجاوز 2030سم مكعب علي ان يخفض هذا الرسم بواقع 5% (50ج) عن كل سنه تاليه لسنه الموديل .
++يعني عربيه موديل سنه 97 بقالها كام سنه؟13 سنه
13 ×50= 650 ج مخصومين من ال1000ج تمام .
اذن 1000-650=350 +رسم تنميه + حاجه كمان =465 ج واي خدمه ..

اة يا فادى دة مرجع قانونى وانا معرفش

على فكرة هى مش معوقين لية بقا عشان ببساطة 2000 سىسى واكتر متور بيخش معوقين يبقا 1600
ثانيا بنسبة 99 % العربية ملعوب فيها متغيرلها حجات لية بقا لان الايرباج منزلش الا فى cdx وجميع السيارات الاوروبى
ومبيبقاش فيها فتحت سقف نادرة جدا جدا جدا يبقى الاوقع انها ملعوب فيها على العموم كلة هيبان بسهولة روح التوكيل وهما قبل مالعربية بتخش بيخدو ارقام الشسية وهيقلك هى جية من برة ولا مصرى ودة الحل السهل وغير مكلف

كلام تامر صح مش معاقين
و اغلب الظن ملعوب فى اساسها الا لو المانى اصلى
و سعرها حلو لو بحالة سليمه قوى

انا شاكك فيها بس ماقدرش احكم الا لو شفتها ,اضعف الايمان تكون موافقه استيراديه وانا مستني صاحب الموضوع يرد عليا.

مفيش موافقه استيرادية فوق 1600 الا لو اول مالك ليها بره و نازل بيها و ساعتها جمركها نار

متابع باهتمام

شكرا يا فادى والشكر لكل الناس اللى ردت عليا وانا اسف على التاخر فى الرد لظروف عمل ،،، للاسف العربية اتباعت وماليش نصيب فيها وقدر الله وماشاء فعل ،،، بحاول ادور على حاجة تانية فيكترا فى نفس الرينج