تغيير الزيت للتيجو برة التوكيل

**aboomarahmad** · 08-04-2010 01:12 AM

المشاركة الأصلية كتبت بواسطة kholio2005

الموضوع ان اما جبت العربية كات لمبة الدينامو ساعات بترعش و بالذات اما تكون دايرة وواقفة
و الغريبة ان اما كنت اشغل التكييف او يبقى فيه حمل زيادة من تشغيل الانوار و الشبورة وكدة مكنتش بتعمل كدة فاما روحتلهم و كشفو عليه قالولى ان فيه مكثف او كتاوت فى الدينامو او حاجة زى كدة هو اللى بتعمل كدة لان ساعات اللمبة كانت بترعش و ساعات لأ
المهم هما من نفسهم اللى قالوا ان الدينامو يتغير و مكنش موجود عندهم وقتها فى المركز اللى فى الاسماعيلية و قالولى حيجلنا بعد اسبوعين من الفرع الرئيسى باابو رواش
و بالفعل غيروه فى الضمان و من ساعتها الحمد لله محصلتش تانى معايا

السلام عليكم:

لو كلامهم صحيح ان المشكلة مشكلة كتاوت بس ليه يغيروا الدينامو كله؟
أصلا ان العربية يحصل فيها كدة من الأول حاجة تقلق وتغيظ
عموما ربنا يستر

**kholio2005** · 08-04-2010 03:14 PM

المشاركة الأصلية كتبت بواسطة aboomarahmad

السلام عليكم:

لو كلامهم صحيح ان المشكلة مشكلة كتاوت بس ليه يغيروا الدينامو كله؟
أصلا ان العربية يحصل فيها كدة من الأول حاجة تقلق وتغيظ
عموما ربنا يستر

مش عارف باالظبط بس هو ورانى الدينامو القديم كان فيه مكثف كدة قالى شكله محروق قاللى هو دة كان عامل المشكلة

**hemaa_82** · 09-04-2010 12:16 AM

بوصوا يا اخوانا ..... بيبقي في ايسيهات سيليكون في الدينامو من تحت اللي بيقول عليها الصنايعية"قاعدة السيكونات" دي بتبقي مسؤلة عن تنظيم الجهد من داخل الدينامو مع الكتاوت "cut-out" احيانا لما السيلوكونات دي بتكون واخدة رطوبة او بدأت تبوظ اللمبة بتبدأ ترعش او تسري"تشتغل علي خفيف" بالذات مع دوس البنزين علشان الدينامو بيولد جهد اكبر وقتها .....

الموضوع ده المفروض انه غير مؤثر بنسبة كبيرة علي قدرة الدينامو بس هوه بيعمل لخبطة للسواق... السليكونات دي بتتغير عادي بس طبعا لما تبقي العربية زيرو من حق المالك و واجب علي الوكيل تغيير الدينامو كله لان هية بتركب بلحام و اكيد مش هايلحموها زي المصنع ....

والله اعلم

**kholio2005** · 09-04-2010 03:10 PM

المشاركة الأصلية كتبت بواسطة hemaa_82

بوصوا يا اخوانا ..... بيبقي في ايسيهات سيليكون في الدينامو من تحت اللي بيقول عليها الصنايعية"قاعدة السيكونات" دي بتبقي مسؤلة عن تنظيم الجهد من داخل الدينامو مع الكتاوت "cut-out" احيانا لما السيلوكونات دي بتكون واخدة رطوبة او بدأت تبوظ اللمبة بتبدأ ترعش او تسري"تشتغل علي خفيف" بالذات مع دوس البنزين علشان الدينامو بيولد جهد اكبر وقتها .....

الموضوع ده المفروض انه غير مؤثر بنسبة كبيرة علي قدرة الدينامو بس هوه بيعمل لخبطة للسواق... السليكونات دي بتتغير عادي بس طبعا لما تبقي العربية زيرو من حق المالك و واجب علي الوكيل تغيير الدينامو كله لان هية بتركب بلحام و اكيد مش هايلحموها زي المصنع ....

والله اعلم

تمام كدة يا أ/hemaa تقريبا بالظبط هو ده اللى حصل لان اما كنت وديت العربية لكهربائي بالدينامو القديم و كشف عليه قاللى انه بيشحن عادى
فبالظبط زى اما حضرتك قلت كدة هو ده اللى حصل مع الدينامو القديم

بس هو يمكن انا معنديش خبرة اوى بالفنيات دى فمكنتش عارف ده مكثف ولا كتاوت ولا ايسيهات لحد اما انت وضحت النقطة دى

**ash257** · 09-04-2010 03:22 PM

المشاركة الأصلية كتبت بواسطة kholio2005

تمام كدة يا أ/hemaa تقريبا بالظبط هو ده اللى حصل لان اما كنت وديت العربية لكهربائي بالدينامو القديم و كشف عليه قاللى انه بيشحن عادى
فبالظبط زى اما حضرتك قلت كدة هو ده اللى حصل مع الدينامو القديم

بس هو يمكن انا معنديش خبرة اوى بالفنيات دى فمكنتش عارف ده مكثف ولا كتاوت ولا ايسيهات لحد اما انت وضحت النقطة دى

على كدة بقى التوكيل ده كويس يا جماعة .. كان ممكن يصلح الدينامو أي كلام ويركبه هو هو تاني مادام بيشحن وشغال كويس ويلبس الزبون .. وكمان أخذت الدينامو القديم

أيه الهنا ده

**kholio2005** · 09-04-2010 04:34 PM

المشاركة الأصلية كتبت بواسطة ash257

على كدة بقى التوكيل ده كويس يا جماعة .. كان ممكن يصلح الدينامو أي كلام ويركبه هو هو تاني مادام بيشحن وشغال كويس ويلبس الزبون .. وكمان أخذت الدينامو القديم

أيه الهنا ده

هو ممكن فعلا يكون عندهم أمانة و دى حاجة تحسبلهم اكيد ,بس ده ميمنعش ان ساعات برده بحس ان معندهمش خبرة كفاية
على فكرة انا مختش الدينامو القديم :) بس كشفت على الدينامو القديم قبل ماروحلهم بس هو ورهولى بعد اما غيره و حط الجديد