امبارح اتبعت الخطوات بتاعه التنظيف والحمد لله كله تم على خير وعملت ايديل ليرن وبصراحه عندى rbm مختلفش كتير هو على 900 فهل كده عالى وكنت عايز استفسر عن اعراض تلف الايديل كنترول يعنى اعرف منين انه مثلا مش شغال نهائى والف شكر للرجاله
عرض للطباعة
امبارح اتبعت الخطوات بتاعه التنظيف والحمد لله كله تم على خير وعملت ايديل ليرن وبصراحه عندى rbm مختلفش كتير هو على 900 فهل كده عالى وكنت عايز استفسر عن اعراض تلف الايديل كنترول يعنى اعرف منين انه مثلا مش شغال نهائى والف شكر للرجاله
كده قيمة سرعة السلانسيه معقوله برضه
وأعراض تلف بلف الأيدل معروفه
وهى الفشل فى أرجاع سرعة السلانسيه لوضعها الطبيعى
على الرغم أننا نظفنا البلف ( أكثر من مره )
ولسه آداءه تعبان والمكنه بترعش على السلانسيه وال rpm
نازل على طول على قيم منخفضه مخليه المكنه مش مظبوطه
طبعا ده مع أطمئنانا الكامل لدورة الأشعال
وكفاءة أشارة حساس البوابه
الف شكر يا رجاله ربنا يخليكو لينا يعنى افهم من كلام حضرتكم ان rbm لو وطى خالص يبقى هو كده بايظ معلش اصل انا يا باشمهندس سمير خام قوى فى العربيات يعنى اخر كلمتين حضرتك قولتهم انا مش فهمهم دوره الاشعال وكفاءه اشاره حساس البوابه وربنا يخليكو دايما علشان نتعلم منكم
ياباشا متقولش الكلام دهاقتباس:
معلش اصل انا يا باشمهندس سمير خام قوى فى العربيات
أمال أحنا أخواتك وبنعمل أيه
ماهو علشان كلنا نتعلم
وأنا أول واحد بيتعلم من تجاربكم جميعا
وصدقنى أنا بأستفيد كتير
على الرغم أنى معنديش مشكله فى عربيتى
بس التعلم حلو برضه
على الأقل
أما يقابلنى حاجه فى العربيه
أقدر أتعامل معاها بسهوله
ومفيش صنايعى يعرف يضحك عليا
شوف يا سيدىاقتباس:
دوره الاشعال وكفاءه اشاره حساس البوابه
1- دورة الأشعال
حنفترض أن البوجيهات تعبانه أو البوبينا أو الكابلات
يعنى الشراره حتبقى ضعيفه جوه غرف الحريق
يعنى حريق تعبان
يعنى رعشة مكنه فى السلانسيه
يبقى ممكن يكون عندى مشاكل فى دورة الأشعال
وأنا ظالم بلف الأيدل معايا
زى مايكون واحد سايب الظالم
وعمال يتخانق مع المظلوم
الظالم .................دورة الأشعال
المظلوم ................بلف الأيدل
2- حساس البوابه tps sensor
ده العقر بتاع المكنه
لو فيه أى خلل فى أشارته لأى سبب من الأسباب ( حتى بسبب تقل أو بوش فى قرص البوابه )
حيضلل وحدة وحدة التحكم برضه
وحتبقى مش عارفه هى حتعمل أيه
فى نظامها فى التحكم فى آداء الرشاشات وبلف الأيدل وقت السلانسيه
وبكده الحساس ..............حيبقى هو الظالم
والمظلوم معروف طبعا ( بلف الأيدل )
الله عليك يا باش مهندسنا
الله يخليك ياحمو
وشكرا لك على زوقك المعروف
الف شكر يا باشمهندس وبرنا يخليكم دائما ويستر طريقكم من كل شر
آمين
أحنا والسامعين
انا عندي برده الار بي ام على طول من 850 لحد 900 ومره الميكانيكي خلاه يظبط لحد 800 بس رجع تاني بعدها بتدويرتين
هوه الطبيعي بتاعه كام ؟؟
هل تتذكر عمل أيه علشان يظبط السرعه بالشكل المشار اليه ....؟اقتباس:
ومره الميكانيكي خلاه يظبط لحد 800 بس رجع تاني بعدها بتدويرتين
ملوش رقم محدداقتباس:
هوه الطبيعي بتاعه كام ؟؟
لأنه بيعتمد على مؤثرات كتيره
مثل كفاء بلف الأيدل مثلا
واللى أكيد بيفرق فى آداءه من مكنه لمكنه وحسب حالته كمكون كهربى تابع لأرشادات وحدة التحكم ومدى تأثر عمره الأفتراضى
لأنه عباره عن موتور كهربى بسيط بيشد أبره للداخل والخارج ( ذو تصميم هندسى مخصص لهذا الغرض )
بس عامة من 700 الى 900 ( نقول منطقى ومقبول فنيا )
هوه خلاني جوه العربيه وكل شويه دور وبطل و هوه كان بيلعب في البلف قبل مايركبه تقريبا كان عايز يركبه و السوسته مضغوطة المهم سالته قولتله عملت ايه عشان تظبط قاللى كنت بلعب في الفيشه بتاعت البلف يعني يلمسها ويشلها على طول كان المؤشر بيلعب لحد ماقلي اتظبط كده قولتله تمام بس انا مش مقتنع بالرد ده
طالما الrpm تحت ال1000 علي السلانسيه و الrpm ثابت و لمبه الcheck مش منوره يبقي كله تمام ان شاء الله و خصوصا ان حضرتك لسه منضفه و عامل idle learn
مش عارف والله يا جماعه اشكركم اذاى بس اليوم انا لقيته عالى شويه برده قبل 1000 بشرطه بسيطه ومش عارف من ايه يعنى ممكن اعمل اي محاولات قبل ما اروح لحد علشان مبحبش حد يلعب فى العربيه والحمد لله من ساعه ما جبتها وانا ما رحت لاى ميكانيكى الا لتغير السيور اول ما اشتريت انا عايز اعرف بالظبط ايه هى الحاجات اللى بتخلى الار بى ام عالى واللى ممكن اعملها انا والف شكر تعبتكم كتير
لو فيه تسريب هوا فى منافولد السحب
MMamdouh
ياباشا متروحش لميكانيكى ولاغيره
طالما أنت تحت ال 1000 بشرطه أو قريب من هذا
فأنت فى السليم
أصل صعب برضه تحدد القيمه بالضبط
لأن مفيش تدريج بيقول 825 ولا 900 ولا 800
فكده الوضع كويس عندك
نظف أنت بلف الأيدل تانى وأعمل أيدل ليرن صح ( زى الكتاوج مابيقول )
وخد البوابه معاك نظافه بالمره
وكده أنت تمام أوى
أصل كل مكنه وليها rpm سلانسيه مختلف عن التانى
طبقا لظروف التجانس بين وحدة التحكم والبلف نفسه وكفاءة البلف عليها أعتبار أيضا
وفيه متغيرات تانيه كتير
__________________________________
الميكانيكيه مابيصدقوا حد يقع تحت أيديهم
ويقعدوا يوصفولك فى علاجات على الفاضى
وكل واحد منهم ليه رأيه مختلف عن التانى
زى معظم الدكاتره
متقولش واخدين دكتوراه فى الميكانيكا
من كوالا لامبور
فالبعد عنهم بقدر الأمكان ............مطلوب جدا
ربنا يخليك يا باشمهندس سمير وربنا يكفيك ويكفينا شر الطريق ويبارك لك فى صحتك وسكفيك شر المرض انت كده ريحتنى وان شاء الله اعمل بالنصيحه ولك منى كل الاحترام والتقدير
الله يخليك
وأشكرك على زوقك