أنا بستعمل عطر العرسه :36_1_2[1]:
أصل انا عربيتي 128 واللي عنده 128 فاهمني كويس :36_1_1[1]:
عرض للطباعة
أنا بستعمل عطر العرسه :36_1_2[1]:
أصل انا عربيتي 128 واللي عنده 128 فاهمني كويس :36_1_1[1]:
انا عن نفسي بجيب ملمع طبلو ب5 جنيه حسب الريحه الي بتعجبني و برش منه كل اسبوع ولا حاجه حسب استخدامي للعربيه اهو منه بيلمع الطبلو جامد و منه ريحه بس الكشله لو الجو تراب اوي في وساخه و دخلت بتلزق علي الطبلو علطو ل و بتبان عليه بس بمشحه يرجع كويس تاني
بس بردو انا بركب عربيات بتبقا مملكه من جوه و رحتها جامده و اغلبهم عربيات معدله بيحطو ايه نفسي اعرف!!!!!
انا عن نفسى جربت حاجات كتير قوى
اول حاجه الفواحات العاديه زى الشجرة واكس غاليه وريحتها بتروح بعد كام يوم
تانى حاجه معسل التفاح وده بقى فكرة فاشله تماما
الحاجه اللى جربتها وذهلت من نتيجتها بصراحه هى كيس الاسانس ابو اتنين جنيه ده هو مشكلته انه شكله بايخ فى العربيه فانا جبته وعلقته فى النجفة اللى فى حجرة الصالون فى البيت ووالله العظيم ريحة الاوده بقت كلها نفس ريحه الاسانس حتى مع ريحة دخان السجاير ومع فتح الشبابيك ورش البيروسول برده الريحه لازقه وكل ما اخش اشمها ريحه عنيفه وجامده جدا بس لحد الان انا برده مستبوخ شكل الكيس فى العربيه بس لو لقيتله مكان مستخبى ممكن احط واحد
بعد ما تغسل عربتك وترؤها هات عود بخور بس نوع يكون محترم وولعه جوه العربيه واقفل الزجاج كله والابواب وسيبه لحد مايخلص بعد كده ارمي البواقى بتحته واقفل العربيه ساعتين او اكتر كده هتلاقى ريحه البخور مسكت فى العربيه وادعيلى مجربها وارخص
انا جبته من بتاع المنظفات اللى تحت البيت عندى
وموجود عند كل بتوع المنظفات
وفى ناس كتير ابتدت تبيعه فى الاشارات وخصوصا الحته الزحمة وانتى معديه من موقف العاشر بس بيبيعوه غالى شويه ب 2 جنيه ونص (:
عموما الاسانس اللى حضرتك جبتيه بالسعر ده زيت انما اللى انا باتكلم عليه اسمه عطر مائى وده رخيص جدا وبيتخفف بماء وليس كحول زى الزيت ممكن حضرتك توضحى لبتاع العطور انتى عايزه ايه بالظبط قوليله عطر مائى من اللى بيتحط فى الفواحات
عليك وعلي كامينا زي ما قال الخبراء بالمنتدي
وبيتباع عند العطارين بالجرام يعني مش لازم تشتري الزجاجه ام 45 جنيه وكل ريحه بسعر
هو كان فيه احد الاعضاء عامل موضوع عن كامينا ده بس للاسف معرفتش اوصل للرابط لانه كان من زمان
بس هو عباره عن مكسبات طعم معروفه عند بتوع المنظفات وعند العطارين وبروائح كتير لانها كلها مكسبات طعم بتتحط علي العصائر والاكل وكده
انت بتشتري عبوه او لو العطار بيبيعه فرط هيديك زجاجه انا اشتريت من عند العطار فرط 50 مل من نوع التفاح ب 10 جنيه وطبعا بتأخد منه شويه وتخففهم في بخاخه بالماء وترش بقي زي ما انت عاوز وممكن تحقنه برضه انا كنت بعمل كده بحقنه خام في الكراسي والفتحات التهويه بيعمل جو حلو
وده موضوع تاني برضه احد الاعضاء عامله عن المعسل وبيستخدمه معطر وحلو برضه الموضوع ده
الرابط بتاع الموضوع المعسل اهو
http://www.nilemotors.net/Nile/97958-a.html
انا جربت موضوع الاسانس ده في ريحة بس ضعيفة مش قوية مش عارفة هي بيتبقي كده ولا علشان الاسانس طلع زيت
هحاول اوصل للعطر المائي ده واقولكم الاخبار
افضل انواع المعطر هى الشجره الامريكى الاصلى علشان فى تقليد انا بستخدمها بقالى سنتين وشغاله معايا كويس جدا واحسن الالوان الاسود والبرتقالى .