يا جماعة انا تعبت
كل لما اجيب نوع معطر يطلع مش حلو جربت جليد لقيت اللي في التكييف حلو بس لما بشغل التكيف بس والنوع الجيل مش بيعمل حاجة
حد يعرف طريقة تخلي رائحة العربية معطرة باسمرار
عرض للطباعة
يا جماعة انا تعبت
كل لما اجيب نوع معطر يطلع مش حلو جربت جليد لقيت اللي في التكييف حلو بس لما بشغل التكيف بس والنوع الجيل مش بيعمل حاجة
حد يعرف طريقة تخلي رائحة العربية معطرة باسمرار
والله انا جربت انواع كتير زى الورق وكمان الجيل وبيروح على طول بعد يوم من الاستخدام.
انا منتظر رد الأعضاء يمكن يفيدونا
متابع باهتمام
مفيش حد جرب انواع معطرة ولا ايه
انا بستعمل علطول الشجره بحوالي 8 جنيه
بس المهم انك متفنحاش كلها علطول بتتفتح كل اسبوع حوالي 1سم
في تدريج على الكيس من بره
متلبع لأن نفسي الاقي حاجة معمرة ومش لاقي...
راجع الموضوع ده....
http://www.nilemotors.net/Nile/111472-a.html
انا اقصد المعطر الفواحة اللي على شكل شجره اللي بتكون موجوده في اي بنزينه
وطب وازى بتقدر تنزل واحد سم بس انا حولت ومعرفتش لقيت انى لازم اقطع الكيس ولما قطعتها اتقطع جامد وعلى فكرة سعرها 10 مش 8
هو الكيس بيكون مدرج من الظهر انت بتفتح فتحة صغيرة على شكل مثلث بيكون متعلم برده وبعد كده بتقطع من تحت وهيكون مكتوب اول اسبوع وتانى اسبوع وكده وعلى فكرة متشتريش من بنزينة بيكون غالى ممكن من محل اكسسوارات او لو ليك اصدقاء عايزين يشتروا ممكن تشترى علبه من التوفيقيقة بيكون جملته حوالى 5جنيه والعلبه بيكون فيها 25
مع العلم ان ده المريكى الاصلى
عن تجربة فى المعطرات شوية انا شغال على مغطر الاكس الاحمر والاسود وعلشان تعطر العربيه صح يبقى تحط فى كل مكان معطر انا حاطط على 3 شبابيك معطر وفى المرايه واحد وفى دراع المساحات 1 فى الشنطة 2 ومشاء الله فل بس تفتحهم تدريجى وانا بقالهم معايا بتاع اسبوعين وزى الفل بس ركبهم فبل متنام والصبح تلاقى ريحة العربية حلوة بس دى اخر تجربة وصلتلها
بعد تجربة كل المعطرات مافيش احسن من اسانس الفواكة عباة عن كيس بلاستيك به سائل و رخيص جدا
ممكن تجيبه من بتوع العطارة او المنظفات و اسمه اسانس فواكة معطر
تخيل الربع كيلو ب 3 جنية
كل اللى محتاجة فى الكيس علشان العربية حوالى 30 ملى
يعنى الربع كيلو يكفيك حوالى 7 مرات ممكن يكفيك سنة
على فكرة هو بيلفة فى كيس انت هات خيط او خيط سلفان ( علشان الشكل الجميل ) و اربطة فى المراية الامامية
انا جربت كل المعطرات و جربت كمان المعسل
مافيش احسن من الاسانس و ارخصهم و اوقواهم
الاسانس ده بيستعمل فى تعطير الملابس بدل داونى
انا لسه جايب ريحة الفل ...........ززرائعععععععععععععع عععععععع
انا لسا جايبة من بتاع اكسسوارت عبارة عن كيس به سائل
الفل منه جميلللللللللللللللللللللل ل جداجدا
احلى معطر واللى بيقعد فتره طويله هو mon Areon اللى بريحه جوز الهند (سعره 7 جنيه ) وبيقعد من اسبوعين الى 3 اسابيع ورائحته قويه جدااا وجميله جدااا
أنا لقيت المفيد الي كنت بدور عليه
عبارة عن زجاجة صغيرة و عليها من برة إطار خشب شكله تحفه و الغطاء بتاعها خشب
بس مافيش منها غير ريحة التفاح ( تحفه اصلاً )
هو مستورد من بلغاريا و كان بـ 18 جنيه من بنزينة التعاون الي تحت كوبري الدقي
الميزة بعد ما الأزارزة تخلص ( واضح انها هتاخد وقت بقالها 10 أيام و الريحة زي ما هي و ما نقصتش ) ممكن تملها اي برفان انت بتحبه
جونسون المستورد البخاخه
بيتباع فى سبينيز
تقريبا ب 20 جنيه
تدى بخه او بختين لما تركب و يفضلوا مروقين العربيه طول اليوم
إشتريت أمس أسانس مركز (خوخ) و مجرد ما فتحت الكيس ريحة تحفة
أنا أشتريت 100 مل ب 5 جنيه حطيتهم فى زجاجة و خليت شوية فى الكيس و خرمته خرم صغير و الريحة ملت العربية بشكل مذهل و لما تخلص نحط شوية من الزجاجة و طبعا مش بيطير بسرعة زى العطور العادية
بتشتريه من عند بتوع المنظفات
احسن حاجة المعسل
أولا أنا من اسكندرية و لقيته بمنتهى السهولة
اول واحد سألت عنده قال لى خلص بس بيجيبه و تانى واحد لقيت عنده تفاح و خوخ
وزن لى 100 جرام و حطهم فى كيس شفاف (كيس لبن)
و لو عندك زجاجة أو أى حاجة تحط فيها ماشى
و ممكن تحطه فى فواحة قديمة شوية بشوية
حطيت الكيس جنبى فى الكونسول عادى و خرمته خرم صغير ينفس منه و سبت العربية ساعة و جيت لقيت ريحتها خووووووخ جامدة جدا
فى حاجه من جليد شبه كانز البيبسى و بتتفتح زى ما بتفتح الكانز بالظبط و جواها ماده كده ناشفه بتتطاير كل شويه و بتقعد كتير جدا انا جبتها و قعدت بتاع شهر و نص او شهرين و كل ما حد يركب العربيه عندى يشمها هى ب 25 جنيه بس تستاهل
بس خلى بالكو لان بدا يبقى فى منها تقليد لازم تكون مكتوب عليها جليد فى منها بالفواكه و فى منها بالليمون انا جربت اللى بالفواكه تحفه هتحس انها لمون
الخلاص بقي في المعطراات
هما حاجتين
1_ الشجرة الامريكي مش الصيني والمريكي النااس بتبيعوا ب 8 جنية و10 جنية انا بجيبوا ب خمسة جنية ونص والمحلات اللي مش غالية 7جنية
2_ الاريون ودة برو جميل جدا وبنفس السعر 7 جنية
غيير كدة ماتجبشي
عند محلات اتنين ونص ف كل المولات هتلاقوا كيس كده شكله شيك اوى فيه معطر سائل زى بتاع الفواحه كده بس تحفه
وبقاله 10 ايام ف العربيه ومخلصش
وعلى قكره انا جربت برده المعسل التفاح بتسيب الكيس ف العربيه بيعمل ريحه جامده وبيقغد شهر تقريبا
المعطر السائل اللي بيتعلق في ريش المكيف أحياناً مع الحر السائل بيتطاير على دهان التابلوه ويبوظه
سمعت من طبيب اثق به جيدا ان جميع انواع المعطرات الصناعية يجب وضع مادة طيارة بها لسهولة انتشارها
الموادي الطيارة دي عند استنشاقها تدخل مباشرة الى الكبد وتسبب له امراض خطيرة
وتدخل ايضا الى المخ وتاثيرها مدمر
رجاء التاكيد من اطباء المنتدى
طب و أيه البديل يا أستاذ كريم ؟ حضرتك بتستعمل ايه بديل ؟
متابع و موضوع الاسانس ده دخل دماغى اوى
انا جربت حاجه كده و طلعت حلوه
رحت لفيت فى العتبه و لقيت محل للعطور ببيع العطور المركزه و لقيت عنده روائح الفواكه و حاجات كتير و سالت عن سعر ريحه الفواكه لقيت سعر الكيلو الخام المصرى 30 جنيه فقط تخيلوا
و لقيت هناك برده ريحه اللفندر بنفس السعر رحت مشترى كيلو لفندرو قلت نجرب برده مش هنخصر حاجه و اشتريت منه زجاجه فضيه من عنده و حطيت فيها الريحه المركزه على طول من غير تخفيف و رشيت فى العربيه و حطيت شويه فى كيس و ربطه فى شنطه العربيه ( انا عندى 307) و كانت النتيحه مزهله و دامت كتيير و لسه عندى ما يقرب من تلتين الكميه:Ta_clap[1]:
و يوجد فى المحل العطور الى اشتريت منه روايح كتير من فواكه الى ريحه الصابون و دوف و برسيل و اريل:36_1_1[1]:
العضوية بتتحسب على أساس عدد المشاركات اللى حضرتك بتعمليها
أعتقد عضو جديد لغاية 200 مشاركة و بعدها فعال و هكذا
بالنسبة لرفع الصور حضرتك تختارى أى موقع لرفع الصور زى العملاق أو حمل و تحملى عليه الصورة من جهازك و بعد اتمام التحميل هيديكى روابط الصورة تأخدر رابط المنتديات و تنسخيه فى المشاركة تظهر الصورة باذن الله فى مشاركة حضرتك
انا بقول لحضرتك اللى انا جربتها كانت بالفواكه و اللى جرب الليمون ماشكرش فيها خالص بس اللى بالفواكه تحفه و بتقعد اكتر من كده بكتير مش عارف ايه المشكله اللى عند حضرتك بصراحه
بس هو ساعات انت مش بتبقى شاممها علشان انت اخدت على ريحتها لكن اللى بيركب العربيه معاك هو اللى يحكم
و على فكره فكره المعسل دى فاشله اوى انا جربتها و رميته تانى يوم مش بيعمل ريحه للدرجه غير ان ريحته تحس انك قاعد فى قهوه بلدى