الموضوع: عايزة معطر للسيارة

المشاركة الأصلية كتبت بواسطة mada121977

احلى معطر واللى بيقعد فتره طويله هو mon areon اللى بريحه جوز الهند (سعره 7 جنيه ) وبيقعد من اسبوعين الى 3 اسابيع ورائحته قويه جدااا وجميله جدااا

المعطر ده منيين وبيتباع فين

المشاركة الأصلية كتبت بواسطة w_abedelhakim

المعطر ده منيين وبيتباع فين

المعطر ده صناعه بلغاريا وهتلاقيه فى محطات البنزين .. هو فيه منه كذا رائحه (تفاح وفراوله وفانيليا ...) بس احسنهم هو جوز الهند

المشاركة الأصلية كتبت بواسطة mahmoudbadr

إشتريت أمس أسانس مركز (خوخ) و مجرد ما فتحت الكيس ريحة تحفة

أنا أشتريت 100 مل ب 5 جنيه حطيتهم فى زجاجة و خليت شوية فى الكيس و خرمته خرم صغير و الريحة ملت العربية بشكل مذهل و لما تخلص نحط شوية من الزجاجة و طبعا مش بيطير بسرعة زى العطور العادية

بتشتريه من عند بتوع المنظفات

ازاي في كيس وحطيت الكيس فين وفين بتوع المنظفات دول بس انا بدور ومش لقيهم
قولي انت جبت منين

المشاركة الأصلية كتبت بواسطة w_abedelhakim

ازاي في كيس وحطيت الكيس فين وفين بتوع المنظفات دول بس انا بدور ومش لقيهم
قولي انت جبت منين

كيس عادى أبيض شفاف من اللى بنحط فيه السندوتشات الصبح للعيال
وبتوع المنظفات ماليين الدنيا فى الأحياء الشعبية
وعلى فكرة بيتباع الكيس فى التوفيقية بـــ 2 جنيه تقريباً جواه 100 ملى تقريباً جميع الروائح
ومحطوط الكيس الشفاف جوة كيس شيك بتاع السبوع

فى حاجه من جليد شبه كانز البيبسى و بتتفتح زى ما بتفتح الكانز بالظبط و جواها ماده كده ناشفه بتتطاير كل شويه و بتقعد كتير جدا انا جبتها و قعدت بتاع شهر و نص او شهرين و كل ما حد يركب العربيه عندى يشمها هى ب 25 جنيه بس تستاهل
بس خلى بالكو لان بدا يبقى فى منها تقليد لازم تكون مكتوب عليها جليد فى منها بالفواكه و فى منها بالليمون انا جربت اللى بالفواكه تحفه هتحس انها لمون

المشاركة الأصلية كتبت بواسطة mohamed_alshafie

فى حاجه من جليد شبه كانز البيبسى و بتتفتح زى ما بتفتح الكانز بالظبط و جواها ماده كده ناشفه بتتطاير كل شويه و بتقعد كتير جدا انا جبتها و قعدت بتاع شهر و نص او شهرين و كل ما حد يركب العربيه عندى يشمها هى ب 25 جنيه بس تستاهل
بس خلى بالكو لان بدا يبقى فى منها تقليد لازم تكون مكتوب عليها جليد فى منها بالفواكه و فى منها بالليمون انا جربت اللى بالفواكه تحفه هتحس انها لمون

انا جبيتها واتاكدت انها من جليد كانت في المركاتو واستعملتها قعدت 3 ايام وكانت ريحتها خفيفة جدا وراحت بعد كده تماما مكنتش حلوة خالص كانت باليمون