الموضوع: فك الاكصدام الامامى لللانوس

بص وعن تجربة فك الأكصدام ارخم ما شوفت الصراحة لأن صواميله بتكون مصدية وبتبقى رخمة فى فكها وخصوصا لو كنت هتفكها بالشاسيه الحديد بتاعها انا رحت لسمكرى فكلى وركبلى الجداد وأستنى برضوا رأى الخبراء

متابع...........

المشاركة الأصلية كتبت بواسطة popahly

صواميله بتكون مصدية وبتبقى رخمة فى فكها

+1

1- عالعموم هو في مسمارين او تلاته ماسكين الإكصدام في المكان اللي تحت شبكه التهويه بتاعت الريدياتير , وبيبانو لما تفتح الكبوت طبعا , هتلاقيهم عالوش على طول

2- واعقتد ان الشنب بتاع كل فانوس بيكون تحته مسمار , مش متأكد بصراحه

3- وبعد كده هتفك المسامير اللي شابكه الغطا الفبر اللي فوق العجل (اللي بيحمي الرفرف من جوا من الاتربه والميا) بالإكصدام , و وراه غالبا هتلاقي مسامير كبيره (المسامير الأساسيه) شابكه الإكصدام في العربيه

4- واحتمال يكون في مسامير كبيره بتتفك من تحت العربيه من ادام

وعلى فكره الشاسيه الحديد اللي تحت الإكصدام بيتفك في مرحله تانيه لوحده بعد فك الأكصدام

بالنسبه للنقطه رقم 3 و 4 هي مجرد اجتهاد من خلال مشاهدتي لفك الإكصدام الخلفى عندي , وبالتالى الأمامي هيكون قريب من نفس الفكره

المشاركة الأصلية كتبت بواسطة mohammad_alshamy

+1

وعلى فكره الشاسيه الحديد اللي تحت الإكصدام بيتفك في مرحله تانيه لوحده بعد فك الأكصدام

بالنسبه للنقطه رقم 3 و 4 هي مجرد اجتهاد من خلال مشاهدتي لفك الإكصدام الخلفى عندي , وبالتالى الأمامي هيكون قريب من نفس الفكره

بس يا بشمهندس محمد انا لما فكيت الأكصدام القديم بتاعى من حوالى شهر فكيته حته واحدة بالشاسيه وعلى فكرة كل كلمه قولتها قبل كدا صح بالنسبة للمسامير التانية اللى فى الجنبين، وفى رأيى المتواضع الأمامى ارخم فى فكه عن الخلفى لأن الوقت اللى اتفك فيه الخلفى عندى كان اسرع بكتير من الأمامى مع إختلاف طبعا انك هتفك الغطيان الفبر اللى فى الشنطة علشان تعرف تفك الأكصدام الخلفى

المشاركة الأصلية كتبت بواسطة popahly

انا لما فكيت الأكصدام القديم بتاعى من حوالى شهر فكيته حته واحدة بالشاسيه ، وفى رأيى المتواضع الأمامى ارخم فى فكه عن الخلفى لأن الوقت اللى اتفك فيه الخلفى عندى كان اسرع بكتير من الأمامى مع إختلاف طبعا انك هتفك الغطيان الفبر اللى فى الشنطة علشان تعرف تفك الأكصدام الخلفى

كلامك حضرتك تمام جدا , وبصراحه انا مقدرش اقول حاجه عكس كلامك في حكايه ان الإكصدام بيتفك بالشاسيه الحديد لاني مجربتش سواء بنفسى او عن طريق صنايعي , انا مصدقك

بس ده كده فعلا هيبقه حوار وصعب الواحد يعمله بنفسه الا اذا كان عنده جراج خاص والعدد والأدوات الصح !!! عشان يعرف ينام تحت العربيه ويفك الليله دي

عالعموم ياريس احنا كلنا بنجتهد بالتفكير , وانا مقصدش بكلامي اني اعاكسك الرأي بس انا كنت بتوقع طريقه الفك من خلال تجربة فك الإكصدام الخلفى