اقطع دراعي .. ولا بلاش دراعي
المهم انا متأكد انها مشكلة فلاتر و مداخل
عرض للطباعة
اقطع دراعي .. ولا بلاش دراعي
المهم انا متأكد انها مشكلة فلاتر و مداخل
لا يا ريس ابيع انا العربيه بس تسيب دراعك زي ماهوه :))
والله ياباشا غيرت و جربت 100 مره دول اصلهم شويه فلاتر مش هايعملو 50 جنيه يعني مش قضيه لما اغيرهم..كمان تعالا نفترض انو فلتر مسدود و منيل بنيله اعتقد انو مش هيحسن الاداء غير لما اغيره مش لما انزل اجيب حاجه وارجع
انا كنت ملاحظ نفس الملحوظة و عامل بيها موضوع برده في قسم الدايو لسه امبارح
http://www.nilemotors.net/Nile/139459-a.html
لمجرد المعلومات فانا عانيت نفس الظاهرة على مدى 15 سنة مع 16 عربية من أول السيات 133 لحد التويوتا كورولا مرورا بالفيات 126 و 127 و128و131 و132 والفولكس بيتلز والدايو لانوس والشاهين والنيسان صنى، ولأنها متعددة الأسباب فخلاصة ما وصلت اليه بشأنها هو اللى انا شرحته فى مداخلتى الأولى، اما بالنسبة لأفضل وقت للغيار فالقاعدة الشهيرة هى ان عدد لفات الموتور عند الغيار يتناسب طرديا مع حالة تحميل المحرك، يعنى كل ما كنت رجلك خفيفة على البنزين-العربية مش محملة ناس-منتاش طالع مطلع غير بدرى، يعنى مثلا ماشى الهوينى كدة فى الطريقى والطريق عدل او نازل وانت لوحدك فى العربية ، غير على 2300-2500، العربية محملة وانت قارص عليها وفى مطلع غير غلى 4500، وطبعا الأمور تتناسب بتناسب الحمل بين الحالة الهينة الأولى والحالة القصوى الثانية، لكن لو غيرت بدرى وانت كابس بنزين ده هيخلى المحرك يؤخر الحريق ويربى كربون لو فيه حساس تسقيف، وهيخليه يسقف لو مافيهوش حساس، ولو غيرت متأخر وانت ماشى بالراحة فده اهدار وقود بدون داعى وبرضة ممكن يربى كربون لأنك بترمى بنزين كتير فىالمحرك بدون حمل فعلى يحتاجه
أحب أعبر عن اعجابى بالمهندس / سبعاوى:s1[1]:
اه والله
sab3aawy
بس مش 4500 كتير اوي يا باشمهندس ؟
انا مثلا لما باكون على مطلع كوبري اوي كده باغير على 3000-3500 , هل ده فعلا غلط ؟؟؟
و يا ترى القاعدة دي تفرق من غيار لغيار ؟
يعني هي هي تنطبق لو باغير من التاني للتالت زي ما باغير من الرابع للخامس مثلا ؟
انا اسف على الالحاح و التطويل لكن هي رغبة في الاستزادة و جزاك الله خيرا
ياباشا مافيش داعى للشكر احنا اخوات واللى بنقدر علية بنساعد بية
وبعدين موضوع "الحذاء "اللى حضرتك شكيت فية فهو بس بيعمل اختلاف فى حاجتين اتنين مدى حساسية القدم للضغط على دواسة البنزين والفرامل وحسب اختلاف "نعل"الحذاء.وماعتقدش دول عندك
بس صدقنى مشكلة ان العربية بتكون مخنوقة من مشاكل الفلاتر سواء بنزين او هواء
طيب هاقولك شوف ضغط طلمبة البنزين قوى ولا لأ بردة بيبقى من احد اسبابها ضعف امداد المحرك بالبنزين اللى محتاجة الماتور لتسهيل عملية الاحتراق
وبعدين فية سؤال عايز اعرف منك اجابتة حضرتك كاتب ان اى عربية بتسوقها بتعمل كدة معاك حتى لو زيرو ولا انا فهمت غلط
والله يا استاز semsem kane اي عربيه سقتها حصل فيها كده و والله كمان في منهم زيرو و حاجات ماشيا 15 و 20 الف و حاجات يدينا و يديك العمر قلبت عداد مرات كتيره ..انا عشان خطرك ان شاء الله اول مافضي هانزل اغير فلتر البنزين و الهوا و الزيت انا لسه مغيره من اسبوع و ان شاء الله ارجعلكم باخبار سارره.
mechbolla
سلام عليكم , مش عارف ليه من كلامك يا اخي العزيز (اعذرني ما اتشرفتش باسمك) بدأت اقتنع ان الموضوع بنزين فعلا , انا مثلا مش بامون من بنزينة واحدة , لأ انا اغلب تمويني من بنزينة معينة , و الجزء الصغير الباقي من 3 او 4 بنزينات تانيين , و ملاحظ زي ما بتقول ان العربية بتبقى يوم مخنوقة و حالتها صعب و يوم فايقة و فريرة
يوم ما حصل اني كنت ماشي بالعربية و هي مخنوقة , كان ساعتها التنك عن النص , و دخلت حطيت 20 لتر في بنزينة مش هي اللي اغلب تمويني منها , و بعدها طلعت بالعربية فايقة
كده ظني و الله اعلم ان البنزينة اللي اغلب تمويني منها دي بتضرب البنزين , لأن العربية من يوم ما مونت اخر مرة و هي زي الفل و بتجري بنعومة جدا حتى على ال RPM العالي
لو استنتاجي صحيح اظن هايبقى نفس الشيء معاك
اقتباس:
لن ادفع فى كيلو لحمة نفس المبلغ الذى ادفعه ثمنا للوقود اللازم لانتقالاتى لمدة اسبوع كامل, انا مقاطع اللحمة بكافة اشكالها، ولو الفراخ والسمك غليوا هقاطعهم، حتى لو انتهى بى الأمر الى الاعتماد على البرسيم مصدرا للبروتين فلن ادفع فى اى مادة غذائية اكثر مما تستحق
:C_laugh[1]:
معك كل الحق تماما
فى هذه المقوله