أين العربيه يا أخى ............................؟اقتباس:
انا ساعات اجي امشي بالعربيه تكون تقيله دهيه و امشي بيها مشوار 10 او 15 كيلو وابطل وانزل اجيب حاجه واجي تصبح حاجه تانيه خالص
عرض للطباعة
أين العربيه يا أخى ............................؟اقتباس:
انا ساعات اجي امشي بالعربيه تكون تقيله دهيه و امشي بيها مشوار 10 او 15 كيلو وابطل وانزل اجيب حاجه واجي تصبح حاجه تانيه خالص
نحن نريد بيانات حقيقيه تعبر عن حالة عربيه
بصوره تقريبيه
مثل ماهو موضح بهذا الموضوع المتواضع
http://www.nilemotors.net/Nile/75775-a.html
معلش هسألك سؤال و والله بدون تهريج :هل بتحس بالأعراض ديه في اوقات معينة كمثال في تغيير الفصول زي من 3 اسابيع كده لحد دلوقتي؟
لو كده تأكد ان كلام م/خالد سبعاوي مضبوط جدا بالنسبة لخصائص الهواء خصوصا وحرارتة .
انا بحس نفس الأعراض والله ومن فترة تأكدت انها من عوامل الجو.
بالمناسبة كمان صدري بيجيلو حساسية في الوقات ديه من السنة :) وديه برده بجد
بالمناسبة ومجرد تجربة مش اعلان :انا كنت بمون من موبيل العروبة دائما ولاحظت ان الأداء سئ بعد انتهاء نصف البنزين الي في التانك
الأن بحاول امون من شيل مصطفى النحاس الدنيا مضبوطة اكثر
شكرا جزيلا
المهندس سمير:
انا حضرتك باتكلم علي اي عربيه بركبها و مش عربيه واحده...يعني انا اقصد انها ظاهره وليست حاله عشان كده لم ازكر مواصفات السياره
ahmadalaaeldin
انا للاسف بلاحظ الموضوع ده عالطووووول ده والله ساعات بكون ماشي لواحدي في طريق مستوي مش منحدر ولا مطلع والاقي العربيه سحبت شويه بعدين ترجع تاني...واضح انها حاجه عشوائيه و اعتقد بنسبه كبيره نتيجه لمشكله عشوائيه في المدخلات للمكنه زي مثلا البنزين و اكيد مش الهوا لانه مش هايفرق هنا عن كمان 20 متر...والله اعلم
طالما ظاهرهاقتباس:
المهندس سمير:
انا حضرتك باتكلم علي اي عربيه بركبها و مش عربيه واحده...يعني انا اقصد انها ظاهره وليست حاله عشان كده لم ازكر مواصفات السياره
يبقى منقدرش نقول حاجه
أكتر من قول
خالد بيه
مافيش جديد في الموضوع ده ؟
تاني
مافيش جديد في الموضوع ده عند صاحب الموضوع ؟
اولا الحمد لله انا اطمنت على نفسى و على عربيتى لانى بحس الموضوع ده من زمان و اتاكدت انه ملوش علاقة بالبنزين
انا اتاكدت انه ليه علاقة بتوقف العربية و اعدة تدويرها تانى
مش عارف ليه انا ابتديت احس ان الموضوع احتمال يكون ليه علاقة بعلبة الفحم charcoal canister ( الى موجودة فى بعض العربيات بجانب التانك ) و دى مسئولة عن امتصاص بخار البنزين اثناء عمل السيارة و المفروض صمامها بيفتح ( معرفش امتى ) و بيغزى مخلوط الهواء الى داخل للسيلندر ببخار البنزين ده فاحتمال و الله اعلم ان الكومبيوتر بتاع العربية متبرمج ان ميفتحش صمام العلبة الا بعد ما تمشى المشوار الاولانى و تبطل و ترجع تدور تانى
و الله اعلم
انا بس حبيت اشكر المنتدى الرائع لانى فعلا كان بقالى سنة مقتنع ان عندى حاجة غلط فى العربية بس انتوا طمنتونى ان العندى طبيعى
تخيل انا لاحظتها في عربيتي
ايه ده
بعد ما الواحد بيقف دقايق ويمشي تاني بتحس السحب بقى رائع
مش علطول بس بتحصل
فكرني بالكمبيوتر احيانا اول تشغيله تلاقي خمسين الف برنامج بدأوا مع الويندوز ويبقى تقيل ولازم اعمل ريستارت علشان الكمبيوتر يبقى خفيف
الظاهر لازم نعمل للعربية ريستارت هههههه