الموضوع: استفسار بخصوص الجنوط

المشاركة الأصلية كتبت بواسطة omdaz_5538

اللى رقمها 3000 دى اوتو بتاعت ابن خال صديقى و كان متركب لها الجنط اللى فى الجيتا مو88 الزرقه اللى متعدله
انا اللى بتكلم عليها دى بتاعت صحبى اسم شريف ماكرونه لونها ابيض برضه وزى بتاعت طنانى بالظبط (اسم الشهره) هو عنده محل قطع غيار اوبل الوحيد فى شبين

عارفه بس كان معاه رينو و عارف الجيتا كانت بتركن فى أخر شارع كلية التربية بس شريف دا أسعاره غاليا بغباء التيل ب 160 ورا و 180 قدام و سألت عليه تانى يوم فى طنطا كان ب 120 ورا و 150 قدام كان فرق كبير جدا بينهم
بس ما قولتليش العفشة عند مين عمى كان قايلى على واحد فى الراهب مدرس فى الصنايع و بيقول عليه ممتاز

المشاركة الأصلية كتبت بواسطة tananybasha

ربنا يستر هاشوفها بكره

نويت تغير يا كبير ربنا يتمملك بخير

عارفه بس كان معاه رينو و عارف الجيتا كانت بتركن فى أخر شارع كلية التربية بس شريف دا أسعاره غاليا بغباء التيل ب 160 ورا و 180 قدام و سألت عليه تانى يوم فى طنطا كان ب 120 ورا و 150 قدام كان فرق كبير جدا بينهم
بس ما قولتليش العفشة عند مين عمى كان قايلى على واحد فى الراهب مدرس فى الصنايع و بيقول عليه ممتاز

الرينو دى بتاعت شريكه فى المحل
هو فعلا اسعاره غاليه
فاكر موضوع اللى حكيتليكوا عليه بتاع المرايا اللى اتكسرت
انا لما سالته بالتليفون وقت اما كنت موقف الواد قالى المرايه عاوله 190جندى
انا كنت متأكد ان السعر ده عالى
فخدت رقم الواد اللى خبطنى بعد اما خت الفلوس منه
و بعدها بكام يوم جبتها من غير الكفر الملون ب 100 جندى من طنطا كان سعرها كله 155
و كلمت الواد اللى خبطنى وقلتله ليك عندى فلوس و حولتله 90 جندى رصيد
والحمد الله خلصت ضميرى

المشاركة الأصلية كتبت بواسطة tananybasha

ربنا يستر هاشوفها بكره

لو حبيت تاخدني معاك انا تحت امرك.. انا عرفت شوية حاجات بسيطة كده عن العربية دي..
و الكشف بقي عليك و علي محمد سمير.. احسن مكان تكشف فيه..
اما لو علي الشغل.. و التصليح. متحملش هم الموضوع ده خااااالص..

ربنا ييسر الحال ان شاء الله..

المشاركة الأصلية كتبت بواسطة rabbat5

طيب ايه افضل جنط للفكترا بي 2000 انا اللى عندي 185/70/r14
حاسس انه صغير .
يا ترى ال 15 هيفرق فى الثبات ؟ هل هيكون له تأثير سلبي؟
سعره كام استيراد؟

ايوة طبعا باذن الله هيفرق في الثبات.. عشان الجنط ال15 ده ممكن يركب عليه 195-60
او 205-55 وده هيزود العرض طبعا..

مالوش اي تأثير سلبي.. عشان العربية اصلا نازلة بمقاسات الكاوتش دي.. يعني ده من المقاسات اللي الشركة بترشحها انك تستعملها.. و هتلاقي في استيكر كده علي باب التانك.. او علي القايم الشمال عندك مكتوب فيه المقاسات اللي المفروض تستعملها.. هتلاقي منهم ال195 ده اكيد.. مش متأكد ال205 هتلاقيه ولا لأ..

سعر طقم الجنوط استيراد هيبقي تقريبا في حدود 1000-1200 جنيه.. علي ما اذكر.. بس ممكن يكون الرقم مش دقيق.. بس خلي بالك ان الاستيراد ده هيكون 5 خرم مش 4.. شوف انت عندك كام اصلا.. بس لو هتركبه ممككن تحتاج تغير السرة اللي فيها اماكن المسامير..