الموضوع: ستائر البيجو 405

السلام عليكم يا اخوانى البيجوهاتية

كيف حالكم

لفت نظرى موضوع وحبيت اعرضة عليكم ونتناقش فيه .. وهو ستائر البيجو وخصوصا 405.

فى البداية عندما اشتريت العربية صاحبها قالى دى فيها ستاير فبريييييييييييييييككككككك كة وتخن صوتة اوى حسسنى ان وانا سايقها العربيات اللى حواليا حتركن وتاخد يمينها لحد ما اعدى .. فقولتلو وهى الستاير دى مش ممنوعة ؟؟؟ قالى ياجدع بقولك فبريييييييييييييييككككككك كة وراح متخن صوتة تانى
وقال دى على الرخصة وفعلا ورانى الرخصة مكتوب عليها ستائر فبريييييييييييككككككككة ههههههههه

المهم اشتريت العربية وماشى بيها فى وسط عالم استغفر الله العظيم معندهمش ستاير ولا اى حاجة
وماشى بقول يا ارض اتهدى ما عليكى قدى بالذات كمان كنت داخل على اشارة وامين الشرطة كان خلاص حيقفل الاشارة ولما شاف العربية داخلة عليه راح رافع ايدة وقال حاجة كدة زى اتفضل ياباشا ... خصوصا ان العربية 4 نمر قديمة ..

المهم عدى يوم والتانى وابدا الاحظ ان معظم العربيات البيجو ال 405 بستاير ؟؟؟؟ ايه دا
ايه الحكاية ؟؟؟ هو مش انا لوحدى فى مصر اللى عندى الموضوع دا ولا ايه ؟؟؟ وياترى الناس دى كلها الستاير بتاعتها فبريييييييييككككككككة وعلى الرخصة ؟؟؟(دى تبقى مصيبة ) ولا الناس متبلطجة ومش فارق معاها حاجة

فيا ترى ايه الموضوع وليه فى عربيات كتييييير جدا مركبة ستاير ... لدرجة انى شكيت ان العربيات ال 405 نازلة اساسا بستاير .... حاجة غرييييبة