إحترس أثناء تغيير زيت الباور

**original** · 16-01-2008 09:06 PM

زيت الباور هو عباره عن سائل شفاف مثل الماء وأنقى من زيت الفرامل فى اللون
معلومه خاطئة عند الميكانيكي بوضع زيت أحمر وهو فى الأصل خاص بالفتيس الهيدروماتيك ولا يصلح للباور! بل ويضعف قدرة الباور بالسياره
يمكن السبب إنه غالى لأنه بيبأا مستورد وبيوصل تمن اللتر حوالى 50 جنيه بس يستاهل لأنه بيحافظ على طرمبة الباور والإسكتره ونعومة الدركسيون

**original** · 16-01-2008 09:09 PM

زيت الباور ممكن يتغير كل 40ألف كيلو لو تحب تحافظ على كفاءته

**hfarouk** · 16-01-2008 09:15 PM

انا شارى عربية افيو زيرو 2008 وزيت الباور احمر فاغتقد ان كلامك مش مظبوط ارجو الافادة فى هذا الموضوع

ثانيا زيت الباور موبيل مكتوب عليه سائل المقود الالى وسائل الاتوماتيك ولونح احمر

**original** · 16-01-2008 09:27 PM

المقود الآلى وسائل الأتوماتيك يعنى الفتيس الهيدروماتيك
يمكن فيه عربيات مختلفة بس دور بالكتالوج على نوع زيت الباور الخاص بعربيتك
بس زيت الباور الأصلى بكل السيارات شفاف

**bimmeraddict** · 16-01-2008 09:29 PM

؟؟؟؟؟؟؟؟؟؟؟؟؟؟؟؟؟

**original** · 16-01-2008 09:31 PM

حتى لو الزيت أحمر المهم يكون زيت باور مش حاجه تانيه

**original** · 16-01-2008 09:49 PM

على فكره فيه أنواع كتير لزيت الباور بس إحنا فى مصر مش بنشوف غير زيت الفتيس الهيدروماتيك الأحمر اللى كل الناس فاكره إنه زيت باور
فيه زيت باور تخليقى متعدد الدرجات بس ماشوفناهوش وفيه منه لون أخضر
فيه عبوات غسيل للباور قبل ماتغير الزيت
كل ده مش موجود
إحنا مش بنغير الزيت غير لما تحصل مشكله وينزل لوحده

**MMamdouh** · 17-01-2008 04:15 AM

زيت الباور و زيت الفتيس الاوتوماتك هو زيت للاجهزة الهيدروليكيه بشكل عام و انا عمرى ما شفت زيت باور شفاف

و من خواص زيت الباور ان لزوجتة بتزيد مع زيادة الضغط علية... معرفش دة مفيد فى ايه بس دى من اهم خواصة... و هو بيبقى درجات و الشائع الاستخدام بيبقى اما DEXTRON II او DEXTRON III.

MMamdouh

**original** · 17-01-2008 06:53 AM

1- بيمنع الصوت اللى جاى من مجموعة الباور
2- بيحافظ على طرمبة الباور
3- بيحافظ على الإسكاترة
4- بيمنع تكون الصدأ وأى ماده ضاره داخل المجموعة
كل زيت وله فوايد محددة وتقريبا أغلبية المشاكل اللى بتحصل للباور بتيجى من إستخدام زيوت مش وظيفتها تكون للباور وبتسبب عطل الطرمبة والاسكاتره والخراطيم وطبعا الميكانيكى وبتوع قطع الغيار هما المستفيدين