السلام عليكم ورحمة الله وبركاته
اخواني الاعزاء
كل اللي معاه 318 موديل 99 أو 2000 اللي فيها الفتيس القديم (الاتوماتيك)
ياريت كل واحد يقول لنا الفتيس عامل ايه معاه
واللي وقع في مشكله مع الفتيس ده اويعرف حد ليه تجربه مع نفس الموديل يحكي لنا
الغرض من الموضوع ان الناس تعرف ايه مشاكل الفتيس القديم وهل هي عائق لكل واحد ناوي يجيب عربيه بالموديل ده والا دي مشاكل بسيطه مقدور عليها
اتمنى ان يكون الموضوع مفيد للجميع
وشكرا
الله ينور عليك حضرتك زى مابتكون بتقرأ دماغى وتفكيرى أرجو من الرجالة المشاركة ..........
هل يسمى الفتيس القديم بالقديم لانه من غير إستيب ترونيك ولا علشان فى مشاكل ؟؟؟؟؟؟؟؟
والله انا معاية واحدة 99 318i و الفتيس كويس او عادي الا لو هو فيه مشكلة و انا مش حاسس على العموم انا مش عارف ايه المشاكل المتوقعة منه لكن من كام سنة قمت بتغيير الجير بوكس بالكامل علشان ترس اتكسر و مكنتش فكرة الاستعمال متاحة امامي.. اتمنى اني اكون اضفت للموضوع
شكرا على المرورالكريم ولكن حضرتك ماجوبتش على سؤالى
هل يسمى الفتيس القديم بالقديم لانه من غير إستيب ترونيك ؟؟؟
اقتباس:
المشاركة الأصلية كتبت بواسطة medo20000
هما بيسموه قديم عشان نزل الاول وثانيا الاستيبترونيك هو الاحدث
بس لما ظهرت المشاكل في النوع الاولاني حبو يفرقوا بينهم فسمو الاتوماتيك قديم والاستيبترونيك جديد
وعلى فكره في ناس كتييييير معاها الفتيس القديم اللي هو الاتوماتيك وشغال معاهم كويس جدا من غير مشاكل
انا عملت الموضوع ده عشان نعرف من الناس اللي وقعوا مع الفتس ده ايه اللي حصل معاهم بالضبط وهل في عيب معين متكرر مع كل الناس والا عيوب مختلفه
اتمنى انو يعمل اضافه جديده للمنتدى ويفيد اي حد ناوي يشتري الموديل ده بالذات
تحياتي للجميع
اقتباس:
المشاركة الأصلية كتبت بواسطة sourour
شكرا على اهتمامك وردك يا باشا
لي بس كم سؤال
اولا لما اتكسر الترس ده كان بسبب ايه يعني لوحدو والا غلطه من حضرتك وانت بتنقل
ثانيا لما غيرتو كان بكام ( جديد واستيراد) أكيد عند حضرتك فكره
ثالثا هل غيرتو اتوماتيك برضو والا ركبت استيبترونيك (اذا كان ينفع)
رابعا واخيرا الفتيس الجديد (ربنا يباركلك فيه) شغال كويس والا ظهر فيه عيوب
اسف على الاطاله واتمنى الفائده للجميع
بص يا سيدي الترس الي في الفتيس اتكسر لوحده بس لاحظ ان العربية فضلت مثلا 8 سنين من غير اي مشاكل و لكني اعتقد ان من اهم اسباب كسر او تلف الفتيس هو الوقوف في مطلعاية كبيرة او منزلاية كبيرة و يكون الفتيس على p و تنقل للr او ال d ..حتلاقي نفسك مش عارف تنقله غير بقوة شديدة لذلك لازم تشد فرامل اليد بقوة كبيرة عند الوقوف على المنحدرات..اقتباس:
المشاركة الأصلية كتبت بواسطة moon47777
ثانيا الفتيس كان جديد من التوكيل لان الخبرة كانت صفر بس والله مش فاكر خالص التكلفة لان كان غيري موكل بهذه المهمة بس طبعا غالي
ثالثا انا غيرتو اوتوماتيك زي الي باز تماما و لم تكن فكرة التعديل واردة
رابعا الحمد لله يعمل بكفاءة فقطع الغيار الالماني ممتازة و لا اعتقد بوجود عيوب صناعة قوية ولكن يوجد سوء استخدام
و انت تامر و اي خدمة
اقتباس:
المشاركة الأصلية كتبت بواسطة sourour
ربنا يباركلك في عربيتك ويديك خيرها ويكفيك شرها
وشكرا على اهتمامك بالرد
وفي انتظار باقي التجارب