أسعار العربيات الجديدة 2010- حسب ميزانيتك

**AMA** · 11-04-2010 12:55 AM

المشاركة الأصلية كتبت بواسطة fellacd

على فكرة القائمة دى اللى بتنزل فى مجلة أخبار السيارات وبقالها سنتين تقريبا بتكتب نفس الأسعار من غير أى مراعاة لتغير أسعار السوق أو أى تخفيضات .. وهم كده بيجاملوا أصحاب التوكيلات والمعارض لأنك لما تقرا سعر عربية وتروح تسأل عليها تلاقيها أقل بألفين تلاتة تقول دا كده رخصت

طيب حضرتك وضحلنا كام عربية كدة من إلى أسعارهم غلط فى الكشف أنا يتهئ لى أن الكشف أسعارة للأسف الشديد سليمه 100% و كمان بالنسبه للتخفيضات دى بتكون فى معرض أوتوماك مثلا و بتكون لمدة بسيطة

على العموم برضة حسبى الله و نعم الوكيل فى المسؤلين عن النصب و السرقة إلى بتحصل مش هقدر أقول أقل ولا أكتر من الجمله دى

**ma_almula** · 11-04-2010 01:46 PM

اولآ شكرآ جزيلآ على الموضوع
ولكن كامريه ايه اللى بنص مليون جنيه !!!!!!!!!!!!!!!!
دى تاكسي ومش اكتر من كده
كانت تاكسي وهاتفضل تاكسي
بعشره ريال من اى مكان الى اى مكان

**AMA** · 11-04-2010 06:09 PM

المشاركة الأصلية كتبت بواسطة ma_almula

اولآ شكرآ جزيلآ على الموضوع
ولكن كامريه ايه اللى بنص مليون جنيه !!!!!!!!!!!!!!!!
دى تاكسي ومش اكتر من كده
كانت تاكسي وهاتفضل تاكسي
بعشره ريال من اى مكان الى اى مكان

شكلك بقالك كتير برة مصر

على العموم ربنا يكرمك إن شاء الله و تكون فاضى من الشغل أو أجازة فترة لما تعمل حج أو عمره و تقف أدام الكعبة كدة يا ريت بس لو أفتكرت مصر تقول (ربنا يصلح حالك يا مصر و الناس تبطل جشع فيكى)

**fellacd** · 12-04-2010 12:10 AM

يعنى الماروتى على سبيل المثال سعرها فى المجلة 38ألف
فى حين إنها بقالها فترة بـ 36 ألف .. وهكذا

**wasta** · 13-04-2010 03:11 PM

أسعار حلوه جدا بس مبالغ فى كل عربيه مش أقل من 20 ألف جنيه فى أول فئه اللى لغاية 50 ألف والباقى مبالغ بكتيييييير
يعنى عندكوا مثلا السوزوكى ماروتى عباره عن صندوق وليه 4 عجلات وكبيرها واحد بس اللى يقعود جواها ويا إمه تركب تسجيل جواها يا إمه تركب سماعات مينفعش تركب الإتنين فى نفس ذات الوقت يهههههه كبير العربيه ديه عشرتلاف جنيه أو لو خلاص خمستاشر ألف علشان منزعلش أصحاب التوكيلات إنما 35 ألف جنيه ليييييييييييييييييه يعنى

**MEDO84EG** · 24-05-2010 09:26 AM

اللي يشوف موضوع الجمارك في مصر يقول يا سلام عندنا في مصر بيغلوا الجمارك علشان يشجعوا الناس يشتروا العربيات المصنعه في مصر
لكن للاسف الشديد جمارك باهظه بلا اي مصانع لانتاج سياره مصريه
يا عيني